أنفا
أنفا
| ||
| ||
| معلومات عامة | ||
| نوع د لموضع | مدينة قديمة | |
| لبلاد | لمغريب و موريطانية | |
| تاريخ د لبني | 1000 قبل لميلاد | |
| تاريخ فاش تهجرات | 1468 | |
| تقدر تكون هيا نيت | الدار البيضا | |
| لبلاصة | ||
| لمدينة | جهة الدار البيضاء سطات | |
أنفا (ب لأمازيغية ⴰⵏⴼⴰ، ب الصبليونية Anafe، ب لبرطقيزية Anafé) هي السمية لقديمة د كازا ف لفترة لقديمة و لوسطانية، تال لقرن 18 فاش عاود بناها و عمّرها السلطان محمد التالت بن عبد الله، و بدّل سميتها ل "الدار لبيضا" على واحد الدار لونها بيض باش كانت كاتّعرف من بعيد.[1] لمدينة بناوها لأمازيغ ف جوايه لقرن 10 ق.م.، و ف لعهد ديال لإمبراطور الروماني أوڭوستوس، تّبنى فيها مرسى ف عام 15 قبل لميلاد، وخا غالبا كان لموضع ديجا مخدّم ل نفس لغاراض من لفترة لفينيقية.
أنفا دابا السمية د مقاطعة و جماعة حضرية تابعة ل عمالة الدارلبيضا.[2]
لموضع فين كاينة دابا كازا ستوطنوه لأمازيغ علّاقل من لقرن 10 قبل لميلاد.[3] لفينيقيين، لي هوما بحّارا و تجّار أصلهوم من بلاد كنعان، جاو ليها ف النص اللول ديال لألفية 1 قبل لميلاد، و كانو مخدّمينو كا مرسى.[4]
ف 15 قبل لميلاد، الرومان سيطرو على أنفا و بناو مرسى جديد،[4] لي كان مكونيكطي معا موڭادور (الصويرة)، و لڭزاير د الصويرة. واحد من أهم لمنتوجات لي كانو كيدوزو من لمرسى هوّ واحد لعشبة بحرية لي كانت كاتخدّم ف لمصاوبة د صباغة قوقية لي كانت كاتزيّن اللباس لإمبراطوري ف روما. الرحلة لإستكشافية لي كان صيفطها لماليك يوبا لموريطاني ڭزاير لكاناري و ڭزيرة ماديرا غالباً نطالقات من لمرسى د أنفا.
ملي الرومان قتلو لماليك پطوليمايوس لموريطاني و حتلّو مملكة موريطانية ف 40 ميلادية، ولّاو مسيطرين إسمياً على لمرسى، ولاكين خط لحدود الرومانية فعلياً كان كيتواجد كيلوميطرات ف الشمال ديالو. مي كاينين أدلة بلي التجارة، سيرتو ديال الزيت، كانت موجودة بين أنفا و وليلي و طينجيس ف جوايه لقرن 3 لميلادي.
واحد لباطو روماني لي كان غرق ف لقرن 2 كيبيّنو لبقايا لي تّلقاو فيه بلي الرومان كانو مخدمين هاد لمرسى و كيقدّرو لقيمة التجارية ديالو.
- ^ ويبستر، دجيسو (2023-02-24). "In search of the white house of Casablanca". مأرشيڤي من لأصل ف 2023-10-25. تطّالع عليه ب تاريخ 2023-10-25.
- ^ "La Préfecture de Casablanca (in French)". Casablanca.ma. مأرشيڤي من لأصل ف 26 مارس 2010. تطّالع عليه ب تاريخ 28 غشت 2010.
- ^ Casablanca - Jewish Virtual Library
- ^ a b "LexicOrient". مأرشيڤي من لأصل ف 2016-03-03. تطّالع عليه ب تاريخ 2015-08-14.
- خريطة من 1572 ديال أنفا، مصوّرة من أصل برطقيزي مامحددش مؤرشف 2018-10-13 فموقع وايباك ماشين
لمواضيع مرتبين بشكل عام علا حساب نّوع | ||
| أساطير |  | |
| ملوك و ماليكات | ||
| شخصيات | ||
| أحدات | ||
| مدون |
| |
| معلامات أترية | ||
1 مواقع ف ليستة د ليونيسكو د تّرات لعالامي 2 مقتارحة ل هاد لّيستة | ||