تامودا
تامودا
| ||
.jpg)
| ||
| معلومات عامة | ||
| نوع د لموضع | تجمع د بنادم و مدينة قديمة | |
| لبلاد | لمغريب | |
| طرف من | موريطانية و موريطانية طنجية | |
| تّقافة | أمازيغ و روما القديمة | |
| لبلاصة | ||
| لمدينة | تطوان | |
تامودا هيّا مدينة أترية قديمة بناوها لمور لأمازيغ ف لقرن تالت قبل لميلاد، ؤ كانت عندها علاقات تجارية معا قرطاج. لموقع ديال هاد لمدينة كاين حدا تطوان لّي غالبا بناوها سّكان ديال تامودا ؤ هاجرو ليها ف لّخر ديال لعصر لقديم ؤ لبدية ديال لقرون لوسطانية.[1]
مدينة تامودا غادي توصل ل لأوج ديالها ف لقرن لول قبل لميلاد فاش زداهرات تجاريا ؤ ولات مرسا نهري ؤ مركز تجاري مهم ف لبحر دّخلاني، ؤ كان شريك رئيسي ديالها هوّا إيبيريا، ب لخصوص ف لمنتوجات زّراعية. لعولاما ديال لأركيولوجيا بينو بلي هاد لفترة عرفات زديهار عمراني كبير، حيت كشفو علا بني ؤ حيوط ؤ طرقان تبناو ف ديك لفترة.[1] تّرميم دّيجيطالي ديال لبني د تامودا من طاراف عولاما سپنيوليين، كيبيّن تّشابه لكبير ديالو معا لمعمار لمغريبي بشكل عام، ؤ بلي لمعمار لمغريبي لموري ديال لفترة لإسلامية ما هوّا غير ستيمرارية د لمعمار لموري ف لفترة لقديمة.[2]
تامودا غادي تولي طرف من إقليم موريطانية طنجية فاش رّومان غادي يحتلو مملكة موريطانية ف 40 ميلادية. ملي سّكان د لمدينة ناضو ف تورة ضد لحتيلال، لجيش رّوماني غادي يدمر لمدينة كاملة. ليكسوس حتا هيّا غادي يتم تّدمير ديالها ف نفس لفترة ؤ لنفس سّباب، ؤ ف لمدون بجوج رّومان غادي يديرو قشالي ديالهم باش يسيطرو علا دوك لمواقع. وخا لحركة د لبني ستامرات مورا داكشي، لمدينة ماعمرها غادي ترجع ل لزديهار لقديم ديالها.[1]
لبحت لأركيولوجي بيّن بلي رّومان دارو مركز ديال صيد د لبالينات ؤ لمعالجة ديالها ف تامودا.[3] ف لقرن رابع لميلادي تامودا غادي تختافي من لوتايق رّسمية، ؤ ف لغالب هجروها سّكان ديالها قبل ؤلا فاش دخل لإسلام ل لمغريب. مدينة جديدة سميتها تيطّاوين (من بعد تبدلات سميتها ل تطوان) غادي تّبنا ف وقت ممعروفش ب تّحديد.[1]
- تامودا
-
لهديم ديال قشلة عسكرية رومانية ف مدينة تامودا -
طريق وسط تامودا -
.jpg)
.jpg)
- ^ a b c d Tetuán, Evolución Urban de la Medina [تطوان، تّطور لعمراني ديال لمدينة لقديمة] (ب سپنيولية). 2003.CS1 maint: unrecognized language (link)
- ^ "Reconstrucción Infográfica del Castellum de Tamuda (Tetuán, Marruecos)" (ب صبليونية). نونبر 2012. doi:10.4995/var.2012.4449. Cite journal requires
|journal=(معاونة) - ^ "Forgotten Mediterranean calving grounds of gray and North Atlantic right whales: evidence from Roman archaeological records [مناطق منسية ف لبحر دّخلاني ديال ستيغلال لبالينات، دلائل من لهديم لأركيولوجي رّوماني]" (ب نّݣليزية).CS1 maint: unrecognized language (link)
