إكسيليسا
إكسيليسا
| ||
| ||
| معلومات عامة | ||
| نوع د لموضع | تجمع د بنادم | |
| لبلاد | لمغريب و موريطانية | |
| تقدر تكون هيا نيت | لقصر صّغير | |
إكسيليسا ؤلا ليسا[1] (ب اللاتينية Exilissa، ب ليونانية لبالية Ἐξίλισσα)[2] مدينة مورية قديمة لي كانت موجودة ف الشمال ديال مملكة موريطانية (ف لمغريب دابا)، لي كانت جات على لبحر الدخلاني، قريبة ل مضيق جبل الطر، و سيپتيم (دابا سبتة). لموضع ديالها دابا هوّ لقصر الصغير.
إدوارد ليپينسكي حط لفرضية بلي السمية لأصلية ب لفينيقية هيّ "حيق" ؤلا "حيق شي إليسا" (يعني لخليج د ليسا).[3] ليپينسكي و پلينيوس لقديم بجوج كيعتابرو بلي لموضع ديال لمدينة كاين ف بينزو (تجمع سكني ف سبتة).[3]
ف لقديم يقدر يكون معمل فينيقي كان موجود ف داك لموضع.
إكسيليسا طلع ليها الشان ف عهد الرومان. ف عهد لإمبراطور أوڭوستوس ستاقرو فيها عساكاريا رومان متقاعدين و فاميلاتهوم و ف عهد لإمبراطور طرايان، وصل عدد السكان ديالها ل 10000.
ف لفترة الرومانية، لمدينة و الجرادي لي لموضع ديالهوم ف بليونش كانو كيتسماو إكسيليسا.
لمسافرين لي دازو من تماك كتبو على قرودا لي كانو كيضورو ف لكديات ديالها، كيما كانلقاو دابا ف جوايه أزرو حدا پارك إيفران الوطني. كانت زيادة على هادشي مرسا ديال التمليح.
ف لقرن 5 يقدرو يكونو لوندال دخلو ليها، و ف لقرن 6، حتلوها لبيزانطيين.
فاش دخل لإسلام ل شمال إفريقيا، فقدات إكسيليسا لأهمية ديالها، و غبرات ف لقرن 9.
ف لموضع ديالها تّبنات مدينة لقصر الصغير (لي كانت كاتسمى قصر مصمودة)، قرن من مورما دخلو لأمويين ل لمنطقة.
- ^ Plin., Nat. Hist., Book V, §2.
- ^ Ptol., Geogr., Book IV, Ch. i, §3.
- ^ a b Lipiński (2004), p. 422–425.
Lipiński، Edward (2004)، Itineraria Phoenicia، Orientalia Lovaniensia Analecta, No. 127, Studia Phoenicia, Vol. XVIII، Leuven: Uitgeverij Peeters، ردمك 9789042913448
