الدار البيضا

من ويكيپيديا
اذهب إلى التنقل اذهب إلى البحث
الدار البيضا

‫الدار البيضاء (ar)
Tigmmi tumlilt (shi)

Flag of Casablanca province (1976-1997).svg Casablanca logo.png
شارع لجيش لملكي فالدار لبيضا
شارع لجيش لملكي فالدار لبيضا
لبلاصة
لبلاد لمغريب
لجيهة جهة الدار البيضاء سطات
لإقليم عمالة الدار لبيضا
لإدارة
لعمدة عبد العزيز العمري (2015)
السكان
شحال دالسكان 4,370,000 (2016)
لجغرافيا
لميساحة 384 كم²
رتيفاع 115 م
خط الطول بـ ° -7.57713318
خط لعرض بـ ° 33.58716734
معلومات خرا
توقيت ديال لمدينة ڭريتينش
ڭرينيتش + 1
لكود دلبوصطة 20000 à 20200
السيت الرسمي casablanca.ma
الرمز لجغرافي 2553604
لخريطة


كازابلانكا (كازا بلمختصر)، الدار البيضاء ب لعربية، ⵜⵉⴳⵎⵎⵉ ⵜⵓⵎⵍⵉⵍⵜ تيݣمّي تومليلت ب لأمازيغية، Casablanca كازابلانكا بلفرونسي ، ( أنفا او ⴰⵏⴼⴰ هوا لإسم لقديم ديالها، من أصل أمازيغي)

واحد المدينة مغربية كاينة في وسط-غرب المغرب. و هي المدينة لي معروفة بانها أكبر مدينة من ناحية السكان. و كذلك معروفة بالمعاملات التجارية حيت كازا كضم عدد كبير من الشركات و المقاولات. بالإضافة علا هدشي كازا كتعتبر العاصمة الاقتصادية ديال لمغريب.

أصل سّمية[بدل | بدل لكود]

قبل ماتكون هاد سميّة لي كانعرفو دابا، كانت هاد لمدينة سميتها ⴰⵏⴼⴰ أنفا و هي سمية أمازيغية كاتعني تل اولا مرتفع أرضي،[1] من بعد هاد سمية ولات دابا كاتݣال غي لوحد لحي معروف فكازا (أنفا)

أما كازابلانكا لي ب لعربية الدار البيضاء جات من تسمية ديال صبليون و لبرطقيز (لبرتغاليين). وخداو هاد السمية من واحد لمنارة ديال لبحارة كانت كاتضوي ب ليل باش تݣيديهم. هاد لمنارة تهدمات و مابقا فيها غير لملامح ديالها. وحيت كانت كتشبه ل دار ملونة ب لبيض سماو لمنطقة Casabranca (كاسابرانكا) ولي كتعني دّار لبيضا ب لبرطقيزية ؤ طّرجمات ب صبليونية ل Casablanca (كاسابلانكا).

تّاريخ[بدل | بدل لكود]

لمغاربة لقدام كانو كيعيشو من أزمنة سحيقة ف لمنطقة ديال كازا، حيت تلقاو ف لمحيط ديالها آتار كترجع ل عصور ما قبل تّاريخ. ف لقرن لعاشر قبل لميلاد تبنات قرية ؤلا مدينة ف ديك لمنطقة تسمات أنفا (كتعني لكدية ب لأمازيغية) ؤ كانت تابعة ل مملكة موريطانية.[2] بحكم لموقع لستراتيجي ديالها، غادي يستعملو لفينيقيين لمرسا ديالها باش يتاجرو معا لمور، ؤ موراهوم رّومان فاش شدو لمنطقة ؤ ولات تابعة ليهم.

ف لبدية ديال لقرون لوسطى معا دخول ديال لإسلام ل لمغريب غادي تولي أنفا عاصمة ديال برغواطة، ؤ غادي تبقا هكاك، حتا قضاو لموحدين علا لبرغواطيين ف لقرن 12 ميلادي.[3]

ف 1468 لبرطقيز غادي يدمرو أنفا، ؤ ف 1755 غادي تعاود تدمر ب زلزال، لّي غادي تخلي سّكان ديالها يهجروها. مي ف 1770 سّلطان محمد تالت بن عبد الله غادي يعاود يبني لمدينة ب سمية جديدة: دّار لبيضا.[4]

جغرافيا[بدل | بدل لكود]

كازا كتوجد فالشاوية المعروفة بالفلاحة ديالها من قديم الزمان، و اللي باقة لدابا محافضة على هاد الصفة، و حيت كازا كطل على لبحر ،فهي كتوفر تا على لموارد السمكية اللي كادخل للمغريب بزاف ديال لفلوس. لا من ناحية الصيادة ولا من المراسي لي كتجيب بزاف ديال الباطوات السياحية و حتى التجارية.

الجو[بدل | بدل لكود]

الجو فكازا غالبا كايكون عادي و بعض المرات كايكون بارد حيت يمكن توصل الحرارة بعض المرات فالعام لقل من 8 الدراجات سيلسيوس و كاترتفع حتل 27 درجة مئوية سلسيوس كمعدل عام.

الطبيعة[بدل | بدل لكود]

الجو ديال كازا بدا كيعاني هاد السنوات الخيرة نظرا لاعمال ديال لوزينات زائد الاحوال المناخية لي كيعرفها العالم، وممكن نشوفو هاد التغير فالشتا لي مابقاتش كاتطيح في الوقات ديالها، فالامراض لي بدات كتنتاشر، فالدخان لي ديما كيغطي السما فكازا.

التصاور[بدل | بدل لكود]

عيون لكلام[بدل | بدل لكود]

  1. حسب ديكسيونير أنفورماتيزي ديال ليركام [دخل ليه]
  2. "تاريخ كازابلانكا" (بنݣليزية).CS1 maint: unrecognized language (link)
  3. "كازابلانكا، لمغريب، لمكتبة رّقمية ليهودية" (بنݣليزية).CS1 maint: unrecognized language (link)
  4. "لوكليكس إنسايكلوپيديا، تاريخ كازابلانكا" (بنݣليزية).CS1 maint: unrecognized language (link)