مملكة موريطانية

مملكة موريطانية هيّ مملكة أمازيغية لي كانت ف الشمال لغربي ديال إفريقيا من لقرن 4 قبل لميلاد تال عام 40 ميلادية. هاد لمملكة كاتمتّل مرحلة ف التاريخ ديال منطقة موريطانية.

لّيستة د لْمْلوك

سّْمية	فترة د لْحكم	ملاحضات	تصويرة
أطلس لموري	لقرن سادس ق.م	ماليك أسطوري
باݣا	225 ق.م	أول ماليك د موريطانية متوكد تاريخيا دكرو المؤرخ تيتوس ليويوس بمناسبة دّعم العسكري لي عطاه لماسينيسا
بوكوس لول	تقريبا 110 – تقريبا 80 ق.م	أول ماليك كيتعاملو معاه رّومان بشكل مباشر
ماصطانيصوسوس	تقريبا 80 ق.م – 49	سّلطة ديالو ف لغالب كانت محدودة ؤ لمصادر عليه قليلة بزاف، و كنعرفو عليه بلي كان واخد منصب أمير ملكي وشارك فلحرب لّي وقعات بين رّومان و تّحالف نّوميدي-لموري
بوݣود	49 – تقريبا 38 ق.م	متقاسم لحكم معا خوه بوكوس تاني تحارب ف جيهت ماركوس أنتونيوس ؤ كليوپاترا ف لحرب لأهلية رّومانية تّانية ؤ خسر مملكتو مات ف ليونان ؤ قتلو لجنرال أݣريپا
بوكوس تاني	49 – تقريبا 33 ق.م	متقاسم لحكم معا خوه بوݣود خدا طرف لغربي ديال لمملكة من خوه فاش كان مشغول ف معارك ف سپانيا ف لوقت ديالو وصلات مملكة موريطانية ل أقصى مْتداد ديالها
يوبا لموري	25 ق.م – 23 ب.م	تابع ل رّومان وهو أكتر ماليك معروف و عندو إنجازات علمية كبيرة فمجال لبوطانيك و لأركيولوجيا و ليسانيات و لموسيقا و لجغرافيا
پطوليمايوس لموري	20–40	آخر ماليك ديال موريطانية بدا لحكم ديالو متشارك معا بّاه يوبا تّاني تقتل بأمر من كاليݣولا