ليكسوس
ليكسوس
| ||
 | ||
| معلومات عامة | ||
| نوع د لموضع | موقع أثري قرطاجي و مدينة قديمة | |
| لبلاد | لمغريب | |
| طرف من | موريطانية و موريطانية طنجية | |
| تّقافة | أمازيغ و بونيقيين | |
| مدكورة ف | Esmeraldo de Situ Orbis | |
| لقيمة لأثرية | ||
| مستوى تراتي | موقع التراث العالمي المؤقت و ترات تقافي ديال لمغريب | |
| معيار الترات لعالمي | (ii)، (iii) و (iv) | |
| لبلاصة | ||
| لمدينة | لعرايش | |
ليكسوس ؤلا ليكس (ب لاتينية Lixus ؤلا Lixos ؤلا Lix) هيّا مدينة مورية أمازيغية قديمة تّبنات علا سّاحل ديال لمحيط لأطلسي حدا لموقع ديال مدينة لعرايش ف لقرن تامن قبل لميلاد. ليكسوس لعبات دور كبير ف نشر تّأتير تّقافي ليوناني ؤ لفينيقي ف شمال إفريقيا ؤ ف لمنطقة لغربية ديال لبحر دّخلاني، ؤ ساهمات ف تّحولات تّقافية ؤ سّياسية لي غادي تأدي ل طّلوع ديال مملكة موريطانية.[1]
لموقع د ليكسوس كان بدا لبحت فيه لعاليم د لأركيولوجيا لفرانساوي هنري دو لا مارتينيير ف 1882.[2]
ليكسوس تنسجو عليها بزاف د لأساطير ؤ لحكايات، بحال بلي فيها كانت جّردة د لحوريات ديال تّفّاحات دّهبية، لي كيحرسها تنّين.[3]
ليكسوس كانت موجودة كا مدينة من لعهد ديال لستيكشافات لفينيقية ف لقرن تّامن قبل لميلاد. ب سباب تّيجارة معا لفينيقيين لي جاو من مدينت صيدا (دابا ف لبنان)، ؤ لبعض منهوم ستاقرو ف لمنطقة، غادي تولي ليكسوس مدينة غنية بزاف، ؤ فيها طبقة جتيماعية مرفّحة ديال تّجار لي غالبا عندهوم ؤصول فينيقية، بحال مدون خرين ف لغرب ديال لميديطيراني، طانجا ؤ ݣاديس ف إيبيريا علا سابيل لميتال.[1]
حتال سّقوط د قرطاج ف 146 قبل لميلاد، رّومان ماكانوش كيعرفو بزاف علا سّاحل لأطلاسي ديال لبحر دّخلاني. ف نفس لعام، غادي يصيفطو مهمة ستيكشافية، ب لقيادة ديال لمؤرّيخ ليوناني پوليبيوس.
ف لعهد ديال لماليك يوبا لموريطاني، ليكسوس غادي تولي من أهم لمدون ف مملكة موريطانية، حيت غادي تساهم ب لخيبرة لميلاحية ديالها ف لستيكشافات ديال سّاحل لأطلاسي، ؤ ف تنشيط لحاراكة د لبيع ؤ شّرا، مابين لمراسي ديال موريطانية، ؤ لبحر دّخلاني.[1]
لهديم ديال مدينت ليكسوس كيبيّن بلي كانت مقسّمة علا حومات صيناعية، ساكانية ؤ إدارية.[1]
- 1 2 3 4 كارمن أرانيݣي، ريكاردو مار (2009). "Lixus (Morocco): from a Mauretanian sanctuary to an Augustan palace" [ليكسوس (لمغريب): من مازار موريطاني ل موضع ؤكوسطي].
{{cite journal}}: Cite journal requires|journal=(معاونة) - ↑ "Henri Poisson of La Martinière, France, 1859-1922" (ب الإنجليزية). Archived from the original on 2022-06-28. Retrieved 2021-05-11.
- ↑ دجوزيفين كوين (2018). In Search of the Phoenicians [ف طور تّقلاب علا لفينيقيين] (ب الإنجليزية). مطباعة د جاميعة پرينسطون. p. 121.
 |
ويكيميديا كومنز عندا تصاور و معلومات على ليكسوس. |
 هادي زريعة ديال مقالة خاصها تّوسع. تقدر تشارك ف لكتبة ديالها. |
| عالمي | |
|---|---|
| وطني | |
| جغرافيا | |
| غيرهم | |
