كوطا (مدينة قديمة)
كوطا (مدينة قديمة)
| ||
| ||
| معلومات عامة | ||
| نوع د لموضع | تجمع د بنادم، موقع أركيولوجي و مدينة قديمة | |
| لبلاد | لمغريب و موريطانية طنجية | |
| تّقافة | لإمبراطورية الرومانية | |
| تاريخ د لبني | 40 | |
| تاريخ فاش تهجرات | 285 | |
كوطّا (ب لّاتينية Cotta) هيّا قرية مورية صغيرة تّبنات ف لقرن لّول لميلادي ف عهد سّيطرة د رّومان علا شّمال د لمغريب (مورا 40 ميلادية) حدا طانجا ف لإقليم د موريطانية طّنجية، باش تخدم سيرتو كا ؤزين د لݣاروم (نوع ديال صّوص كان متداول بزاف ف لعصور لقديمة). لقرية ف لغالب تهجرات ف لقرن تّالت لميلادي. لهديم ديالها كاين دابا علا لاكوط لأطلسية د لمغريب شي كيلوميطرات من كاپ سپارطيل،[1] ؤ تّلقاو فيه معمل ديال لݣاروم، معصرة د زّيتون، معبد، ڤيلا ؤ حمامات.[2][3][4]
السمية[بدل | بدل لكود]
كاينين باحتين ڭالو بلي كوطا تقدر تكون هيّ براسها ڭيطي ديال رحلة حانون لقرطاجي. ميشيل پونزيش ربط السمية ديالها معا السمية لقديمة ديال راس سپارطيل، "كوطيص" لي كاتعني "راس لعنب".[4][5]
تاريخ[بدل | بدل لكود]
كوطّا تبنات مورا ما حتلو رّومان مملكة موريطانية ؤ قسموها ل أقاليم تابعة ليهوم، كيما بناو معامل خرين علا جّوايه لغربية د لبحر دّخلاني ف شمال إفريقيا ؤ إيبيريا، باش يستاغلو لخيرات د لبحر. تدارت كوطّا باش يكون عندها كتيفا داتي، كيما كيدل علا هادشي لوجود ديال أراضي فلاحية حداها.[2]
ف 1965، لعولاما د لاركولوجيا ميشيل پونسيش ؤ ميكيل طاراديل دارو تنقيب أركيولوجي ف لموضع. كوطّا هيا أكتر موضع أركيولوجي تبقشش فيه ف موريطانية طّنجية. لأتار ديالو ماكاتختالفش بزاف علا لي تلقاو ف مواضع مشابهين (ديال لإنتاج د لݣاروم) ف ليكسوس ف لمغريب ؤلا بايلو كلاوديا ف سپانيا.[3]
تصاور[بدل | بدل لكود]
عيون لكلام[بدل | بدل لكود]
- ^ "Murex-Purple Dye: The Archaeology behind the Production and an Overview of Sites in the Northwest Maghreb Region". Cite journal requires
|journal=(معاونة) - ^ a b Mark Ellingham and Shaun McVeigh. The Real Guide, Morocco. ص. 64.
- ^ a b Tonnes Bekker-Nielsen. - Ancient Fishing and Fish Processing in the Black Sea Region (Black Sea Studies)-Aarhus University Press (2004). pp. 66–68.
- ^ a b عبد المالك الناصري, إيديتور (2013). المدن المراسي في تاريخ المغرب: أشغال الأيام الوطنية الثامنة عشر للجمعية المغربية للبحث التاريخي، الدار البيضاء، 27-29 أكتوبر 2010 (ب لعربية). الرباط: الجمعية المغربية للبحث التاريخي. ص. 65. ردمك 9789954328002.
- ^ لوزغاري، عبد الرحمان. El mundo indígena y roma en el Marruecos antiguo (PDF) (ب صبليونية). Universidad de Granada.
مزاود[بدل | بدل لكود]
شوف تا[بدل | بدل لكود]
 هادي زريعة ديال مقالة خاصها تّوسع. تقدر تشارك ف لكتبة ديالها. |
