سمع لهاد لمقال

لأمازيغية

من ويكيپيديا
اذهب إلى التنقل اذهب إلى البحث
سمع لهاد لمقال
Spoken Wikipedia icon
هاد لؤديو مخدوم من واحد نوسخة د لمقال "لأمازيغية" بتاريخ 30 شتنبر 2020، وماداخلش فيه تبديلات لي جاو من بعد.

لبلايص لي كتهضر فيهم لأمازيغية

لكلمة ديال تامزغا مكتوبة بحرف نيو-تيفيناغ

لبلايص لي كتهضر فيهم لأمازيغية فلمغريب ؤ لهجات ديالها

مغريبي تيهضر الرًيفية

مغريبي تيهضر الشًلحة

لأمازيغية ؤلا تمازيغت (ⵜⴰⵎⴰⵣⵉⵖⵜ)، هي لوغة لأصلية د شمال إفريقيا، ؤ لي هي فرع من لعائلة د لوغات الأفرو-آسياوية. لأمازيغية لوغة رسمية ف لمغريب ؤ لجزائر ؤ مليلية، ؤ لوغة وطنية ف نيجر ؤ مالي، وتاتهضر فبزاف د لبدان آخرين لي هوما: تونس، ليبيا، موريتانيا، مصر، مالي، نيجر، بوركينا فاصًو، جزر الكناري ؤ حتا ف شي بلدان بحال فرانسا و صبليون و هولاندا...

ماكاينش إحصائيات رسمية ديال شحال د نّاس تيهضرو لوغة لأمازيغية، ولكن تقديرات تاتكول بلي مابين 25 تال 30 مليون واحد ف لعالم تيهضرو على لأقل وحدا من لهجات لأمازيغية. على حساب لإحصا د 2014، كاين تقريبا 16 د لمليون د الناس لي كيهضرو لأمازيغية غي ف لمغريب بوحدو .[1][2][3]

تاريخ[بدل | بدل لكود]

تّاريخ نتاع اللغات الأمازيغية قديم بزاف، و كاع علماء اللسانيات متافقين بلي كاع هاد اللغات الأمازيغية لي منتاشرة دبا فشمال إفريقيا كترجع للوغة وحدة، كيسميوها الأمازيغية البدائيةباللونغليproto-berber ،رغم أنه كاين خلاف على تأريخ هاد اللغة و لكن كاين إجماع على أن انفصال هاد لّوغة على الفروع الأفروآسيوية لاخرين، كيرجع لشي 9000 عام تال 10000 عام قبل الحاضر، إيلا جانب هادشي فهاد اللوغة عرفات جوج مراحل فالتطور نتاعها لي هوما:

  • الأمازيغية البدائية1 PB1 كترجع لحوالي 7000 عام هادي
  • الأمازيغية البدائية2 PB2 هادي هي السلف المباشر لكاع اللغات و اللهجات و التنوعات الأمازيغية الحالية.

واخا الدراسات متعارضة فهاد الموضوع و لكن الحاجة لي حنايا متأكدين منها هي بلي فالألفية الثالثة قبل الميلاد هاد اللوغة كانت حية و كتستعمل فالأراضي لي كيمتدو من غرب النيل حتال المغرب و جزر الكناري.

و مننساوش أيضا بلي كاينين خبراء كيدعموا فرضية تطور الأمازيغية البدائية بشكل ذاتي و منعزل، يعني ضحد فرضية التفرع على اللغة الأفروآسيوية.

الأمازيغية فتّاريخ لقديم[بدل | بدل لكود]

لمؤرخين كيتافقو أن اللغات الأمازيغية كانو كيهضروها سكان شمال إفريقيا فتّاريخ لقديم و كثر من هادشي كانت هي لّوغة الرسمية فبزاف تاع الممالك. لوغة لأمازيغية فتّاريخ القديم كتعرف علميا بلّوغة الليبية و بشكل عام السلف نتاع گاع التنوعات الأمازيغية الحالية هي البروتو-بربرية و كانت لغة منتشرة على الأقل قبل 2000 عام هادي، و غادي تنقاسم من بعد باش تعطينا بزاف د لوغات على الشكل التالي:

  • 2000 ق.م: تفرقات البروتو-بربرية لجوج فروع زناگة و البروتو-أمازيغية.
  • 1000 ق.م:زناگة نعازلات و حبسات التطور،و البروتو-أمازيغية غادي تعطينا جوج فروع هوما لغة القبايل و الأمازيغية البدائية شرق-غرب.
  • 600 ق.م: نعزالات لغة القبايل مع لبداية تاع تكون الممالك البربرية المبكرة ولكن الأمازيغية شرق-غرب غادي تكمل التحور تاعها وغاتعطينا لوغات:الأمازيغية الزناتية و تاشلحيت، نفوسة ،غدامس، أوجيلة و لغة سيوة و بروتو-توارگ.
  • 400 ميلادية: كاع لوغات تقريبا غايبقاو ثابتين إلا لأمازيغية الزناتية غادي تنقاسم لأمازيغية غربية-وسطية و لوغة واسيس البدائية و لوغة الشاوية.
  • 1100 ميلادية: الأمازيغية غرب-وسط غادي تنقاسم وغاتعطي:لوغة تامازيغت، الريفية، لوغة صنهاجة، لوغة بني سنوس و لوغة شنوا، أما السلف الأصغر واسيس غادي يعطي جوج تنوعات هوما لوغة ورگلة و المزابية.
  • بعد 1100 ميلادية: هدا هو تاريخ آخر تفرع معروف فشجرة لوغات البربرية و فيه غادي تنقاسم البروتو-توارگ وغادي تعطي لغة غات و لغة الهگار.

( التنوع اللساني غوانش مازال ماكاينش تقدير تاريخ الإنفصال تاعو حيت السباب هو قلة المعلومات لي عارفينها عليه و لكن ممكن يترشح يكون انفاصل هادي 2000 عام حسب علم الإبيغرافيا).

تقسيم لجغرافي[بدل | بدل لكود]

لمغريب[بدل | بدل لكود]

كاين تلاتة د للهجات لأمازيغية فمغريب لي جات من للغة لأمازيغية، بحال: ريفية (ريف)، تامازيغت (لأطلس لمتوسط) ، تاشلحيت (سوس ، الحوز، إحاحان، أيت باعمران و النواحي) .

اكاديميا كنسميو لهجة رّيف ب أمازيغية زناتة ؤ لهجة سوس ؤ لاطلس ب أمازيغية صنهاجة.

من 2011، ولاًت لأمازيغية لغة رسمية فالدستور د لمغريب (هي ولعربية)[4]، وكاين واحد لعدد د لمداريس ديال الدولة لي تيقرًيوها من 2001 .

لأمازيغية لفصحى (لي معيرها لمعهد لملكي د ثّقافة لأمازيغية فالرباط) تاتًكتب بحرف تيفيناغ وكتجمع بين كاع لمتغيرات لسانية دالامازيغية ؤ هي لي تاتقرًا فلمدارس د لمغريب ؤ كيتكبو بيها لبلايك ف شارع ؤ لموسسات، ؤ كيتنشرو بها لكتوب ؤ لمؤلفات.

دزاير[بدل | بدل لكود]

كاين بزاف د اللهجات لأمازيغية فالدزاير, منهم: لقبايلية, الشاوية, لمزابية و لأمازيغة ديال التوارڭ د الصحرا وكتعتبر من أبعد اللهجات د لأمازيغية وبعض المختصين كيصنفوها على أنها لغة بوحدها.

ف 2002 رجعات لأمازيغية ف الدزاير لغة وطنية, و ف 2016 بدًلات الدستور و ردًاتها لغة رسمية هي و لعربية.[5]

بزاف د الناس فلجزائر (خاصة لقبايل) تيكتبو لأمازيغية بلحرف اللاتيني وكتكب بتفيناغ عند الشاوين.

ليبيا[بدل | بدل لكود]

لأمازيغية ف ليبيا مشي لغة رسمية، ولكن المجلس الاعلى لأمازيغ ليبيا علن بأن لأمازيغية رسمية فلمناطق ؤ لمدن لي كيسكنوها لأمازيغ، فعام 2011 من بعد ما طاح نظام لقذافي لأمازيغية دخلات للمدراس د ليبيا، لأمازيغ د ليبيا كيعتمدو أساسا إصدارات المعهد الملكي للثقافة لأمازيغية بالمغرب كمرجع لتدريس لأمازيغية بحرف تيفيناغ، لأمازيغية فليبيا كتواجد اساسا فزوارة ؤ نفوسة ؤ جنوب (توراق).

صبانيا[بدل | بدل لكود]

  • مدينة مليلية
  • جزر لكناري

تأتير د لأمازيغية على لوغات خرين[بدل | بدل لكود]

لغة لأمازيغية عندها تأثير كبير على لوغات لمغاربية بحال الدارجة المغربية لي كتشكل الصانطاكس و لفونولوجي ديالها بشكل اساسي كما ان جزء كبير من لمفردات ديال لدارجة جاي منها، لأمازيغية أثرات بزاف على لنطق د لحروف عند بنادم لي كيتكلم ب للغات مغاربية.

للغة لأمازيغية عندها كذلك تأثير كبير على لغة الهوسا لمنتشرة فدولة نيجر ونيجريا.

لمصادر[بدل | بدل لكود]

شوف تا[بدل | بدل لكود]

Wikimedia Commons تقدر تزيد شوف بزاف د صور و معلومات ديال Berber ف ويكيميديا كومنز.