ويكيپيديا:لبرلمان
مرحبا فلبرلمان د ويكيپيديا بالدارجة!
هادا هو لبرلمان ديال ويكيپيديا بالدارجة، واللي كانتناقشو فيه على شلّا حوايج متعلّقين بهاد لموسوعة لحرّة. فهاد لبلاصة كانهضرو على لحكام، كانقتارحو لمشاريع، كانحاولّو نفكّو لمشاكيل التقنية، كانحددو لخدامي د لبوت و زيد ؤ زيد. خلاص، هادا هو لمجمع ديالنا.
هنايا كانتعاملو بواحد الطريقة ديموقراطية، إلا وحَل النيقاش وماقدرش يكمل، كاندوزو للتصويت اللي كايفاريها فاللخر. فحالات خرين يقدر أي واحد يقتارح التصويت على أي حاجة بانت ليه غاتكون زيادة مزيانة للموسوعة، ولخرين اللي حاضرين كايصوتو.
إلا بغيتي تزيد مناقشة جديدة، ورّك على لبوطونة الزرقة لتحت. غادي تديك نيشان لواحد الصفحة خرة فيها جوج د لخانات. فلخانة اللولة (الصغيرة) عافاك كتب(ي) عنوان قصير كايلخص داكشي اللي بغيتي تݣولو(يه)، فلخانة التانية (لكبيرة) كتب(ي) اللي بغيتي. عافاك منين تسالي لكتبة، حاول(ي) تسيني التعليق ولّا آي حاجة كتبتيها بلكتابة ديال ربعة دلعاريضات بحال هادو (~~~~).
ستكمال لقرار تقني ديال صلاحيات مراجع نيشان وكتاتبي
[بدل لكود]سلام عليكم مجتمع ويكيپيديا @Nour el houda2011، @Amal oamar، @AdilElouarti، @فاعلة صوتي، @Anass Sedrati، @راشراش، @الحمازي، @Essaidib2، @Taloubant، @Nabil Talibi، @Abdes101، @Ideophagous هاد المداكرة جاية باش تكمّل النقاش لي فات ؤتوافق فيه أغلب لخدايمية على مبدأ زيادة د صلاحيات جديدة فويكيپيديا بداريجة. نقاش لقديم: ويكيپيديا:لبرلمان/أرشيڤ 4#مسألة مهمة فتطوير ويكيپيديا بداريجة!
هاد تصويت جديد ماشي على المبدأ العام، ولكن باش نحسمو لأسماء تقنية، لحقوق، ؤشروط ؤطريقة دلمنح ؤسحب د صلاحيات.
| سمية بداريجة | سمية تقنية | دور | طريقة د لمنح | شكون يعطيها ويحيدها | قتراح د لإستحقاق صلاحية |
|---|---|---|---|---|---|
| مراجع نيشان | autoreviewed | تبديلات ديالو كتتراجع نيشان | بطلب | إمغارن | 150 تعديل ؤ 5 د لمقالات بلا تخريب |
| كتاتبي | editor | يراجع ويقبل نسخ د لمقالات | بطلب | إمغارن | 500 تعديل ؤ 15 د لمقالات بلا تخريب |
| موراجيع | reviewer | مراجعة متقدمة للنسخ | بطلب | إمغارن | 1000 تعديل (بلا ستعمال د لبوتات) ؤ 25 د لمقالات بلا تخريب |
أسئلة تصويت منفصلة:
- واش متافقين على تفعيل نظام FlaggedRevs؟
- واش متافقين على مجموعة autoreviewed؟
- واش متافقين على مجموعة editor؟
- واش محتاجين reviewer دابا ولا نخليوه من بعد؟
- واش إمغارن هما لي يعطيو ويحيدو هاد الصلاحيات؟
- شنو هي شروط ديال كل صلاحية؟
DERDAKI ILIAS (مداكرة) 14:52، 17 غشت 2026 (+01)
- سلام @DERDAKI ILIAS. شكراً على الحلّان ديال هاد المداكرة. ب النسبة ل "موراجيع" كايبان لي حسن نديرو شي صيغة د الإشتقاق مدرّجة بحال "كتاتبي". متلاً "حقايقي" (كايحقّق مزيان ف التبديلات و المحتويات). نشوفو شنو غادي يڭولو المساهمين الخرين. Ideophagous (مداكرة) 14:57، 17 غشت 2026 (+01)
مقبول شكراً @Ideophagous على لقتراح. غير عندي واحد سؤال: واش «حقايقي» مايمكنش تتفهم بلي مول صلاحية كيتأكد من لحقيقة ديال لمعلومات، فحين أن دور تقني ديال `reviewer` هو بالأساس مراجعة نسخ ؤتقييم ولعتماد ديالها؟- ؤزيد عليها، بما أن سمية لمستعملة فمشاريع ويكيميديا العربية هي «مراجع»، واش «موراجيع» ما غاتكونش أقرب للمعنى تقني وأوضح للمساهمين؟ كنطرح غير هاد نقطة باش نوصلو لسمية دقيقة ؤمفهومة قبل ما نحسمو فيها. DERDAKI ILIAS (مداكرة) 15:09، 17 غشت 2026 (+01)
- الدور ديال Reviewer راه ماشي غير تقني، حيت كايراجع و كايحقّق ف جميع التعديلات لي تدارو و لي باقيين معلّقين (متلا لي داروهم المساهمين لي ماعندهمش صلاحية "مراجع نيشان"). يعني الدور ديالو فيه التحقق من المعلومات و الصحة ديالها. لي كايضيرونجيني ف كلمة "موراجيع" هيّ بلي خدينا الكلمة كيفما هيّ ب العربية و بدّلنا ليها الكتابة. وحدة من الإنتقادات لي كايتوجّهو ل ويكيپيديا ب الداريجة هيّ نيت بلي "بلعاني كانعوّجو الكلمات غير باش مايبانوش بحال العربية"، وخا ماشي هادا هوّ المقصود. زيدون الداريجة فيها صيغات ديال الإشتقاق خاصّين بيها بحال نيت "فعايلي" (طواجني، شلاهبي، كتاتبي، صنايعي...)، إدن علاش مانستاغلوهمش؟ الحاصول "حقايقي" غير إقتراح. نقدرو نديرو "مراجعي"، ولّا أي إقتراح خور ماشي ضروري ڭاع يكون ب هاد الصيغة. يلا الأغلبية بغات "موراجيع" تا هيّ ماكاينش إشكال.
- غادي يخصنا نعرّفو بعدا مزيان شنو كانقصدو ب '"مراجعة متقدمة للنسخ" حيت ديجا صلاحية "كتاتبي" كاتعطي للواحد الإمكانية باش يراجع و يقبل ولّا يرفض التعديلات. Ideophagous (مداكرة) 18:53، 17 غشت 2026 (+01)
- @Ideophagous مراجع نيشان ومراجع تقريبا بنفس سمية مكتوضحش راه صلاحية ثانية علا من لولا، كيما صلاحية إداري ختاريتو إمغارن عندي اقتراح لكان مناسب تكون reviewer بسمية ولا مصطلح أمازيغي . AdilElouarti (مداكرة) 21:38، 17 غشت 2026 (+01)
- سلام @AdilElouarti. اللولة راها "مْراجْع نيشان" autoreviewed (ب السكون فوق الميم) و التانية "مُراجِع" reviewer (ب الضمّة فوق الميم). ماشي بحال بحال. Ideophagous (مداكرة) 22:04، 17 غشت 2026 (+01)
- شكراً @Ideophagous على التوضيح، وفعلاً عندك الحق فنقطة ديال ما ناخدوش الكلمة العربية ونبدلو غير الكتابة ديالها، غير «حقايقي» باقي عندي عليها شوية ديال التخوف، حيت ممكن تتفهم بمعنى واحد كيتحقق من الحقائق فقط، بينما الصلاحية كتشمل مراجعة التبديلات والمحتوى بصفة عامة. كنقترح «مراجعي» بان ليا حل وسط مزيان، حيت قريب للدور التقني وفي نفس الوقت الصيغة ديالو منسجمة كتر مع الداريجة.
- يمكن نخليو «حقايقي»، «مراجعي» و«موراجيع» كاقتراحات، والمجتمع يختار السمية اللي كتبان ليه أوضح وأنسب. DERDAKI ILIAS (مداكرة) 22:42، 17 غشت 2026 (+01)
- @Ideophagous مراجع نيشان ومراجع تقريبا بنفس سمية مكتوضحش راه صلاحية ثانية علا من لولا، كيما صلاحية إداري ختاريتو إمغارن عندي اقتراح لكان مناسب تكون reviewer بسمية ولا مصطلح أمازيغي . AdilElouarti (مداكرة) 21:38، 17 غشت 2026 (+01)
- مقبول متافق معاك سي سي جميع نقط @DERDAKI ILIAS شكرا على فتح لموضوع، بنسبة لنقطة شروط صلاحيات كنظن خص تزاد لقضية نتاع لمدة باش دوز من صلاحية لصلاحية لكيعطيوهالهوم إمغارن.
- AdilElouarti (مداكرة) 21:32، 17 غشت 2026 (+01)
- شكراً سي @AdilElouarti على لقتراح. فعلاً، نقطة المدة مهمة باش الانتقال من صلاحية لصلاحية مايكونش غير مبني على عدد تبديلات، ولكن حتى على التجربة والاستعمال صحيح لصلاحية لي تعطات من قبل. نقدر نزيدو شرط لمدة، متلاً يبقى لخدايمي مدة محددة بصلاحية «مراجع نيشان» قبل ما يطلب «كتاتبي»، ونفس شي قبل لنتقال لصلاحية اخرى. غير خاصنا نتافقو على المدة المناسبة لكل مرحلة، حيت لمدة بوحدها ماكافياش. DERDAKI ILIAS (مداكرة) 22:48، 17 غشت 2026 (+01)
