جهة الدار البيضاء سطات
الدار البيضاء - سطات (ar)
ⵜⴰⵏⴱⴰⴹⵜ ⵏ ⴰⵏⴼⴰ ⴰⵥⵟⵟⴰⴹ (zgh) | ||||
|
| ||||
| التقسيم لإداري | ||||
| لبلاد | لمغريب | |||
| لعاصيمة | الدار البيضا | |||
| لأقاليم | ||||
| التأسيس | 2015 | |||
| تسمات على | الدار البيضا و سطات | |||
| لجغرافيا والسكان | ||||
| لميساحة | 19,448 كم² | |||
| لبلاصة طايحة | لمحيط لأطلسي (0 م) | |||
| محادية معا | جهة مراكش آسفي جهة بني ملال خنيفرة جهة الرباط سلا القنيطرة | |||
| شحال دالسكان | 7,688,967 (2024) | |||
| لإدارة | ||||
| Saïd Ahmidouch | ||||
| معلومات خرى | ||||
| التوقيت | ڭرينيتش + 1 | |||
| اللوغات | ||||
| السيت الرسمي | لموقع الرسمي[1] | |||
| كود إيزو 3166-2 | MA-06 | |||
| خريطة لجيهة | ||||
| ||||
جهة الدار البيضاء سطات (بلأمازيغية: ⵜⴰⵏⴱⴰⴹⵜ ⵏ ⴰⵏⴼⴰ ⴰⵥⵟⵟⴰⴹ، بالفرانساوية: Casablanca-Settat) وحدة من لجيهات ديال لمغريب اللي تصايبو عام 2015، من مورا ما نقصو عدد لجيهات من 16 لـ 12.[2] لجيهة كاينة فالشمال لغربي ديال البلاد، و لعاصيمة ديالها هي الدار لبيضا، و مابين لمدون اللي كاينين فلجيهة: لمحمدية وسطات والجديدة وبرشيد وبنسليمان. عدد السكان على حساب لإحصاء اللي تدار فـ2014 وصل فهاد لجيهة لـ6,861,739.[3] لميساحة ديال لجيهة هي 19,448 كم².[4]
هاد لجدوال كايبين لأقاليم ديال لجيهة والسكان ديالها:[3]
| لأقاليم أولا لعمالات | شحال دلفاميلات | شحال دالسكان |
|---|---|---|
| عمالة الدار البيضا | 819,954 | 3,359,818 |
| عمالة لمحمدية | 96,351 | 404,648 |
| إقليم بنسليمان | 49,108 | 233,123 |
| إقليم برشيد | 103,803 | 484,518 |
| إقليم الجديدة | 167,602 | 786,716 |
| إقليم مديونة | 39,560 | 172,680 |
| إقليم النواصر | 76,711 | 333,604 |
| إقليم سطات | 119,283 | 634,184 |
| إقليم سيدي بنور | 87,032 | 452,448 |
| الدار البيضاء سطات | 1,559,404 | 6,861,739 |
جدوال كايعطي التطور ديال سكان لجيهة:[5]
| 2004 | 2014 | ||||
|---|---|---|---|---|---|
| 5,890,609 | align=center| 6,861,739 | ||||
| 2004 و2014: إحصاء رسمي ديال الدولة | |||||
جهة الدار البيضاء سطات محاديها من الشمال الشرقي جهة الرباط سلا القنيطرة ومن لجانوب الشرقي جهة بني ملال خنيفرة ومن لجانوب جهة مراكش آسفي. هاد لجيهة فيها خصائص جغرافية بحال أنه دايز منها واد أم الربيع وواد لمالح وسهول الشاوية ودكالة وتادلة، وهضاب فلرض مابين كازا والجديدة. لميساحة ديال لجيهة واصلة لـ19.448 كم². لموناخ فهاد لجيهة تقريبا بحال لموناخ ديال جارتها اللي فالشمال واخا كاين فرق صغير: لقرب ديال لجيهة للمحيط لأطلسي خلا لموناخ ديالها إيكون محيطي حدا لبحر وكايولّي قارّي كلما كيفوت لواحد للداخل. التساقوطات فلجيهة كاتراوح مابين 220 و760 ملم، ولحرارة ما بين 7 ديال الدرجات فالشتا كأقل درجة و38-40 درجة فالصيف وتقدر تفوتها ݣاع، والاكين هاد لحارارة كاتبقى غير بعض ليام فلعام. هاد لجدوال كيعطي لمعلومات على لحرارة والشتا فمدينة الدار لبيضا اللي هي لعاصيمة ديال لجيهة.
| لموناخ ديال الدار لبيضا | |||||||||||||
|---|---|---|---|---|---|---|---|---|---|---|---|---|---|
| الشهر | يناير | فبراير | مارس | أبريل | ماي | يونيو | يوليوز | غشت | شتنبر | أكتوبر | نونبر | دجنبر | |
| أكبر درجة دلحارارة تسجلات بـ C° | 31.1 | 29.4 | 32.2 | 32.8 | 35.1 | 37.4 | 38.4 | 39 | 40.5 | 37.8 | 34.7 | 30.3 | |
| معدّال لحرارة لعليا بـ C° | 17.3 | 18.0 | 19.6 | 20.2 | 21.9 | 24.1 | 25.8 | 26.3 | 25.7 | 23.8 | 20.9 | 18.7 | |
| معدّال لحرارة بـC° | 12.6 | 13.7 | 15.3 | 16.5 | 18.5 | 20.9 | 22.7 | 23.2 | 22.3 | 19.8 | 16.5 | 14.2 | |
| معدّال لحرارة السفلانية بـC° | 9.2 | 10.4 | 11.8 | 13.2 | 15.6 | 18.7 | 20.5 | 20.9 | 19.7 | 16.8 | 13.3 | 11.1 | |
| أدنى درجة دلحارارة تسجلات بـC° | 0 | 0 | 2.7 | 5 | 7.4 | 10 | 13 | 13 | 10 | 7 | 4.6 | 2 | |
| معدل الشمس فالشهر | 189.1 | 189.2 | 241.8 | 261.0 | 294.5 | 285.0 | 303.8 | 294.5 | 258.0 | 235.6 | 192.0 | 182.9 | |
| معدّال الشتا فالشهر بلميليميتر | 62.2 | 59.0 | 50.7 | 40.2 | 18.8 | 5.8 | 0.7 | 0.4 | 4.9 | 31.1 | 74.4 | 76.6 | |
| لحارارة دلما C° | 15 | 16 | 17 | 18 | 20 | 21 | 23 | 24 | 22 | 19 | 17 | 16 | |
مطار محمد الخامس الدولي أولا مطار الدار لبيضا الدولي هو مطار كاين فمدينة الدار البيضاء كايسيرڤي لجيهة ديال الدار البيضاء سطات. كيبعد لمطار على الصونطرڤيل ديال لمدينة بـ31 كيلوميتر، وقريب من لوطوروت ديال لوطوروت ديال الرباط - آسفي ولوطوروت ديال الدار البيضا - أݣادير. كيتعتابر أكبر مطار فلمغريب من ناحية عدد لمسافرين، ومنو كايمشيو بزاف ديال الرحلات فالداخل وحتى فلخارج. تفتاتح لمطار فـ1943 وبناوه لميريكان وكايقدر يهز 14 دلملاين ديال لمسافرين.
لوطوروت اللولة أولا لوطوروت ديال الرباط - آسفي أولا A1
هي أوطوروت كاتربط ما بين الرباط فجهة الرباط سلا القنيطرة و آسفي فجهة مراكش آسفي، ودايزة من لجيهة ديال كازا سطات فبوزنيقة ولمحمدية.[6] لوطوروت التالتة أولا لوطوروت ديال الدار البيضا - أݣادير أولا A3 هي أوطوروت كاتربط ما بين الدار البيضا ودايزة فلمدون ديال النواصر، برشيد وسطات وغادة حتال أݣادير فجهة سوس ماسة.[6]
لوطوروت الرابعة أولا لوطوروت ديال برشيد - خنيفرة أولا A4
هي أوطوروت وكاتربط ما بين برشيد فجهة الدار البيضاء سطات ودايزة من بن أحمد و غادة حتال بني ملال فجهة بني ملال خنيفرة.[6] الطرقان لوطنية اللي دايزة من لجيهة هي: N1 و N7 و N9 و N11 و N12 و N23 .(ورّك على الطريق إلى بغيتي تمشي للمقالة ديالها!)
لفيلاحة فلجيهة ديال كازا سطات مخدمة 53% ديال السكان لخدّامين، على ميساحة ديال لفلاحة كاتوصل 13% من لرض ديال لفلاحة فلبلاد، وهي واصلة ل1.335.639 هيكتار و95% ديال هاد لرض كاينة فالجديدة وسطات. لميساحة ديال لرض اللي كاتسقى واصلة ل8% فلجيهة (84 ألف هيكتار).[7] لجيهة كاتنتج جميع لحوبوب اللي معروفة فلبلاد، وفعام 2012 وصل لينتاج ل8.5 مليون دلقنطار. فتربية لبهايم وصل لعدد ديال الريوس دلبݣر 549 ألف راس، ولعدد ديال لمعاز وصل ل47 ألف راس ولعدد ديال لغنم وصل ل2 دلمليون و420 ألف راس.[7] فالصيد لبحري سجلات لجيهة ديال كازا سطات ف2012 واحد لكمية اللي ما فايتاش 8% من لينتاج لوطني، حيتاش الطريقة ديال الصيد مازال تقليدية ومامجهزاش. لكمية ديال الصيد فداك لعام وصلات ل32 ألف طن، و15 ألف منها تصيدات وتخوات فلمرسى ديال الدار لبيضا، وكتر من 3500 تخوات فلمرسى ديال الجديدة، واللي بقا شي فالجرف الصفر ولاخر فلمحمدية.[7]
الصيناعة فلمغريب بيضاوية بمتياز. لجيهة ديال كازا سطات فيها 3113 وحادة صيناعية اللي كاتصدر 53% ديال لينتاج دلمغريب، واللي فيها 64% ديال لينتاج فلمغريب و48% ديال ليستيتمارات. لقيطاع اللي مخدّم بزاف ديال الناس هو لقيطاع ديال تحويل لمونتاجات ديال لماكلة، واللي كايخدم 41% ديال الشغيلة الدايمة و86% ديال لپيرصونيل لموسمي. لمواريد لمعدينية ديال لجيهة كتيرة، ولكن التنوع ديالها محدود، حيتاش كاين بزاف غير لحديد ولملحة ولباريتين، ولكين هاد لقيطاع كايعاني من السدّان ديال لوزينات حيتاش هادشي ما بقاش منو مدخول كتير كيما كان قبل.[7] هاد لجدوال كايقارن لمعطايات ليقتيصادية ديال لجيهة ديال لجيهة مع لمعطيات ديال لمغريب:
| عام 2011 | ليستيتمار (بالدرهم) |
التصدير (بالدرهم) |
لينتاج (بالدرهم) |
الشيفر دافّير (بالدرهم) |
لپيرصونيل لمداوم | شحال ديال لوحادات الصيناعية |
|---|---|---|---|---|---|---|
| جيهة الدار البيضاء سطات | 12,238,194,000 | 57,164,059,000 | 249,747,939,000 | 268,825,173,000 | 257,282 | 3,113 |
| لمغريب | 26,175,680,000 | 108,653,440,000 | 387,673,369,000 | 419,022,039,000 | 550,000 | 8,018 |
| النيسبة (%) | 46.7 | 52.6 | 64.4 | 64.1 | 46.7 | 38.8 |
فلجيهة كاينين 115 أوطيل مكلاصين (6% من لوطيلات دلبلاد)، اللي فيهوم قريب من 20 ألف فراش، واللي كاينين فقريب من 10 آلاف بيت. ف2012 تسجلات 2 دلمليون ليلة سياحية أغلبيتها فكازا والجديدة. الناس كاتجي بزاف من فرانسا، الصبليون، النݣليز، الطاليان وميريكان. كاين بزاف مايتشاف ومايدر فجيهة الدار البيضا سطات، اللي عزيز عليه لمدون لقدام يقدر إيمشي للمدينة لقديمة ديال الجديدة أولا ديال كازا. كاين بحورة زوينين وأنشطة سياحية معاهوم (السورف ولغطس....) فلواليدية ولمحمدية وبوزنيقة والصخيرات، وزيد عليهوم طاماريس وسيدي بوزيد وسيدي رحال الشاطئ وسيدي عابد. كايكون موسم ديال لخيول ولفروسية فمولاي عبدالله، ولواحد إيقدر إيمشي للطبيعة فبولعوان وبن أحمد وسيدي بنور وبنسليمان. لغابة ديال بوسكورة فيها شجر لكاليپتوس ومدينة سطات معروفة بالطبيعة ولفلاحة ديالها. مدينة أزمور دايز منها واد أم الربيع بالضايات ديالو لواعرين واللي فيهوم حياوانات وطيور كاينين غير فلمغريب.[8]
- ^ casablanca.ma
- ^ "le maroc compte desormais 12 regions (بلفرانساوية)". مأرشيڤي من لأصل ف 5 يونيو 2015.
- ^ a b "لجريدة الرسمية عدد 6354 بتاريخ 23 شهر 4، 2015 - الصفحة 3" (PDF). مأرشيڤي من لأصل (PDF) ف 2021-09-25. تطّالع عليه ب تاريخ 2020-10-07.
- ^ "قائمة جهات لمغريب ولعواصيم ديالها ولميساحات ديالها - موقع sport-histoire.fr". مأرشيڤي من لأصل ف 2023-06-08. تطّالع عليه ب تاريخ 2020-10-07.
- ^ "Note sur les premiers résultats du Recensement Général de la Population et de l'Habitat 2014 (بلفرونصي)". مأرشيڤي من لأصل ف 2021-12-20. تطّالع عليه ب تاريخ 2020-10-07.
- ^ a b c "التايملاين ديال شركة لوطوروطات دلمغريب". مأرشيڤي من لأصل ف 2023-06-03. تطّالع عليه ب تاريخ 2020-10-07.
- ^ a b c d La Région de Casablanca-Settat - MONOGRAPHIE GENERALE - ROYAUME DU MAROC, Ministère de l’Intérieur, Direction Générale des Collectivités Locales (بلفرونصي)
- ^ "قتيراحات ݣوݣل تراڤل لأماكين ديال الزيارة جهة الدار البيضاء سطات".
|
تقدر تزيد شوف بزاف د تّصاور و لمعلومات ديال Casablanca-Settat ف ويكيميديا كومنز. |
