طرقان رومانية ف لمغريب
.png)
طّرقان رّومانية ف لمغريب هوما طّرقان لي بناو رّومان ف لوقت ديال حتيلالهوم ل لمناطق ديال لمغريب، ؤلا لي ستاغلوهوم ف ديك لفترة. لخرايط ؤ لمكتوبات من ديك لفترة كيعطيونا فيكرة علا لمسارات ديال هاد طّرقان. لبحت لأركيولوجي بيّن لبعض منهوم، سيرتو وسط لمدون بحال وليلي ؤ سالا كولونيا.
ف عام 40 تّقتل پطوليمايوس آخر ماليك ديال مملكة موريطانية، ب أمر من لإمبراطور كاليݣولا، ف ضروف مامفهوماش مزيان. نّاتيجة كانت تّقسيم ديال لمملكة ل جوج أقاليم رومانية هوما موريطانية طّنجية ؤ موريطانية لقيصرية، لي لحدود بيناتهوم كانت عند واد ملوية. هادشي طرا ف لعهد ديال لإمبراطور كلاوديوس (كاليݣولا كان مات ف عملية د غتيال ف 41 ميلادية). طّريق لجانوبية من طانجا كانت كاتّفرق ل جوج طرقان عند أد ميركوري (لي غالبا دابا هيا بلاد لمرس). وحدة منهوم كانت كاتّبع لاكوط لأطلسية ؤ كاتدوز علا زيليس (دابا الدشر الجديد)، ليكسوس (لعرايش)، ؤ سالا كولونيا (شالة). لوخرة كاتمشي ل عند وليلي ؤ كاتسالا ف طوكولوسيدا.[1] كاين حتيمال بلي طريق جديدة تّبنات ف هاد لفترة من سالا كولونيا ل أنفا (دابا كازا)، لي كانت فيها مرسا قديم كانو كيستعملوه سّكان لمحليين (لمور لأمازيغ) ؤ لفينيقيين، ؤ بداو كيستاغلوه رّومان من 15 قبل لميلاد. كانت طريق خرة موهيمة لي كاتربط موريطانية طّنجية ؤ موريطانية لقيصرية، ؤ ب تّحديد من طانجا ل تامودا ل نوميروس سيروروم (دابا مغنية ف دزاير).
طّرقان ديال موريطانية طّنجية[بدل | بدل لكود]
- طانجا ← أد ميركوري
- طانجا ← تامودا ← نوميروس سيروروم (موريطانية لقيصرية)
- أد ميركوري ← زيليس
- أد ميركوري ← أد نوڤاس
- أد نوڤاس ← ليكسوس
- زيليس ← ليكسوس
- ليكسوس ← فريݣيديس ← سالا كولونيا ← تاموسيدا ← ݣيلدا (؟) ← أكواي داكيكاي ← مشرع صّفا ← عين شكور ← وليلي ← طوكولوسيدا
- أد نوڤاس ← ؤپيدوم نوڤوم ← ݣيلدا (؟) ← سيدي موسى ← طوكولوسيدا
- سالا كولونيا ← أنفا
- طّرقان ديال لمنطقة د وليلي
عيون لكلام[بدل | بدل لكود]
- ^ ؤزينا، م. "موريطانية طّنجية" (PDF). جاميعة د پرينسطون. مأرشيڤي (PDF) من لأصل ف 2022-11-17. تطّالع عليه ب تاريخ 29 أكتوبر 2021.
