لاتينية

من ويكيپيديا
اذهب إلى التنقل اذهب إلى البحث
نقش مكتوب باللاتينية ف روما.
لبلايص اللي كانت تابعة للإمبراطورية الرومانية ف عام 60.

اللاتينية (باللاتينية: Lingua Latīna) هي لوغة هندو-أوروپية لأصل ديالها من الطاليان، و بالضبط من النواحي د لمدينة د روما. اللاتينية كانت هي اللوغة اللي حاكمة لعالم ف لوقت ديال لإمبراطورية الرومانية، اللي نشرات هاد اللغة ف لأغلبية ديال أوروپا و شمال إفريقيا. ملّي دخلات لمسيحية للإمبراطورية الرومانية، ولاّت اللاتينية مرتابطة بيها، و باقا تال دابا هي اللوغة ديال لكنيسة الرومانية لكاطوليكية، و هي اللوغة الرسمية ديال لبابا ديال لڤاتيكان.

ف لعصور لوسطانية، كانت اللاتينية هي اللوغة د لعلم و لقراية ف أوروپا، و هي اللوغة اللي كانوا كيكتبو بيها لكتّاب و لعولاما تال لقرن 17. من مورا ديك لوقت، ولاّت كل بلاد كاتبان فيها اللوغة ديالها اللي بداو كيكتبو بيها الناس ديالها.

اللاتينية هي لأصل ديال بزاف د اللغات ف أوروپا، منها الطاليانية و لفرانساوية و الصبليونية و لبرتغالية و الرومانية. و هي لوغة أترات بزاف تا ف لينݣليزية، اللي فيها بزاف د لكلمات أصلهم لاتيني.

على حساب معلومة من واحد من لقادة د لڤاتيكان، كاين تقريبا شي 100 واحد ف لعالم اللي كيهضرو اللاتينية بطلاقة[1]، و عاد كاين لملاين اللي كيتعلّموها ف لمدراسة ف بزاف د لبلدان ف لعالم.

عيون لكلام[بدل | بدل لكود]

شوف تا[بدل | بدل لكود]

Wikimedia Commons تقدر تزيد شوف بزاف د صور و معلومات ديال Latin language ف ويكيميديا كومنز.
Midori Extension.svg
هادي زريعة ديال مقالة خاصها تّوسع. تقدر تشارك ف لكتبة ديالها.