لعرايش

لعرايش
‫العرائش‬ (ar) ⵍⵄⵔⴰⵢⵛ (tzm)
لبلاصة
لبلاد	لمغريب
لإقليم	إقليم لعرايش
السكان
شحال دالسكان	133,731 (2024)
شحال دلفاميلات	30,400 (2014)
لجغرافيا
خط الطول بـ °	-6.15320206
خط لعرض بـ °	35.19148639
معلومات خرين
توقيت ديال لمدينة	توقيت غرب أوروبا
كود د لبوصطة	92000
السيت الرسمي	laracheenelmundo.com
الرمز لجغرافي	2543549
لخريطة

لعرايش مدينة مغريبية و جماعة ترابية حضرية كاينة ف إقليم لعرايش، جهة طنجة تطوان الحسيمة، ساكنين فيها 124419 واحد، على حسب لإحصاء لعام 2014.

تعليم

• نسبة لأمية (نّاس لّي ما كايعرفوش يقراو ولا يكتبو) : 23,3%
• نسبة سّكان لّي قاريين فوق الليسي (ليسي و لجامعة): 18,4%

قتيصاد

• نسبة نّاس نّشيطين (لّي يقدرو يخدمو): 51,9%
• نسبة لبطالة (نّاس لّي ما خدامينش و تايقلبو على خدمة): 18,1%
• نسبة نّاس اللي خدامين ف دّولة (ولا لبيطاليين اللي سبق ليهوم خدمو): 11,7%
• نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):56,2%
• لعرايش فيها مرسى ديال صيد لبحري ومعمل ديال تصبير تاع لحوت. وبسبب البحور الزوين اللي كاينة فشمال لمدينة، بدات السياحة الشاطئية دور كبير ومهم بزاف فالسنوات الأخيرة

لموقع ولمناخ

لعريش جات فوق واحد الهضبة عالية بـ شي ميترووات فوق لمصب ديال واد لوكوس على لبحر ديال لموحيط لأطلاسي. وهي مرتبطة ب ؤطوروط رقمA 1 و الطريق الوطنية N 1 بمدينة طنجة (على بعد حوالي 90 كلم شمال شرق) وبالعاصمة الرباط (حوالي 172 كلم جنوب لغرب). أما مدينة تطوان فكتواجد على بعد 115 كلم فلجهة ديال الشمال الشرقي.

المناخ فالعرايش كيتعبر فيه الشتا بزاف مقارنة بالمعايير المغربية؛ لمعدل ف لعام ديال الشتا كيوصل لحوالي 650 ملم وكتطيح أغلبها ففصل الشتا.

السكان

لعام	1982	1994	2004	2014	2024
لعدد ديال سكان	63.893	90.400	107.371	125.008	133.731

السكان ديال العرائش أغلبيتهم أمازيغ ناس ديال لبلاد ولا مهاجرين، ولكنهم اندمجوا فالثقافة و لعربية لفصيحة الجديدة و داريجة. مابقاش كيبان فرق كبير بين لمجموعات السكانية دبا.

التاريخ

فواحد التلة بعيدة بـ 4 كلم شمال شرق لمدينة، تلقاو لبقايا ديال مستوطنة ليكسوس اللي كانت فالبداية قرطاجية ومن بعد ولات رومانية . فالمئة عام الأولى ميلادية، لمنطقة ولات تابعة للرومان. فلقرن التاسع، هاجرت قبيلة بني عروس ، وهي قبيلة أمازيغية، للمنطقة؛ وهوما اللي سماو لمدينة ب لعرايش لي كتعني لعريش ديال الدالية وهاد السمية بقات حتى ليومنا هذا.

فـ 1489 حاولت لبرطقيز تحتل لمدينة والنواحي ديالها، ولكن ضطروا يخرجوا منها فنفس لعام. وبين 1610 و 1689 كانت لمدينة تابعة لـ سپانيا.

​فلقرن 18 و19، تطورت لعرايش بحال باقي لمدن الساحلية لمغربية و ولات معقل للقراصنة، وتعرضات بسباب هادشي لهجومات من عند أساطيل أوروبية جوج مرات (1829 و1860). فـ 1829، برروا لأوروبيين لهجوم ديالهم باختطاف سفينة تجارية نمساوية؛ حيت لقراصنة لمغاربة كانوا بغاو يبيعوا الطاقم ديالها كعبيد، بحال اللي كان معروف فـ دول ديال لبربر . النمسا صيفطات بزاف ديال لفرقاطات من المرسى الحربي ديال فينيسيا (لبندقية)؛ و وقع واحد لحصار بحري لمرسى لعرايش ومعركة بالمدفعية اللي ربحاتها النمسا. ومن تم مابقاتش السفن اللي هازة لعلم النمساوي كتعرض للهجوم. ​فـ 1877، تقتلوا وحرقوا سبعة ديا ليهود قرب لعرايش، حيت واحد لمجموعة متعصبة حملاتهم لمسؤولية ديال التصرفات تاع لأوروبيين اللي كانوا كيظنوا أنهم كيتعاطفوا معاهم. ومن 1909 (وبشكل نهائي من 1912) حتى للاستقلال ديال لمغريب فـ 1956، كانت لمدينة تابعة لـ منطقة لحماية الصبليونية على لمغريب

لبلايص السياحية

​ساحة التحرير : هي ساحة دائرية مبنية على الطراز لإسباني، فيها قهاوي تحت لأقواس ، وهي لمركز ديال لعرايش وفنفس لوقت هي اللي كتفصل بين لمدينة لقديمة و لمدينة الجديدة. كاين واحد لباب قديم (باب الخميس) كيديك من الساحة نيشان للمدينة لقديمة ولـ سوق الشيكو اللي كان قديماً سوق ديال الثوب، ودبا كيتباع فيه كلشي.

​لحصن ديال القبيبات أو "قلعة اللقلاق" : هي واحد لأسوار ضخمة ومثيرة للاهتمام، وهي عبارة عن حصن فيه قلاعي من لعهد ديال صبليون. فوق الدخلة ديال لبرج القديم ديال لقايد، كاين شعار صبليوني-برتقيزي من لعهد ديال لاتحاد لإيبيري بين الدولتين (1580–1640).

​قبر جان جينيه: فواحد لمقبرة جاية فوق البحر، بعيدة بشي 2 كلم على لمركز ديل لمدينة، كاين لقبر ديال لكاتب لفرنسي المشهور جان جينيه.

مصادر

ويكيميديا كومنز عندا تصاور و معلومات على لعرايش.

هادي زريعة ديال مقالة خاصها تّوسع. تقدر تشارك ف لكتبة ديالها.