لقصر لكبير

هادي مقالة على مدينة مغريبية لي كانت سميتها ف لقديم ؤپيدوم نوڤوم. ل معاني وحدين خرين، شوف ؤپيدوم نوووم.

لقصر لكبير
‫القصر الكبير‬ (ar) ⵍⵇⵚⵔ ⵍⴽⴱⵉⵔ (tzm)
لبلاصة
لبلاد	لمغريب
لإقليم	إقليم لعرايش
السكان
شحال دالسكان	124,701 (2024)
شحال دلفاميلات	29,514 (2014)
لجغرافيا
لعلو	21 م
خط الطول بـ °	-5.90506554
خط لعرض بـ °	35.00258156
معلومات خرين
السيت الرسمي	ksarelkebir.ma
الرمز لجغرافي	2544001
لخريطة

لقصر لكبير مدينة مغريبية جات ف إقليم لعرايش، جهة طنجة تطوان الحسيمة، ساكنين فيها 126425 واحد، على حسب لإحصاء لعام 2014.

تاريخ

ف لفترة رّومانية كانت مدينة لقصر لكبير معروفة ب سميت ؤپيدوم نوووم Oppidum Novum لي كاتعني لݣصر جّديد، كاينين بزاف د لمدون لي كانو تابعين ل لإمبراطورية رّومانية عندهوم نفس سّمية منها مدينت عين دفلى ف دزاير ؤ مدينت لودر ف فرانسا. تقدر تكون لقصر لكبير هيّا نيت بابا كامپيستريس لي كاتبان ف شي خرايط ؤ مكتوبات رومانية.

بزاف د لعولاما متّافقين بلي لموضع ديال ؤپيدوم نوڤوم هوّا نيت فين بناو لموحدين لݣصر ديالهوم، لي تسما ݣصر كتامة ؤلا ݣصر صنهاجة.

لقصر لكبير شهدات ف نّواحي ديالها لمعراكة د واد لمخازين لي عرفات نهيزام لݣيش لبرطقيزي ضد لݣيش لمغريبي د سّعديين ف 4 غشت 1578.

ف لفترة د سّتيعمار كانت لمدينة تابعة ل لحتيلال سّپنيولي.

ف تّقسيم لإداري

كاتّعتابر لقصر لكبير مدينة مغريبية و جماعة ترابية حضرية.

تعليم

• نسبة لأمية (نّاس لّي ما كايعرفوش يقراو ولا يكتبو) : 25,2%
• نسبة سّكان لّي قاريين فوق الليسي (ليسي و جامعة): 19%

قتيصاد

• نسبة نّاس نّشيطين (لّي يقدرو يخدمو): 44,9%
• نسبة لبطالة (نّاس لّي ما خدامينش و تايقلبو على خدمة): 21,7%
• نسبة نّاس اللي خدامين ف دّولة (ولا لبيطاليين اللي سبق ليهوم خدمو): 12,6%
• نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):42%

تاريخ لمدينة

تاريخ لقديم

لوجود لبشري فمنطقة لقصر لكبير قديم بزاف وكيرجع لزمن ما قبل تاريخ. هاد لبلاد عطات للإنسان كاع إمكانيات لعيش باش يستقر فيها استقرار دائم، وهادشي كيبان واضح من خلال رسوم للي تلقات ف لمغارات وتجاويف ت جبال لقريبة، وحتا الأدوات لحجرية اللي لقاوها فجناب لمدينة واللي كترجع لـ العصر النيوليثي لقديم. وبحكم لأرض لخصبة ديال محيط لقصر لكبير ولموقع ديالو للي جاي بين منعرجات نهر للوكوس، بزاف ديال دراسات لميثولوجية ربطات هاد لمنطقة بنهاية لعالم لقديم لي شهدت وحدة من المعجزات ديال هرقل فاش كان غادي لـ "حدائق هسبيرديس". وما فيه شك أن لقصر الكبير كانت على اتصال دائم بمدينة ليكسوس الأثرية القريبة منها، حيت بجوجهم جاو على ضفة نهر اللوكوس اللي كيصب فالأطلسي، وهادشي خلى المنطقة تدخل بكري فدوامة لمبادلات ثقافية ولاقتصادية اللي كانت فمضيق جبل طارق من قديم الزمان. هاد الهضرة كياكدها الحضور الفينيقي فالمواقع الأثرية اللي كاينة فمحيط المدينة.

ومن لمرجح بزاف أن مدينة لقصر لكبير تبنات فوق لأنقاض ديال لقلعة رومانية لقديمة اللي كانت كتسمى «أوبيدوم نوفوم» (أو لمدينة لعامرة)، واللي بانو الآثار ديالها بزاف فالعقود الأخيرة، وبالخصوص ف القرن العشرين فاش بدا لبني لعصري فاش كانت لحماية لإسبانية، وأيضاً فاش دارت الأشغال ديال صرف صحي وترميم لمسجد لأعظم؛ تما فين تلقاو قطع فخارية، ورخام، وعملات نقدية، وكتابات رومانية باقة واضحة حتى ليومنا هذا، بحال دوك الحجار اللي داخلين فالبني ديال صومعة جامع لكبير. وأهم ما تلقى هو واحد النقش باليونانية كيرجع للحضور البيزنطي فشمال لمغربب فالقرن السادس قبل لميلاد.

معركة وادي المخازن

فوقت كانت فيه لجيوش لصليبية كتهجم على بلاد لمسلمين، وفاش كانت لبرطقيز أقوى إمبراطورية ف لعالم هي وصبانيا، قررو أنهم يهرسو شوكة لمغرب. فاش تولى لملك محمد المتوكل لعرش سنة 981 هـ، بقى غير عامين حيت انقلب عليه عمو أبو مروان عبد الملك السعدي وخوه أحمد بمساعدة العثمانيين. المتوكل هرب لعند ملك البرتغال "دون سيباستيان" وطلب منو المساعدة مقابل يسلمو كاع شواطئ المغرب الأطلسية. سيباستيان لقاها فرصة باش يقضي على قوة لمغرب وينصر المنطقة، وجمع جيوش نظامية من المانيا، إيطاليا، صبانيا، والفاتيكان، وطرف من فرنسا ونجليز.

عبد الملك السعدي صيفط رسالة مشهورة لسيباستيان كينصحو فيها ويحذرو من عواقب هاد لهجوم، وقالو بلي هادشي اللي كيدير ظلم وعدوان وما غادي يربح منو والو، ولكن سيباستيان ركبو لغرور.

بداية المعركة والذكاء ديال عبد الملك فالحوار مع ملك لبرطقيز..

بدات لحملة فـ رمضان 986 هـ، وتحركات ديال عبد لملك كانت ذكية بزاف؛ جر جيوش صليبية لوسط لبلاد باش يبعدهم على مراكز التموين فالبحر، واستدرجهم لسهل لقصر لكبير، فبلاصة استراتيجية بين وادي المخازن ونهر اللوكوس ووادي وارور. وهدم القنطرة ديال وادي المخازن باش يقطع عليهم طريق رجوع، ونهار الاثنين 4 غشت 1578 م بدات لمعركة لكبيرة اللي ماتو فيها ثلاثة ديال الملوك: سيباستيان (ملك البرتغال) مات غرقاً، والمتوكل (الملك المخلوع) مات غرقاً حتى هو، وعبد الملك السعدي (ملك المغرب) اللي طلعت روحو لبارئها وهو كيوجه الجيش من وسط الخيمة ديالو.

نتائج معركة القصر الكبير

هاد لمعركة بدلات وجه تاريخ؛ لبرطقيز فقدات لاستقلال ديالها وهيبتها العالمية، ولمغريب كسب سمعة كبيرة خلات دول أوروبا كاملة تطلب ودو. كانت هاد لمعركة سد منيع ضد لأطماع صليبية لقرون طويلة. واخا بعض لمؤرخين لأجانب بحال هنري تيراس حاولو ينقصو من لقيمة ديالها، ولكن لواقع كياكد بلي كانت مواجهة حاسمة وجدو ليها صليبيين آلاف لمقاتلين وسفن، ولمغاربة قدرو يوقفوهم بفضل لإيمان ولخطة لمحكمة.

فيضانات لقصر لكبير

فـ يناير 2026، سجل سد وادي المخازن نسبة ملء وصلات لـ 100 فالمية، وهادشي خلى منسوب مياه وادي لوكوس يطلع ويغرق جزء كبير من مدينة القصر الكبير. وتم إجلاء سكان لمدن أخرى باش يحميوهم من لخطر.

مصادر

ويكيميديا كومنز عندا تصاور و معلومات على لقصر لكبير.

هادي زريعة ديال مقالة خاصها تّوسع. تقدر تشارك ف لكتبة ديالها.