حريرة

مقالة ؤلا فقرة خاصها تّقاد. هاد لمقالة ؤلا هاد لفقرة مرونة شوية، خاصّها تّقاد ؤ تزيد تّنضّم. مشاكيل: لإقتباسات خاصهوم يكونو ف لحواشي ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!

حريرة
معلومات عامة
لبلاد لأصلية	لمغريب
كوزينة	كوزينة مغريبية
وقت سّتيهلاك	لعشا، لفطور د رمضان
خاصيات ؤ فوايد
طاقة (ف 100 ڭرام)	348 كالوري
قيمة غدائية (ف 100 ڭرام)	60 ڭ كاربوهيدرات 4.2 ڭ دهنيات 12 ڭ پروتينات 120 ميليڭ كالسيوم 4.8 ميليڭ حديد 3 ڭ صوديوم

لحريرة هي شوربة خاصة بـ لكوزينة لمغريبية. كيتخلط فيها بزاف د لقوام بحال لحمص و لعدس ولقصبر و لكرافص و الدݣيݣ و اللحم و ماطيشة. كتتشرب بشكل كبير ورسمي فشهر رمضان ومايمكنش تلقا شي طابلة د شي عائلة مغريبية مفيهاش لحريرة مع شهيوات خرى خصوصاً الشباكية و التمر.

لحريرة طقس من طقوس رمضان ولاكين كتشرب حتى فلأوقات العادية وخصوصا فلبرد.

لكلمة

كيقول دريس أزدود فأصل كلمة «الْحْرِيرَة» بلي راها أمازيغية مشتقة من كلمة «تاحريرت» وجمعها هو «تيحريرين».

لمعنى الرمزي لكلمت لحريرة

كيݣولو لمغاربة لحريرة بمعنى زاوج ويقصدو لمشاكل لمعقدة للي صعيب تتحل ويقولو هاذ لجوملة: "حريرتك حريرة" بمعنى قضيتك صعيبة.

لحريرة ف لجزاير

دكر لكاتب لجزائري لوهراني مالك عالولا (1937 - 2015) ف كتابو "les festins de l'exil" بلي لحريرة لي منتشرة ف وهران أصلها مغريبي، و كيقول بضبط ف صفحة 110:

شوربة الحريرة باللحوم والخضروات: في وهران هذا الحساء المخملي من أصل مغربي، تتناوله العائلات بشكل أساسي خلال شهر رمضان، كما يتم تقديمه على مدار السنة في المطاعم الشعبية.

تاريخ

على حساب الشاف لمغريبي لحسين لهواري لمهتم ب تاريخ لكوزينة لمغريبية، لحريرة يقدر يكون عمرها 2200 عام، و عندها رتباط ب التقافة لأمازيغية. و كيڭول بلي لكوماندانات د الجيش الروماني كانو كيوصيو لعساكريا و لڭلادياتورات باش ياخدوها. لهواري كيعتابرها "أقدم طبق مغريبي موتق تاريخياً". كاينين مؤرخين خرين كيڭولو بلي أصلها كيرجع ل لعهد لمريني، ف كتاب تحفة النظار في غرائب الأمصار وعجائب الأسفار ديال بن بطوطة فاش زار لهند، وقال:

إن سكان الهند يفطرون كل يوم بطعام يسمونه كشري وهو عندهم كالحريرة ببلاد المغرب.

وشار ليها لقاضي لمغريبي عبد المأمون البلغيثي ف شعر ديالو هي و لكسكسو:

أحب الحريرة و الكسكسا *** وحبهما في الفؤاد رسا فأمّا الحريرةُ فالحِرُ منها *** ونصف الأخير محلي النسا !!

و ف عهد لمرابطين و لموحدين، ذكر النويري بلي بن تومرت -مؤسس الدولة لموحدية- كان كيطيبها ل لعساكريا ديالو كلا نهار بعدما قطع الأمير علي بن يوسف عليهم لميرة (لماكلة لي كيتزودو بيها)، وشار ليها بن زهر بمصطلح «الحريرة». وكنلقاوها مذكورة ف لأرجوزة الشقرونية ديال عبد القادر بن العربي المنبهي المدغري بن شقرون المكناسي -لي عاصر مولاي سماعيل- بسميت "مشروب لحساء" وكيقول فيها:

القَوْلُ فِي المَشْرُوبِ مِنْ حَسَاءِ = نَذْكُرُهُ فِي مَعْرِضِ الغِذَاءِ وَحَسْوُ قِطَّاعِ الخَمِيرَةِ حَسَنْ = غِذَاؤُهُ الخَفِيفُ مَا لَهُ ثَمَنْ لَا سِيَمَا مَعَ يَسِيرِ الكُزْبُرِ = فَهْوَ إِذًا مِنَ الضَّرُورَةِ بَرِي قَطِّعْ لَهُ اللَّحْمَ قُبَيْلَ الطَّبْخِ = حَتَّى يَصِيرَ اللَّحْمُ مِثْلَ المُخِّ أَو الفَرَارِجُ كَذَا تُقَطَّعُ = فَإِنَّ ذَاكَ لِلجُسُومِ أَنْفَعُ

وكتعتابر لحريرة من لأطباق لمغريبية لي هضرو عليها لواريدين و وصفوها، و قالو بلي شكالها و لوانها كاتنوع و كاتختالف، كما أنها ذكرات ف كتاب «Le Maroc Moderne» لي تصدر عام 1885م ف عهد السلطان لحسن الأول (1836م - 1894م)، وجا فيه:

لمكونات

لحريرة لمغريبية

• ماطيشة
• بصلة كبيرة
• عدس مرطب
• لحم مقطع مربعات
• حمص مرطب ليلة كاملة
• ماطيشة د لحك
• شعرية
• سمن مالح
• كرافس
• معدنوس
• قزبور
• دقيق بيض
• خرقوم
• سكينجبير
• لقرفة
• بزار
• ملحة
• زيت

طريقة تحضير

1. ف كوكوط حطي لبصلة ولمطيشة ولحم ولمعدنوس ولقزبور ولكرافس.
2. زدي لبزار ولملح ولكركم وزنجبيل.
3. زيدي سمن وحركي لمكونات على لعافية شي 5 دقايق حتى يتجانس.
4. زيدي لحمص ولعدس وتابعي تحراك.
5. كبي لما وغطي لكوكوط. خليه شي ساعة حتال ساعة ونص، حتى يطيب مزيان.
6. زيدي شعرية وحركي.
7. ف زلافة، حطي دقيق وكبي فوقو شوية د لما وحركيه حتى يذوب.
8. فاش كيتكثف لمزيج ف لكوكوط، زيدي خليط دقيق تدريجياً مع تحريك، وتابعي تحريك.
9. غطي لكوكوط، وخليه يغلي من جديد حتى يطيب دقيق. وف لخر قدميه.

عيون لكلام

هادي زريعة ديال مقالة خاصها تّوسع. تقدر تشارك ف لكتبة ديالها.

تقدر تزيد شوف بزاف د تّصاور و لمعلومات ديال Harira ف ويكيميديا كومنز.