طاجين الحلو
طاجين الحلو
| ||
 | ||
| معلومات عامة | ||
| سّمية لأصلية | طاجين لحلو | |
| نوع د لماكلة | طاجين | |
| لبلاد لأصلية | لمغريب و جزاير | |
| مصاوب من | لحم، برقوق | |
| كوزينة | لكوزينة الدزايرية و كوزينة مغريبية | |
طاجين الحلو ؤلا طاجين لحم بالبرقوق هو نوع من الطواجن لمغريبية لي كاين تا ف دزاير، و كيجمع بين الحلو والمالح، و بين البرقوق و اللحوم و المروزية و لعطرية من السكيجنبير و الزعفران و لقرفة و لبزار.[1] و هو طبق تقليدي مغريبي كيتحضر بزاف ف العيد و لأعراس و لمناسبات[2]، و كيتعتابر من أشهر لأطباق ف لمغريب.
ذكر المفكر و الفيلسوف الجزايري مالك شبل ف كتابو "Dictionnaire amoureux de l'Algerie":[3]
" طاجين لحلو طبق أصلو مغريبي...جوج مدراسات (د لكوزينة) كيپارطاجيو هاد الطبق، لمغريبية و الدزايرية، و بجوج بيهوم كيصرعوه".
- 4 معالق كبار د زيت الزيتون
- حبة كبيرة د لبصلة مفرومة
- كيلو د لحم
- عود لقرفة
- معلقة كبيرة د سمن
- جوج د لفصوص تاع التومة مفرومة
- معلقة كبيرة د لقزبور
- معلقة كبيرة د معدنوس
- معلقة صغيرة د السكينجبير مطحون
- نصف معلقة صغيرة د لبزار
- معلقة صغيرة تاع الكركم
- 8 شعيرات د زعفران
لبرقوق:
- البرقوق محيد منو لعظم
- 3 معالق كبيرة د الزبدة
- 4 معالق كبيرة د السكار
- 2 كيسان د لما
الزواق:
- حط الزيت و السمن و البصلة، مع اللحم و عود القرفة ف طاجين على نار هادية، و حرك المكونات حتى تدوب البصلة و يطيب اللحم شوية.
- من بعد زيد التومة ل الطاجين، عاد لقزبور و المعدنوس و السيكنجبير و لبزار و لكركم و الزعفران مع التحريك لمستامر.
- كب لما حتى يغمرو المكونات، خلي الطاجين على نار هادية حتى يغلى لما و يطيب لحم مزيان.
- من بعد ما يطيب لحم هزو ب معلقة و خلي المرقة ف الطاجين حتى تخثر.
- غسل لبرقوق و حطو ف كسرونة على نار هادية و كب لما فيها مع السكار و الزبدة و لقرفة، و فاش يتعسل البرقوق حيدو.
- و ف لخر حط اللحم ف طبق التقديم، و سقيه بالمرقة و زينو بالبرقوق المعسل واللوز والزنجلان.[4] ؤلا تقدر تخلي اللحم ف الطاجين و تزيد عليه لبرقوق.
- ↑ "أسهل طريقة لعمل الطاجين الحلو المغربي". فيتو (ب العربية). 2022-11-25. Archived from the original on 25 نونبر 2022. Retrieved 2023-06-08.
- ↑ "طاجين اللحم بالبرقوق طبق مغربي بمذاق لايقام وبأسهل طريقة - مطبخ سيدتي". 2021-01-28. Archived from the original on 28 يناير 2021. Retrieved 2023-06-08.
- ↑ Dictionnaire Amoureux de l'Algérie.
Le tagine sucré (tagine lahlou) est un plat d'origine marocaine : riche en calories, il rassemble la plupart des ingrédients de fête...deux écoles se partagent ce plat, la marocaine et l'algérienne, et toutes les deux le réussissent
- 1 2 "طاجن اللحم بالبرقوق- مطبخ سيدتي". kitchen.sayidaty.net (ب العربية). Archived from the original on 2 يوليوز 2023. Retrieved 2023-06-08.
- ↑ "طاجين مغربي باللحم والبرقوق - اللحم بالبرقوق على الطريقة المغربية". Archived from the original on 3 فبراير 2023.
| أهم لأكلات |  | |
|---|---|---|
| حلويات ؤ معجنات | ||
| اللحوم و لمشويات | ||
| أكلات خرين | ||
| أكلات مابقاوش | ||
| مشروبات | ||
| مشروبات كوحولية | ||
| مواضيع خرين | ||
| كوزينات مرتابطة | ||