انتقل إلى المحتوى

كعب لغزال (حلوى)

من ويكيپيديا
كعب لغزال
كعب لغزال
معلومات عامة
نوع د لماكلة معجنات
لبلاد لأصلية لمغريب


طبق كعب لغزال

كعب لغزال من الحلويات لي معروفا بيها لكوزينة لمغريبية، وهي تتشبه للهلال من العجينة عامرا بلوز لمنسم بما زهر الليمون. وهوا غالي فلمڭادا حيث فيه اللوز وتيتقدم فڭاع المناسبات، و تاتكال بزاف مع أتاي.[1] [2] [3] [4]

المقادير المهمة[بدل | بدل لكود]

  • اللوز
  • الما تاع زهر
  • الدڭيڭ
  • سكار
  • زبدة
  • لقرفة

طريقة لمصاوبة[بدل | بدل لكود]

تنحضرو فلول العمارة بتحياد قشرة اللوز وتخليه حتا ينشف، ويتطحن طحين رطب مع سكار... وتايتزاد عليه الما تاع زهر ومسحوق لقرفة و شوية تاع زبدة و تايتخلط. و تايتحط فتلاجة نص ساعة على الأقل.

و باش نحضرو العجينة تانخلطو دڭيڭ، مع الملحا، و زبدا، و تا نزيدو عليه البيض و تانخلطوه، و تا نزيدوه الما دافي، ونعجنو العجينة عجنا خفيفة، و تانخليوها ترتاح.

من بعد ما ترتاح، تانشروها فوڭ طبلا مرشوشة بدڭيڭ على شكل دائري و نقسموها على شكل مثلتات. و تانفرقو معيلقة صغيرة من العمارة على طراف العريضة تاع المثلت ليفات وقطعنا، و تانلفو ڭاع المثلتات على شكل هلال، و تانكررو العملية لڭاع المثلتات. و تانحطو حلوى كعب لغزال فصينية تاع لخبز، مدهونة بشوي تاع زبدة. تانخبزوها على درجة حرارة 180 حتا تولي ذهبية اللون، و تانخرجوها و نخليوها تبرد من لحسن نبيتو الحلوى ليلة كاملة تنشف قبل ما طيب باش ما تتفرڭعش العجينة حيث تكون تاتخبز ونخرجو العمارة منها.

عيون الكلام[بدل | بدل لكود]

  1. ^ الحاج، عرابة؛ مايو، عبدالله (2017). "نحو استشراف منهجية عمل طريقة التكاليف المتغيرة في المستشفيات العامة". مجلة العلوم الانسانية: 265. doi:10.37136/1003-000-046-120.
  2. ^ "كعب غزال". مأرشيڤي من لأصل ف 2023-05-29. تطّالع عليه ب تاريخ 2023-01-31.
  3. ^ "طريقة عمل كعب الغزال المغربي - شملولة". www.shamlola.com. مأرشيڤي من لأصل ف 2023-01-31. تطّالع عليه ب تاريخ 2023-01-31.
  4. ^ "حلوى كعب الغزال". موضوع (ب لعربية). مأرشيڤي من لأصل ف 2023-06-10. تطّالع عليه ب تاريخ 2023-01-31.