لوغة أمازيغية بديانية

من ويكيپيديا
اذهب إلى التنقل اذهب إلى البحث
لوغة أمازيغية بديانية
النوع لغة بدائية
لخصائيص
النّيڤو دالضعف (6) منقارضة
لفاميلة داللوغات
لوغة د بنادم
لغات أفريقية آسيوية
لوغات أمازيغية

اللوغة لأمازيغية لبديانية أولا لأمازيغية لقبلانية (بالنݣليزية: Proto-Berber) هي لوغة قديمة تركّبات واللي منها جايّين اللوغات لأمازيغية ديال دابا. لأمازيغية لبديانية كانت لوغة أفريقية آسيوية، داكشي لاش اللوغات لأمازيغية اللي جايين منها هوما بنات عم اللوغة لمصرية واللوغات الكوشية واللوغات السامية واللوغات التشادية واللوغات لأوموطية.[1]

التاريخ[بدل | بدل لكود]

اللوغة لأمازيغية لبديانية عندها خاصيات اللي كاتفرقها على اللوغات لأفريقية لآسيوية لاخرين، ولاكين اللوغات لأمازيغية ديال دابا متجانسة نسبيا. لأمازيغية لبديانية بانت غير ف3000 عام هادي واخّا التفريقة على اللغات لأفريقية لأسيوية طرات مابين تسعالاف وعشرالاف عام هادي، على حساب ماكايݣول لعيلم دلمقارنة داللوغة والتاريخ.[2] لوالي وفيليپسون (ف2003) قتارحو، على حساب لمعجم دلكسيبة اللي قدرو يخرّجوه من هاد اللوغة، باللي راها دازت من جوج دلمراحيل ديال التطور:[3]

  • لأمازيغية لبديانية (1 PB1) كترجع ل تقريبان 7000 عام هادي
  • لأمازيغية لبديانية (2 PB2) هادي هي السلف لمباشر لݣاع اللوغات و اللهجات و التنوعات لأمازيغية اللي كاينة دابا.

فلقرن 30 قبل لميلاد تفرقو الناس اللي كايهضرو بلأمازيغية لبديانية فلمينطاقة مابين مصر ولمغريب. وفلقرن 10 قبل لميلاد طرا توسع أمازيغي واحد آخر وهو اللي خلق لينا الشعوب دلأمازيغ اللي مقيّدين عند الرومان. طرا التوسع اللخر فلألفية اللولة من مورا لميلاد، فاش تحركو التوارݣ اللي عندهوم دابا الجمال لوسط الصحرا لكبيرة[4]، حيتاش الشمال ديال الصحرا فديك لوقت كان يمكن للناس تسكن فيه، عكس دابا اللي راهو ناشف.[5] لفيكرة ديال لبني الجديد ديال اللوغة لأمازيغية لبديانية جبد السميات ديال بزاف دلحيوانات لمجترة (لكسيبة) من غير الجمال كايورّي باللي الناس اللي كانت كاتهضر بهاد اللوغة كانو كاينتجو لبهايم وماكانوش رحل.[6]

نيضام ديال التأريخ واحد آخور تبازا على لفروقات اللي كاتميّز لمراحل لقديمة ديال اللوغات السامية ولمصرية فلألفية التالتة قبل لميلاد. بزّاف ديال لباحتين [7] قدّرو باللي دازت شي ربعالاف عام باش إطرا واحد التطور، الشي اللي خلّا هاد لمجموعة اللغوية تفرّق لستة ديال لݣروپات مختالفين (السامية ولمصرية ولأمازيغية ولكوشية والتشادية ولأوموطية) فلألفية التامنة قبل لميلاد. بالتالي اللوغة لأفريقية لآسيوية بانت ف10 آلاف قبل لميلاد حيتاش خدات ألفين عام باش توصل للمرحلة فين هاد لفوروع لمختالفين ديال هاد لفاميلة يتطورو.

من هاد لمنطالاق لأمازيغية لبديانية كانت أول مرحلة فاللوغات لأمازيغية اللي فيها طرا تطور وخرجات من لفاميلة ديال اللوغات الأفروآسيوية فلألفية التامنة قبل لميلاد. هاد اللوغة طرات ليها بزاف دلمرات فترات دإعادة لهيكلة قبل ما توصلنا كيما هي ليوما، واللي بقا لينا منها غير آثار فاللوغات لأمازيغية اللي كاينة دابا.[8]

قتارح روجر بلينش ف2018[9] باللي الناطقين بلأمازيغية لبديانية تحرّكو من واد النيل لشمال أفريقيا هادي 4000 تال 5000 عام دازت بسباب لنتيشار ديال الرعي، وطرا ليها تقسيم كبير هادي 2000 عام دازت فاش كانت لإمبراطورية الرومانية كاتنتاشر فشمال إفريقيا. قال روجر باللي واخا لأمازيغية لبديانية تفرقات على لفاميلة داللوغات لأفروآسيوية هادي آلاف دلعوام، يمكن نعاودو نرجعو نصاوبو هاد اللوغة غير اللي كايحدّو عام 200 ميلادية وما بعد. قال بلينش باللي لأمازيغية مختالفة بزّاف على لفوروع لاخرين ديال لفاميلة لأفروآسيوية، ولاكين اللوغات لأمازيغية اللي كاينة ليوم ما كاتبيّنش ختيلافات كبيرة بزاف. لحضور ديال كلمات جاية من اللوغة لبونيقية فلأمازيغية لبديانية كاتبين باللي اللوغات لأمازيغية اللي كاينة ليوم بانت من مورا سقوط قرطاج ف146 قبل لميلاد. غير اللوغات لݣوانشية وتاضونݣيت هي اللي مافيهاش كلمات جايّة من لبونيقية.[9] زيادة على هادشي، لكلمات اللي جاية من اللاتينية كاتبين باللي تفرقات اللوغة لأمازيغية لبديانية فلقترة مابين 0 و200 ميلادية. فهاد لفترة، لبتيكارات الرومانية بحال لحريت بلبݣر والجمال، والتنضيم ديال لبساتين تعتامدات من لمجتمعات لأمازيغية اللي كانت على لحدود مع لإمبراطورية الرومانية. بلينش كايشوف باللي هادشي جاب تقافة جديدة ديال التيجارة، وهادشي جاب لوغة أمازيغية جديدة كاتسمى لأمازيغية لبديانية الجديدة.[9]

الصوت[بدل | بدل لكود]

لمحاولات لقديمة ديال إعادة لبناء ديال هاد اللوغة تأترات باللوغات التوارݣية حيتاش كانت كاتشاف باللي هي لوغة مامقيوساش.[10]

الصوايت[بدل | بدل لكود]

كارل پراص ومارتين كوصمان عاودو بناو تلاتة ديال الصوايت لقصار /a/ و/i/ و/u/، وربعة ديال الصوايت الطوال اللي هوما /aa/ و/ii/ و/uu/ و/ee/.[10][11] التأتيرات ديال هاد لأصوات كاينين فاللوغات لأمازيغة اللي كاينة دابا، وترسمو فهاد لجدوال:

الصوايت ديال لأمازيغية لبديانية (PB) فبعض للوغت لأمازيغية ديال دابا[12]
*PB تاضونݣيت توارݣية /
تاغديمسيت
فيݣيݣ
ؤوحدين خرين
*a a ӑ ə
*i i ə ə
*u u ə ə
*aa a a a
*ii i i i
*ee i e i
*uu u u u

كاين الصايت /o/ فالتوارݣية وتاغديمسيت اللي كايبان باللي تطور من /u/ بالتناغم الصوتي فالتوارݣية[11]، ومن *aʔ (لهمزة لمفتوحة) فتاغديمسيت.[13]

حاول عبد العزيز علاتي يصاوب نضام ديال لصوات فلأمازيغية لبديانية فيه ستة ديال الصوايت: i وu وe وo وa.[14] بلا الصوايت الطويلة اللي ماشي آفروآسيوية (ݣالوها دياكونوف، 1965: 31، 40 ؤبومهارد وكيرنز، 1994: 107، مابين وحدين خرين) واللي بانت فمتغيرات أمازيغية جديدة (التوارݣية، تاغديمسيت،...)، النيضام كاين ومحفوض فلمتغيرات لأمازيغية لجنوبية الشرقية واللي مابينها التوارݣية. هاد النيضام قريب للنضام الصوتي ديال اللوغة لأفروآسيوية لبديانية (دياكونوف، 1965، 1988). أليكساندر ميليتاريڤ عاود بنا الصوايت /a/ و/i/ و/u/ فالنسخة ديالو دلأمازيغية لبديانية.[15]

لحروف[بدل | بدل لكود]

كوصمان بنى هاد لحروف للغة لأمازيغية لبديانية:

لحروف لمنطوقة[10][13]
شفايهي سنايني لتايوي غاري/
غاري
طبقي لهايوي قرجوتي
ديريكت تح. ديريكت تش.
نيايفي m n̪ː
مفجر  
b
 

t̪ː
d̪ː
 
d̪ˤ
 
d̪ːˤ
c
ɟ

ɟː
k
g

 
gːʷ

 
ʔ
 
حكّاك f
β

 

s̪ː
 
z̪ˤ
 
z̪ːˤ
ʃ
ʒ?
ʃː?
 
 
ɣ
حرف شبه ساكت
(ساكن)
j
حرف مكرر r r̪ r̪ː

لحروف *ɟ و*g بقاو باينين فبعض اللوغات الزناتية:[10]

أ.ب. تام. تاغ. تار. تاش.
g ɟ ʒ ʒ
*g g ɟ y g

بنفس الطريقة، لحرف *c فلأمازيغية لبديانية، اللي كايماتل k فلمتغييرات اللي ماشي زناتية، ولّا š (ش) فالزناتية.[10] متال على هادشي هو căm ("كْخَ"م أنتِ) اللي ولّات šəm (شَم). (هاد التغيير طرا حتى فتانفوسيت وتاسيويت.)

فاللوغات لأمازيغية الشرقية: dˤ→ tˤ.

- *-əβ ديال اللوغة لأمازيغية لبديانية ولّا -i فالزناتية.[16]

عيون لكلام[بدل | بدل لكود]

  1. ^ عبد العزيز علاتي (2002). Diachronie tamazighte ou berbere (بلفرونصي). منشورات جامعة عبد المالك السعدي. p. 296. ISBN 9981-61-015-1.
  2. ^ Militarev, A. (1984), "Sovremennoe sravnitel'no-istoricheskoe afrazijskoe jazykoznanie: chto ono mozhet dat' istoricheskoj nauke?", Lingvisticheskaja rekonstrukcija i drevnejshaja istorija Vostoka, 3, Moscow, pp. 3–26, 44–50
  3. ^ Louali & Philippson 2003, "Les Protoméditerranéens Capsiens sont-ils des protoberbères ? Interrogations de linguiste.", GALF (Groupement des Anthropologues de Langue Française), مراكش، 22-25 شتنبر 2003.
  4. ^ Heine 2000, p. 292.
  5. ^ Heath 2005, pp. 4-5.
  6. ^ Blench 2006, p. 81.
  7. ^ Bomhard, A.R & Kerns, J.C., 1994, The Nostratic Macrofamily. A study in Distant Linguistic Relationship, Berlin, New York, Mouton)
  8. ^ Allati, A. 2002. Diachronie tamazight ou berbère, Tanger, Publications de l'Université Abdelmalek Essaâdi; 2011c. "De l'ergativité dans le berbère moderne" in Studi Africanistici, Quaderna di Studi berberi e Libico-berberi, I, Napoli, 13-25. 2013. La réorganisation de l'ergativité proto-berbère : de l'état à l'état/procès, in Sounds and Words through the Ages: Afroasiatic Studies from Turin, ed. by Mengozzi, A et Tausco, M., Alessandria, Edizioni dell'Orsa, 177-190.
  9. ^ a b c Blench, Roger. 2018. Reconciling archaeological and linguistic evidence for Berber prehistory.
  10. ^ a b c d e Kossmann, M.G. (1999): "Essai sur la phonologie du proto-berbère", Rüdiger Köppe Verlag ردمك 978-3-89645-035-7
  11. ^ a b K.-G. Prasse (1990), New Light on the Origin of the Tuareg Vowels E and O, in: H. G. Mukarovsky (ed), Proceedings of the Fifth International Hamito-Semitic Congress, Vienna, I 163-170. In earlier publications, Prasse had argued that /e/ and /o/ did not go back to Proto-Berber.
  12. ^ Kossmann, 2001a
  13. ^ a b Kossmann, 2001b
  14. ^ Allati, 2002, 2011, Histoire du berbère, I. Phonologie, Tanger, PUAEFL.
  15. ^ Berber etymology
  16. ^ See also Maarten Kossmann, "Les verbes à i finale en zénète مؤرشف 2011-07-18 فموقع وايباك ماشين ", Etudes et Documents Berbères 13, 1995, pp. 99-104.