تاشنويت

من ويكيپيديا
اذهب إلى التنقل اذهب إلى البحث
تاشنويت
النوع لغة و لغة حية
ليستيعمال
كايتهضر بيها ف لجزاير
أصلية ف ولاية الشلف، ولاية تيبازة و ولاية عين الدفلى
لخصائيص
لوضعية داللوغة 7 كاتحوّل
لفاميلة داللوغات
لوغة د بنادم
لغات أفريقية آسيوية
لغات لأمازيغية
لوغات أمازيغية دالشمال
لوغات زناتية
لخاريطة
Berber languages in western Algeria.svg
لأكواد اللي كايعرّفو اللوغة
ISO 639-3 cnu
Glottolog chen1266
Ethnologue cnu
Endangered languages 4571

تاشنويت (الشّنوة أولّا شناوة، اللي كايهضرو بيها كايسمّيوها هاقبايليث) هي لوغة من لفرع الزناتي ديال اللوغات لأمازيغية دالشمال. كايهضرو بيها الناس فالدزاير قريب من لغرب ديال لجزائر لعاصمة ولولايات ديال تيپازة والشلف. اللسان ديال جبل الشنوة قريب بزّاف ومفهوم لبني مناصر وبني حوّا[1] الشي اللي كايخليهم يتعتابرو لوغة وحدة.[2] كان 76 ألف واحد كايهضرو بيها على حساب تقدير دارو لوكليرك ف2004.[3]

النطق[بدل | بدل لكود]

بلأعمال ديال لاوست Laoust اللي جات قبل من لعيلم دالنطق اللي كاين دابا، تاشناويت عندها هاد لأصوات اللي كاينين فلجدول. لجدول كايعطي التمتيل بلحروف دالنطق الدولية ومعا لكتابة بلحروف اللاتينية الدزايرية لمعيارية اللي تدارت للكتابة داللوغات لأمازيغية (كاينين بين هاد لقواس ⟨ ⟩):

لحروف[بدل | بدل لكود]

شفايهي سنايني لتايوي لتايوي غاري طبقي لهايوي حلقي قرجوتي
باين محلقن باين محلقن
مفجر b t d tˤ ⟨ṭ⟩ k g q
موقّف حكّاك ts ⟨ţ⟩ tʃ ⟨č⟩ dʒ ⟨ğ⟩
حكاك f β ⟨ḇ⟩ θ ⟨ṯ⟩ ð ⟨ḏ⟩ ðˤ ⟨ḍ⟩ s z sˤ ⟨ṣ⟩ ʃ ⟨c⟩ ʒ ⟨j⟩ x ⟨ḵ⟩ χ ⟨x⟩ ʁ ⟨γ⟩ ħ ⟨ḥ⟩ ʕ ⟨ε⟩ h
نيايفي m n
ساكت w l j ⟨y⟩
مكرر r

بلمقارنة مع لوغات أمازيغية خرة كايبان باللي لاوست ماقشعش شي حروف، بالضبط الزاي لمفخمة /zˤ/.

الصوايت[بدل | بدل لكود]

/a/ و/i/ و/u/ و/ə/ "الشكل ⟨e⟩ بالتمتيل اللاتيني". كايبان باللي هاد الصايت ⟨o⟩ اللي دارو لاوست كايحدد بشكل مختالف التشفيه (/ʷ/) أولّا صوت مشابه ل/u/.

لقواعد[بدل | بدل لكود]

السميات[بدل | بدل لكود]

السميات اللي مدكّرة كاتبدا بالصوايت a- وi- وu- (أً، إِ، أْ، فلكلمة لوحدانية "لمفرد" بحال ݣاع اللوغات لأمازيغية لخرة) ونادرا بحرف (اللي كايتزدا مع a- فلوغات خرين). متال: ayḏi (أَيْدي، كلب)، fus (فوسْ، يد)، iri (إري، عنݣ) وurṯu (أورتو، جردة). لجمع دلكلمات كايكون غالبا بi-...-en (إِ... َنْ). متال: ameţin (أمَتينْ، لموت) ⇐ imeţinen (إمَتينَنْ)، ولاكين كاينين بزاف ديال لأشكال لخرين دلجمع بحال i-...-an وi-...-wen وi-...awen وi-...-en وi-...-a-. متال: ijiḏer (إجيدْر، نسر) ⇐ ijuḏar (إجودار)، iṯri (إتْري، نجمة) ⇐ iṯran (إتْران)، afer (آفْر، جناح) ⇐ ifrawen (إفْراوَنْ)، icer (إشْر، ضفر) ⇐ icaren (إشارْنْ).

السميات اللي مأنتة كاتبدا ب h- (هـ-) (أصلا هي t- -ت) وكاتسالي غالبا ب-t (-ت) أولّا -ṯ (-ث). متال: hagmarṯ (هاݣمارث، خيل)، hesa (هَسا، كبدة). شي سميات مأنتة مشات ليها h- (هـ-). متال: malla (مالّا، يمامة). شي سميات مدكرين يقدرو يتصغرو إلا تزادو إضافات ديال التأنيت. متال: afus (أَفوسْ، يد) ⇐ hafust (هافوسْت، يد صغيرة). لجمع ديال السميات لمأنتة كايشبه للجمع ديال السميات لمدكرة، ولاكين ضروري من الزيادة ديال h- (هـ-) فلبدية وليستيعمال ديال -in (ين) بلاصة -en ( َنْ). متال: hakṯemţ (هَكْثْمْث، مرَة) ⇐ hikṯemin (هيكثِمين، عيالات)، harract (هَرّاشْت، بنت) ⇐ harracin (هَرّاشين)، huqiṯ (هوقيث، حجرة) ⇐ huqay (هوقاي)، hawleliṯ (هَولَليث، رتيلة) ⇐ hiwlela (هِوْليلا).

التركيب ديال لإضافة (فالدارجة: X ديال Y) كايكونو فالشنوية على الشكل ديال "X Y" بحيت لحرف اللي جاي قبل من Y كايتبدل لu- (أُ-) فلمدكّار وn ţe- (نْ ثً-) فلمؤنات. متال: aman n ţala (أَمانْ نْ تالا، لما دالنافورة)، aglim uγilas (أَݣليم أُغيلاس، جلد النمر). n (نْ، ديال) كاتستعمل معا لكلمات لبرّانية. متال: hagmarṯ n elqayd̠ (هاݣمارث نْ لْقايَد، خيل لقايد).

النعوت[بدل | بدل لكود]

النعوت كاتحول وكاتصرّف بحساب النوع ولعدد ديال لكلمة اللي كايوصفو، والشكل ديالهوم فلوزن بحال بحال. متال: amellal (أَمْلّال، لون بيْض)، azegrar (أزْݣرار، طويل)، azaim (أزايْم، مزيان، زوين). لمُرافيق d̠ (ذْ) كايجي فبعض لحالات قبل النعت، بحال اللي فتاقبايليت.

النوامر[بدل | بدل لكود]

النوامر الجوج اللولين فتاشناويت هوما بلأمازيغية، لباقي كايتݣال بلعربية. هاد الجوج أرقام هوما iğ (إيْ، واحد) (مؤنات: ict، إشْت، وحدة) و sen (سينْ، جوج) (مؤنات: senat̠، سْناثْ، جوجات). السمية اللي كاتحسب كاتجي فحالة ديال لإضافة من مورا الرقم. متال: senat̠ n ţuwura (سْناثْ نْ ثُوُّورا، جوج بيبان).

الضمائير[بدل | بدل لكود]

الضمائير فتاشناويت هوما هادو اللي فلجدوال. النوع (لجنس) مفرّق فݣاع الضمائير إلا فضمير لمتكلم.

الدارجة بوحدو فلملكية مفعول بيه اللول مفعول بيه التاني حروف لإضافة فاعل ديال لفيعل فلماضي فاعل ديال لفيعل فلمضاريع فاعل ديال لفيعل فلأمر
أنا neč, nečinţin -inu -i -ay -i -egh a-...-egh -
نْتا cek, cekinţin -nnek -c, -ic, -icek -ak -ek h-...-d̠ ah-...-d̠ -
نْتي cem, cemminţin -nnem -cem, icem -am -em h-...-d̠ ah-...-d̠ -
هو neţa, neţan -nnes -t̠, -it̠, -h -as -es i- ay- -
هي neţat̠ -ennes -ţ, -iţ -as -es h- ah- -
حنا necnin -nnegh -negh, -ghen -anegh, -aghen -negh n- ann-...(-t̠) -
نتوما
(رجال، دراري)
kennim -nnwen -kem, -ikem -awen -wen h-...-m ah-...-m -t̠
نتوما
(بنات، عيالات)
kennimţ -nnwenţ -kemţ, -ikemţ -awenţ -wenţ h-...-mţ ah-...-mţ -mţ
هوما
(رجال، دراري)
nahnin -nsen -t̠en, -it̠en, -hen, -ihen -asen -sen -n a-...-n -
هوما
(بنات، عيالات)
nahninţ -nsenţ -t̠enţ, -it̠enţ, -henţ, -ihenţ -asenţ -senţ -nţ a-...-nţ -

أسماء لإشارة لأساسيين هوما -a (أَ-، هاد) (حتّا -ay (-أيْ)، -ad̠ (-أَذْ) و-ax (-أَشْ) للمسافات لمتوسطة)، -in (-ينْ، هاداك)، -enni ( َنّي، تݣال قبل). الضمائير دلإشارة هوما:

  • "هادا": wa (وا، مدكر واحد)، hax (هاش، مأنت واحد)، yid̠a (يِذا، مدكّر كتير)، hid̠a (هيذا، مأنت كتير).
  • "هادا" (مأكّد): wayek (وايِك)، hayek (هايِك)، id̠ad̠ik (إذاذيك)، hid̠ad̠ik (هيذاذيك).
  • "هاذا" (دالسؤال): wenni (وَنّي)، henni (هَنّي)، id̠enni (إذَنّي)، hid̠enni (هِذَنّي).
  • "هاداك": win (وين)، hin (هين)، yid̠in (يِذين)، hid̠in (هِذين).

لفعال[بدل | بدل لكود]

لفعال فتاشناويت فيهم لماضي ولمضاريع (كايتزاد على لفيعل a- (-أَ) فلبدية). كاين حتّا لأمر. لأمر اللي ماشي قياسي كايدّار بالزيادة د ia (إيّا) مع لمضاريع باش يدّار منّو لأمر ديال لمتكلم: iaw annaroḥet̠ (إيّاو أنّاروحَثْ، يالاه نمشيو). لفعال فلحالة لعادية كايجي معاهوم تغيير ديال لحروف:

  • لأفعال اللي لأمر ديالهوم فيه جوج ديال لحروف أولّا قّل (متال: eğ (أَيْ، كول)، eγr (غَرْ، قرا)، ezr (أَزْر، شوف)، enγ (أَنْغْ، قْتْل)) كاتزيد لفتحة -a (- َ) فلخر فلحالة دلغايب لمفرد ولمتكلم لجمع وكاتزيد لكسرة -i (- ِ) فلباقي دلحالات: enγiγ (نّغِيغْ، أنا قتْلْتْ)، henγa (هَنْغا، هي قْتْلات).

حروف لكلام[بدل | بدل لكود]

حروف لكلام كايسبقو السميات اللي كايديرو ليها لإضافة. i medden (إِ مَدّْنْ، للناس)، sgi Bazar (سْݣّي بازار، من تيپازة). أهم وحدين هوما:

  • i (إ، لْ)
  • n (نْ، ديال)
  • d̠eg (ذَݣْ)/d̠i (ذي)/eg ( َݣْ)/i (إ)، لداخل
  • seg (سَݣْ)/zeg- (زَݣْ-)/si (سي)، من
  • s (سْ، بستيعمال، بـ)
  • f (فْـ)/fell- (فَلْـ-) على
  • γer (غَرْ)/γ (غ) لجيهة
  • akid̠ (أكيذْ)/d̠ (ذْ) معا
  • jar (جار، مابين)
  • zat̠ (زاثْ، قدّام، قبالة)
  • awr (أَوْرْ، مورا)
  • i sawen (إ ساوْنْ)/susawen (سوساوَنْ)، تحت
  • addu (أَدّو، فوق)

حروف الربط[بدل | بدل لكود]

لحروف دالربط كايسبقو لفعال: ami yiwoḍ (أمي يُوَضْ، فاش رجع)، qabel ma ţaγen (قابَل ما ثايَنْ، شوف إلا كانت كاتطيح الشتا). أهم وحدين هوما:

  • melmi؟ (مَلمي؟، إيمتا)
  • ami (آمي)، γassa(l) (ياسّا(لْ))، assγa (أسّْغا)، γir (غير)، إمتا
  • ma (ما)، kagella (كاݣَلّا)، lukan (لوكان)، willa (ويلّا)، إلا
  • (an)neγ ((أَنْ)نّْغْ، أولّا)

لمصادير[بدل | بدل لكود]

  1. Laoust 1912:I
  2. Salem Chaker, LE DIALECTE BERBERE DU CHENOUA (Algérie), Encyclopédie Berbère, vol. XII, 1993 : p. 1902-1904.
  3. تاشناويت فإتنولوݣ