نݣليزية

من ويكيپيديا
اذهب إلى التنقل اذهب إلى البحث
خريطة د دّول للي فيها لونݣلي لغة رسمية
مثال د هضرة بلينݣليزية ب صّوت د راجل ميريكاني

لينݣليزية ولا النݣليزية ؤلا لونݣلي (ب نّݣليزية English) هي لوغة ؤروپية، ؤ ب ضبط جرمانية غربية لي لأصل ديالها من نّݣليز. تاتًهضر نّݣليزية ف ݣاع لقارّات د لعالم ؤ تاتعتابر حاليا هي لّوغة لّولة ف لعالم من ناحية د لانتاج لعلمي. تقريبا مليار ؤ نص د ناس ف لعالم تيهضرو نّݣليزية، منهم مابين 360 و 400 مليون لي هي لّوغة د لم ديالهم.[1]

نّݣليزية هي واحد لّوغة جرمانية. هي تالت أكتر لوغة كيهضرو بها ناس ف لعالم أما أكتر لوغة كيهضرو بيها هي شينوية ؤ تابعاها صبليونية.

نتاشرات لينݣليزية فلعالم من بعد لقرن 17، مع لإمبراطورية لبريطانية ؤ لميريكان. مورا لحرب لعالمية الثانية، وحيث ولاًت لميريكان قوة عضمى، فرضات لينݣليزية راسها كلغة عالمية، ؤ ولاًت هي لوغة للولا ف لعالم فبزاف د لانتاجات ولميادين. لينݣليزية هي لغة رسمية فبزاف د لهيئات ولمؤسسات فلعالم بحال لأمم لمتًحدة وليتيحاد لأوروپًي.[2]

نݣليزية هي لوغة رسمية ف54 بلاد. ماكاينش شي فرق كبير ما بين لينݣليزية ديال ميريكان و لينݣليزية ديال بريطانيا ف لمفردات ؤ لقواعد.

لينݣليزية هي لوغة لأجنبية تانية من حيت عدد ناس لي تيهضروها فلمغريب، من بعد لفرانساوية. تقريبا 6 د لمليون د لمغاربة قالو على راسهم باللي تيهضرو لينݣليزية ف 2014.[3]

لمصادر[بدل | بدل لكود]

شوف تا[بدل | بدل لكود]

Wikimedia Commons تقدر تزيد شوف بزاف د صور و معلومات ديال English language ف ويكيميديا كومنز.