تاويلانت
تاويلانت
| ||
| النوع | لوغة و لغة حية | |
| تخدام | ||
| اللي كبرو بيها | 3,000 (2000) | |
| كايتهضر بيها ف | ليبيا | |
| أصلية ف | شعبية الواحات | |
| لخصائيص | ||
| النّيڤو دالضعف | (4) فخطر كبير | |
| لوضعية داللوغة | 8a كاتحتاضر | |
| لفاميلة داللوغات | ||
| لوغة د بنادم لوغات أفرو-أسيوية لوغات أمازيغية لوغات أمازيغية شرقية | ||
| لكواض لي كايعرّفو اللوغة | ||
| إيزو 639-3 | auj | |
| ڭلوطولوڭ | awji1241 | |
| إيطنولوڭ | auj | |
| يونيسكو | 5 | |
| لوغات مهددة | 293 | |
تاويلانت (معروفة حتى بأوجيلة، أودجيلة، أوݣيلة، تاوجيليت[1][2]) (بلأمازيغية: ⵊⵍⴰⵏ ⵏ ⴰⵡⵉⵍⴻⵏ جلان ن أويلَن -لسان ناس أوجيلة-) هي لوغة مهددة (بتصنيف "إتنولوݣ" هي لوغة كاتحتاضر[3]) من عائلة اللوغات لأمازيغية الشرقية اللي كاتهضر بيها الناس فواحة أوجيلة فإقليم برقة فليبيا.[4] بسباب لوضعية اللي ليبيا فيها دابا، مابقاش يمكن للواحد يوصل لمعلومات على هاد اللوغة.[5] واخّا هاكاك، ليستيعمال ديال تاويلانت ففيسبوك من طرف الناطقين وشبه الناطقين اللي مازال شباب زادت عطات معلومات إضافية عليها.[6]
تاويلانت داخلة فلمجموعة ديال اللوغات لأمازيغية الشرقية اللي هي طرف من اللوغات لأمازيغية. كاتشبه هاد اللوغة واحد الشوية لتاغديمسيت واخّا كاينة فخطر كتر منها، بتقديرات ديال 2000 حتال 3000 واحد هلّي اللي بقا كايهضر بيها.[7] ليونيسكو كاتعتابر باللي تاويلانت هي لوغة مهددة بشكل كبير حيتاش الناطقين اللي كانو شباب ولّاو كبار وفاتو نص لعمر.[8]
تعرضات اللوغات لأمازيغية فليبيا بشكل كبير للقمع فلعهد ديال معمر لقدافي، اللي ممكن إيكون سباب رئيسي فلينقيراض ديال تاسكنيت وتعرض وحدين خرين للخطر، بحال تاويلانت نيت وتاغديمسيت. ليستيعمال ديال اللوغات لأمازيغية كان ممنوع، ولقدافي كان كاينكر باللي كاينين لأمازيغ فبلادو. فواحد لخطاب كان ݣال: "سمّيو راسكوم اللي بغيتو فديوركوم -أمازيغ، ولاد الشيطان، اللي كان، ولاكين فاش كاتخرجو من الدار راكوم ليبيين."[9] كان لقدافي كايستهدف اللغويين اللي كانو مختصين، واخّا يكونو برّانيين، زيادة على النشطاء لأمازيغ. على هادشي ماكاينينش معطيات جديدة على اللوغات لأمازيغية فليبيا، واخّا حتى بلعربية، أولّا فلأنترنيت (على لعكس ديال اللوغات لأمازيغية فلمغريب أولا دزاير). واخّا هكاك، لليوم، الناس كاتستعملها فلفيسبوك.[10]
تاريخيا، كانت بعض اللوغات لأمازيغية كاتكتب بحرف تيفيناغ مابين لقرن التاني قبل لميلاد ولقرن التالت ميلادية. تاويلانت وبزاف ديال اللوغات لأمازيغية لخرين بقاو غير بالشفوي فبزاف ديال التواجد الحالي ديالهم. ليوما أغلبية اللوغات لأمازيغية كاتكتب بلخط لعربي أولا بالسكريپت اللاتيني، واخّا كانو محاولات ديال لإحياء دلخط ديال تيفيناغ الجديدة فبزاف ديال لمجالات. لقدافي منع ليستيعمال ديال لخط فديك 42 عام اللي حكم فيها، وداكشي لاش هاد لخط ماكايعنيش بزاف للناس ديال أوجيلة.[11]
- فتاويلانت بقا داك لحرف ديال β (سمع كيفاش كايتنطق) بحال اللي كاين فاللوغة لأمازيغية لبديانية. ضاع هاد لحرف فباقي اللوغات لأمازيغية.[12]
- لحرف ديال لكاف بقا عند تاويلانت فلبلايص اللي تحول فيهوم فلوغات أمازيغية خرة لحرف لياء. متال: تاويلانت: ⵜⴰⴽⵎⵎⵓⵙⵜ (تاكموست) مقابل تاشلحيت: ⵜⴰⵢⵎⵎⵓⵙⵜ (تايموست). لكلمة معناها رزمة أولّا حفنة.[12]
- حرف السين (/s/) تحوّل لحرف الشين (/ʃ/)، وحرف الزاي (/z/) تحول لحرف لجيم (/ʒ/).[12]
تاويلانت طراو فيها بزّاف ديال التغييرات فلمستوى ديال التراكيب:[13]
- هاد اللوغة مافيهاش لحالات لإعرابية بحال اللوغات لأمازيغية لاخرة.[13]
- مافيهاش شي كلمات اللي كايتزداو مع وحدين خرين بطريقة مابايناش.[13]
- ليستيعمال ديال –a مع لمضاريع كايعبّر على لحالة ديال النتيجة. هاد لخاصية كاتشتاركها هاد اللوغة غير مع تاسيويت.[13]
- ^ Linguasfera: Tamazic (Berber)(catalan) Llengües, Literatures i Cultures del Món, [LLCM], تجبد نهار 27 أكتوبر 2015
- ^ Berbers willen geen Arabieren meer zijn[ليان مهرس ديما](unimportant parts in dutch), maroc.nl, تجبد نهار 27 أكتوبر 2015
- ^ "اللوغة فإتنولوݣ". مأرشيڤي من لأصل ف 2023-03-09. تطّالع عليه ب تاريخ 2021-02-16.
- ^ http://portal.unesco.org/ci/en/ev.php-URL_ID=11198&URL_DO=DO_TOPIC&URL_SECTION=201.html "Libya: UNESCO-CI." Libya: UNESCO-CI. UNESCO, n.d. Web. 11 ماي 2015.
- ^ van Putten, M. 2014. A Grammar of Awjila Berber (Libya). Based on Umberto Paradisi’s Material (Berber Studies 41). Rüdiger Köppe Verlag: Köln.
- ^ van Putten, M. & L. Souag, Attrition and revival in Awjila Berber. Corpus 14, pp. 23-58, 2015.
- ^ Brenzinger, Matthias. "Language endangerment in northern Africa." Language diversity endangered 181 (2007): 123.
- ^ "UNESCO".
- ^ http://muftah.org/denied-existence-libyan-berbers-under-gaddafi-and-hope-for-the-current-revolution/#.VVA-EflViko مؤرشف 2021-07-26 فموقع وايباك ماشين Solieman, Ishrah. "Denied Existence: Libyan-Berbers under Gaddafi and Hope for the Current Revolution." Muftah. N.p., 24 مارس 2011. Web. 11 ماي 2015.
- ^ Awjili negation and Facebook Oriental Berber, Retrieved the 27 October 2015
- ^ http://www.tawalt.com/?p=14122 سلطات الامن الليبية تمنع نشر الملصق الرسمي لمهرجان الزي التقليدي بكباو [Libyan security authorities to prevent the publication of the official poster for the festival traditional costume Pkpau] (in Arabic). TAWALT. 2007.
- ^ a b c Marijn, Putten Van. "Some Notes on the Historical Consonantism of Awjila." Folia Orientalia 51 (2014): 257-74.
- ^ a b c d van Putten, Marijn. "An Aujila Berber Vocabulary."