سهل سوس

من ويكيپيديا
(تحولات من سوس)
اذهب إلى التنقل اذهب إلى البحث
الطبيعة ديال سوس و الشجار ديال أرڭان.

سوس هي واحد المنطقة كاينا ف واحد السهل ف الجنوب الغربي د المغريب. هاد السهل عندو نفس السمية و جا ف الجنوب د الأطلس الكبير و ف الغرب د الأطلس الصغير.[1]

التاريخ[بدل | بدل لكود]

كانت سوس ديما من المناطق اللي الفلاحة فيها مزيانا. تعرفات من القرن 11 بالزراعة والتصدير ديال الزيتون و السكر.

سوس تعرفات بزاف ف القرن 17 ملي كانت واحد المملكة ف تازروالت اللي خلات المنطقة مستقلة وشادا ف بزاف ديال التجارة د الدهب ف الصحرا. كانو تايبيعو حتا السكر ل التجار من لبرتغال وهولاندا والنڭليز.

كانت أڭادير فديك الوقيتا واحد المركز كبير ديال التجارة مع الخارج.

السكّان[بدل | بدل لكود]

الأغلبية د الناس ديال سوس من لأمازيغ الشلوح و تايهضرو بزاف ب الشلحة. الناس ديال سوس تايتسماو ف لمغريب ب السوسيين ولا السواسة.

بزاف ديال الناس ساكنين حدا المدينة ديال أڭادير و للي تاتلقب ب العاصمة ديال سوس. كاين مدن كبيرة ف سوس بحال تارودانت، تيزنيت، إينزڭان، أيت ملول و الدشيرة.

كتب المختار السوسي على الناس للي سكنو ف سوس من لعرب اللي جاو من الشرق و كيفاش عاشو مع الشلوح.[2]

الطبيعة[بدل | بدل لكود]

المنطقة ديال سوس معروفة ب الطبيعة ديالها. فيها البحر و الجبال و الخضورية و الوديان. المنطقة معروفة ب الغابات ديال أرڭان و الفلاحة.[3]

ناس معروفين من سوس[بدل | بدل لكود]

لمصادر[بدل | بدل لكود]


Wikimedia Commons تقدر تزيد شوف بزاف د صور و معلومات ديال Souss (Morocco) ف ويكيميديا كومنز.