تطوان
تطوان
| ||||
|
Tetwān تطوان (ar)
| ||||
 | ||||
| لبلاصة | ||||
| لبلاد | لمغريب | |||
| لإقليم | إقليم تطوان | |||
| السكان | ||||
| شحال دالسكان | 422,757 (2024) | |||
| شحال دلفاميلات | 113,837 (2024) | |||
| لجغرافيا | ||||
| لعلو | 90 م | |||
| خط الطول بـ ° | -5.35304546 | |||
| خط لعرض بـ ° | 35.58229165 | |||
| معلومات خرين | ||||
| توقيت ديال لمدينة | التوقيت د وسط أوروپا | |||
| كود د لبوصطة | 93000 | |||
| السيت الرسمي | tetouan.ma | |||
| الرمز لجغرافي | 2528910 | |||
| لخريطة | ||||
 | ||||
تطوان ولاً تيطًاون هي واحد المدينة فالشمال د لمغريب، و تاتسمًا تا الحمامة البيضا. تيطاون هي كلمة بالأمازيغية د غمارة، و تاتعني العينين. تيسكنو ف تطوان تقريبا 380.000 واحد، و لمنطقة ديالها معروفة ب لبحورا الزوينين لي تيجيوليهم بزاف د الناس ف الصيف.
سمية ديال تيطوان جاية من لأمازيغية تيطاوين (ⵜⵉⵟⵟⵇⵡⵉⵏ) اللي كاتعني العينين. [مصدر؟]
تبنات لمدينة لقديمة د تطوان على جبل درسة و كانت من ديما عندها أهمية كبيرة ف التاريخ د لمغريب لإسلامي حيت كانت محطة ف التحركات بين لمغريب لإسلامي و لأندلس.
ف وقت الإستعمار الصبليوني للشمال د لمغريب كانت تطوان هي لعاصمة د المنطقة. ديك المنطقة كانت تاتسمى المنطقة الخليفية و كانت تاتحكمها صبانيا ب التنسيق مع واحد السيد لي تيمثل الملك و كانت سميتو الخليفة السلطاني.
أوّل إحصاء د سّكان تدار ف لمغريب مورا سّتيقلال ف 1960، تّلقا فيه بلي كاينين 101.155 لي ساكنين ف تطوان، سوا مغاربا ؤلا ڭور.[1]
لجماعة لحضرية تابعة ل إقليم تطوان، جهة طنجة تطوان الحسيمة، ساكنين فيها 377866 واحد، على حسب لإحصاء لعام 2014.[2]
- نسبة لأمية (نّاس لّي ما كايعرفوش يقراو ولا يكتبو) : 20,8%
- نسبة سّكان لّي قاريين فوق الليسي (ليسي و جامعة): 21,3%
فالعشرينيات، لمناضلين اللي كانوا تابعين للحركة لوطنية فشمال لمغريب، وبالخصوص فتطوان اللي كانت تحت لحماية الصبليونية على لمغريب، جعلوا من لعلم والتعليم هدف أسمى فالمعركة ديالهم ضد لاستعمار.
فعام 1924، ومن بعد مجهود كبير ، قادوا أول مدرسة ابتدائية وسماوها "لمدرسة لأهلية". وكان من بين المؤسسين ديالها لمؤرخ محمد داود ، وعبد السلام بنونة ، ومصطفى أفيلال. لهاد لغرض، داروا أعضاء لحركة لوطنية حملة شعبية تحت لقيادة ديال "لجنة التعليم لخاص" اللي تقدات فـ 1934. وفصيف 1935، تجمعات مجموعة من لمناضلين فدار مصطفى أفيلال، ومن بعد نقاش طويل على لأبعاد التعليمية ولموارد لمادية، قرروا يأسسوا واح لمؤسسة تعليمية تانوية خاصة.
السمية ديال هاد لمؤسسة بقات معلقة حتى للخر ديال العام، ومن بعد اجتماعات أخرى، اقتارح الزعيم لوطني والأستاذ عبد الخالق الطريس (اللي كان معجب بالدور اللي لعبوه "الرجال لأحرار" فعهد لجمهورية الصبليونية الثانية) على الزملاء ديالو: "أغلب رجال لعلم و لفكر والتحرر فصبليون ا تخرجوا من معهد مدريد . داكشي علاش، كنتمنى ونقترح عليكم تسميو المعهد ديالنا لمعهد لحر (بلعربية: المعهد الحر)". ومن بعد ما توافق على هادشي، تأسس المعهد الحر فـ 5 نونبر 1935.[3]
التلامذ ديال لمعهد كانوا من لأوائل اللي خرجوا يتظاهروا ويحتجوا ضد لإدارة الصبليونية. وعام 1948، اللي عرف شي حوادث ديال دم بين لمواطنين اللي كيطالبوا بالاستقلال ولاستعمار الصبليوني، تقتل فيه واحد من تلامذ لمعهد على يد أعوان لاستعمار، وهاد التاريخ بقى نقطة فاصلة. لإدارة الصبليونية بدات كتحاول تحكم على المعهد، واعتقلت كاع لموظفين وسجناتهم فـ سبتة. ولكن من بعد أسابيع، لمؤرخ التهامي الوزاني، اللي كان ديك الساع مدير لمدرسة لابتدائية، التحق بالمعهد وطلب من تلامذ التانوي يعاونوا فالقراية لصغار باش ما يوقفش التعليم كاع. ومن ديك الساع، وقف التعليم التانوي فالمعهد وبقى مقتصر غير على الابتدائي لدبا.[3] وبزاف ديال لخريجين كملوا قرايتهم لعالية ف سپانيا، القاهرة، و بغداد
مدارس ولمؤسسات ديال التعليم لعالي لخرين
تطوان فيها "المعهد الوطني للفنون الجميلة" ، اللي هو لمؤسسة الوطنية الوحيدة للتعليم لعالي للفنون ف لمغريب تأسس فـ 1945.[4] اللي شجع عليه وكان أول مدير ليه هو الرسام الإسباني المستشرق مارينو بورتوشي .[5] .
لمدينة فيها عاوتاني "لمدرسة لوطنية للهندسة لمعمارية"، بالفرنسية(Ecole Nationale d'Architecture)، وهي مدرسة عمومية للهندسة .
لجامعة لعمومية فتطوان جامعة عبد المالك السعدي تأسسات ف عام ـ1993. وتسمات على سمية السلطان لمغربي ديال القرن 16 أبو مروان عبد المالك السعدي. هاد الجامعة فيها حوالي 86,000 طالب، وهي وحدة من أكبر الجامعات فالمغريب. "كلية لأصول ديال الدين" (بالعرية : كلية أصول الدين) تأسسات فـ 1963 وكانت تابعة لـ جامعة القرويين لعريقة فـ فاس حتى لـ 2015، فاش ولات تابعة لجامعة عبد المالك السعدي.[6]
* مدرسة الصنائع ولفنون الوطنية
* مدرسة البويرتو
* مدرسة كاليفورنيا
* آية المدينة
* معهد ITSN (التقني للعلوم)
* مدرسة هلا أندلسية
* القاضي ابن العربي
كاينين عاوتاني مدارس دولية إسبانية تابعة لـ وزارة التعليم الإسبانية:
* مدرسة خاثينتو بينافينتي
* لمعهد لإسباني خوان دي لا ثييرفا
* لمعهد لإسباني سيدة بيلار
و بزاف ديال المراكز الثقافية الأجنبية كاينين فتطوان:
* معهد سيرفانتيس لإسباني
* لمعهد الفرنسي
* لمركز اللغوي لميريكاني
- نسبة نّاس نّشيطين (لّي يقدرو يخدمو): 50%
- نسبة لبطالة (نّاس لّي ما خدامينش و تايقلبو على خدمة): 21,5%
- نسبة نّاس اللي خدامين ف دّولة (ولا لبيطاليين اللي سبق ليهوم خدمو): 12,5%
- نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):53,3%
من بعد ما سالا لوجود لإسلامي ف لأندلس، ولات مركز ديال لأندلسيين اللي لجؤو ل لمغريب و هادشي اللي عطا ل لمدينة روح أندلسية ف لمعمار و لبني ديالها. داكشي علاش فيها بزاف ديال لمعالم و دخلات لمدينة لقديمة ل لّيستا د معاليم التراث العالمي د ليونيسكو من 1997.[7]
تصويرة قديمة د تطوان تايبان فيها جبل درسة
- ↑ "LE MAROC COMPTE 11 598 070 HABITANTS (y compris las étrangers)" (ب الفرنسية). 19 شتنبر 1960. Archived from the original on 2023-06-30. Retrieved 2022-05-23.
- ↑ "RGPH 2014 - Site HCP". Archived from the original on 2023-07-02. Retrieved 2020-08-21.
- 1 2 "معلومات جد هامة حول المعلمة التاريخية". Retrieved 2018-10-03.
- ↑ Saliou, Bérénice. "Institut National des Beaux-Arts Tétouan - When spontaneity and experimentation become forms".
- ↑ Atlas of world art. Onians, John, 1942-. London: Laurence King Pub. 2004. p. 291. ISBN 978-1856693776. OCLC 56535119.
{{cite book}}: CS1 maint: others (link) - ↑ "نبذة عن الكلية | كلية أصول الدين بتطوان". www.fod.ac.ma (ب العربية). Archived from the original on 2019-11-19. Retrieved 2018-10-03.
- ↑ http://whc.unesco.org/fr/list/837/
 |
ويكيميديا كومنز عندا تصاور و معلومات على تطوان. |
