فاطمة تحيحيت
فاطمة تحيحيت
| ||
 | ||
| معلومات عامة | ||
| زيادة | ج. 1969 (56/57 عام) تامانار | |
| لجنسية | لمغريب | |
| لحرفة | مغنية | |
| لّوغات لي كيعرف | عربية و لوغات أمازيغية | |
| لفاميلة | ||
| لإتنية | أمازيغ | |
| معلومات خرى | ||
| لألة | صوت | |
   | ||
فاطمة بانو أولا تحيحيت (زيادة ف تمانار ف 1969) مغنية وممثلة أمازيغية مغربية تتغني بتاشيلحيت.[1]
تزادت فاطمة بانو عام 1969 فتمانار فمنطقة حاحا فالنواحي ديال الصويرة وهادشي علاش تلقبات بتحيحيت لي تتعني بدارجة لمرا اللي من حاحا.
كبرات وسط عائلة ديال 7 ديال لخوت دراري وبززو عليها تزوج واخا كان عمرها غير 8 سنين بواحد الراجل كبير فعمرو 60 عام. طلقات منو و عاودات تزوجات بواحد من ولاد عمها ولكن طلقات عوتاني ملي كان فعمرها 15 عام وعندها درية.[2]
دارت فعام 1986 ݣروپ ديالها وخدمات مع فنانين كبار بحال الحاج عمر واهروش و آيت بونصير.
شاركات فاطمة تحيحيت فبزاف ديال المهرجانات فلمغريب بحال مهرجان تيميار فأݣادير وفبرا ديال لمغربب بحال فرانسا وأندونيسيا ولميريكان والسعودية.
شاركات فالتمتيل حتا هوا وبانت فبزاف ديال لأفلام و لمسلسلات لمغريبية بحال فيلم المحبة الزايدة (2014) و مسلسل أمان إروفان (2016).
- ↑ "الفنانة تيحيحيت: تزوجت في سن 8 من رجل عمره 60 سنة وكنت اناديه "باجَدِّي"!". alyaoum24.com (ب العربية). 2015-01-30. Archived from the original on 2022-01-22. Retrieved 2020-03-24.
- ↑ "الفنانة الحاجة فاطمة تحيحيت في حوار". chtoukapress.com (ب العربية). 2011-01-14. Archived from the original on 2020-03-24. Retrieved 2020-03-24.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |