عزيزة جلال
عزيزة جلال
| ||
 | ||
| معلومات عامة | ||
| زيادة | 15 دجنبر 1958 (67 عام) مكناس | |
| لجنسية | لمغريب ساعودية | |
| لحرفة | مغنية و مومتيلة | |
| لّوغات لي كيعرف | عربية، نڭليزية و لفرانساوية | |
| معلومات خرى | ||
| ستيل | موسيقى عربية و موسيقى خليجية | |
| لألة | صوت | |
           | ||
عزيزة جلال (15 دجنبر 1958، مكناس -) هي مغنية مغريبية كاتغني بلعربية لفوصحة ولمصرية.[1]
عزيزة جلال هي أيقونة فنّية ديال لمغريب، ودابا كاتعيش فالسعودية وعندها جنسية تمّا.[2] قبل الزواج والشوهرة، قرات عزيزة لفن ولموسيقى فمكناس. شاركات فواحد لبرنامج ديال لغنا سميتو "مواهيب" ودارو لفنان عبد النبي الجيراري ف1975. غنّات عزيزة جلال فهاد لمنافسة أغاني ديال الطرب لعربي بحال دياول شادية وأسمهان.[3]
ما بين 1975 و1985، ولّات عزيزة جلال مغنية ديال لأغاني لكلاسيكية اللي معروفة بزّاف، هادشي قبل ماتزوّج من راجل سعودي. كان معروف عليها باللي هي لمغنية اللي كانت ݣاع كاتعجب لماليك لحسن التاني، وكانت ديما كاتبان فالتلفازة لمغريبية ولمناسبات اللي كانت كاتنضمها الدولة وكانت كاتغنّي بزّاف لأغاني لوطنية، ولأغاني دلقومية لعربية ولإسلامية.[4]
ف1985 قرّرات عزيزة جلال باش تغادر لواجيهة لفنية. تزوجات هاد السيدة واحد رجل دلأعمال سعودي اللي عطاها الحق باش تقرر واش تبقى ولّا تمشي من الساحة لفنية. قالت باللي مافكراتش فيها بزّاف وقررات ما تبقاش تغنّي. قالت باللي ماكانتش ندمانة على لقرار اللي خدات.[5] لقرار دغيا سالا لمكانة ديالها فالصيناعة دلموسيقى، الشي اللي خلا لجمهور ديالها يتقلق، حيتاش كان عارف باللي كون بثات، كانت غاتزيد بزّاف للأغاني دياولها اللي كانت أصلا زوينة.
فنهار 22 ماي 2019 دارت عزيزة جلال مفاجئة للعالم لعربي.[6] كان هاداك هو النهار اللي لمغاربة ولمعجبين من لعالم لعربي تلاقاو فيه لفنانة عزيزة جلال، اللي كانت غايبة على الساحة لفنية لكتر من 34 عام. لمغنية دارت أول ضهور ليها من 1985 فواحد لبرنامج ديال إم بي سي سميتو "لقاء من الصفر".
رجعات عزيزة جلال للمنصات ف26 دجنبر 2019 فشتاء طنطورة، وهو مهرجان فالسعودية.[7] بدات السهرة ديالها مع لعشرة دالليل.[8] الناس عجبهوم لحال حيتاش أجيال كانت كاتستمتع بالصوت ولأغاني ديالها.[9] داك النهار شكرات لجمهور ديالها وݣالت: "شكرا حيتاش جيتو تشوفوني من مورا غياب كبير. ماعمّركوم كنت بعيدة عليكوم، كنتو ديما فقلبي. أنا رجعت ليكوم حيتاش نتوما اللي بغيتوني. قررت نرجع باش نشارك ف لحفلات اللي غادي تدار ف بلادنا."[10]
- مستنياك - (بليغ حمدي).
- منك وإليك - (حلمي بكر).
- سيدي ياسيد ساداتي - (جابر جاسم).
- غزيل فله - (جابر جاسم).
- ياشوق هزني هوى الشوق - (جابر جاسم).
- حلقت عيوني هنا وهناك - (أغنية وطنية دلمغريب).
- من كل دقة قلب - (وطنية).
- نتقابل سوا - (سيد مكاوي).
- قصيدة الزمزمية - (رياض السنباطي).
- غال ياحسن - (أغنية وطنية دلمغريب).
- بطل القدس - (أغنية وطنية دلمغريب ديال عبد القادر الراشدي).
- يغن لعرشك - (أغنية وطنية دلمغريب).
- ↑ Aziza Galal كاينة الصفحة ف alrai.com، تشافت نهار 15 غشت 2014.
- ↑ "عزيزة جلال.. العفوية والأسلوب النوذجي الفاخر!". جريدة الرياض (ب العربية). Archived from the original on 15 يوليوز 2019. Retrieved 2018-03-19.
- ↑ "Moroccan Icon Aziza Jalal Makes First Appearance 34 Years After Retiring". Archived from the original on 2023-03-02. Retrieved 2021-01-01.
- ↑ "Pop Culture in North Africa and the Middle East: Entertainment and Society around the World". publisher.abc-clio.com. Archived from the original on 2023-03-02. Retrieved 2018-03-19.
- ↑ ""يحيى يعيش" وpasse-partout وManipulation". الأخبار (ب العربية). Archived from the original on 2015-08-19. Retrieved 2018-03-19.
- ↑ "l Likaa mina sifr with Aziza Jalal". Archived from the original on 2019-12-30. Retrieved 2021-01-01.
- ↑ "Arab singer Aziza Jalal returns to stage at Winter at Tantora". Archived from the original on 2020-11-25. Retrieved 2021-01-01.
- ↑ "Legendary singer Aziza Jalal dazzles crowds at Saudi Arabia's Tantora festival". Archived from the original on 2022-08-13. Retrieved 2021-01-01.
- ↑ "Le retour insoupçonné de Aziza Jalal". Archived from the original on 2022-08-13. Retrieved 2021-01-01.
- ↑ "Le grand retour d'Aziza Jalal". Archived from the original on 2022-08-13. Retrieved 2021-01-01.
