لطيفة رأفت
لطيفة رأفت
| ||
 | ||
| معلومات عامة | ||
| زيادة | 25 نونبر 1965 (60 عام) قنيطرة | |
| لجنسية | لمغريب | |
| لحرفة | مغنية و مومتيلة | |
| لّوغات لي كيعرف | عربية | |
| لفاميلة | ||
| شريك | El Hadj Ahmed Ibn Ibrahim | |
| معلومات خرى | ||
| لألة | صوت | |
    | ||
لطيفة رأفت (خلاقت ف 25 نونبر 1965 ف قنيطرة) مغنية مغريبية د لموسيقا لمغريبية لعصرية. بدات لكاريير ديالها ف 1982 و عندها شعبية كبيرة ف لمغريب و دزاير و تونس.
لطيفة خلاقت ف قنيطرة و أصلها من وزان. بانت فاش كانت صغيرة و دازت ف برامج د لمواهب ف تّلفزة لمغريبية غنات فيهوم غنيات مشرقية و ب دّات د أم كلثوم. و غنية سجلاتها كانت ف 1982 و سميتها "موال الحب".
ف 1984 تجوجات ب لملحن لمغريبي لكبير حميد العلوي و هو لّي لحن ليها غنية "خويي" لّي كانت تختارت أحسن غنية مغريبية ف 1985. ف تّمانينات و تّسعينات د لقرن لعشرين كانت من أكبر لمغنيات لمغريبيات و وحدة من لمغنيات لّي رفضو يهاجرو ل لمشريق و بقاو شادين ف لغنا ب دّاريجا و ف لمغريب بحال نعيمة سميح. ديك لفترة عرفات أهم لأغاني لخالدة ديال لطيفة بحال "مغيارة"، "أنا فعارك يا يما"، "يا هلي يا عشراني" و "الحمد لله.
ف 1993 تفارقات هي و حميد العلوي و كانت فترة صعيبة عليها ب حيت مرضات نفسيا، ب سباب بلي حميد مابغاش يطلق لكونطرا لّي كان كاخليه يحتاكر لأعمال ديالها، و وقفات لكاريير لموسيقية ديالها 3 سنين.[1]
من بعد ديك لمحنة، رجعات لطيفة ل نّشاط لفني ديالها : ف لّول عاودات ب توزيع عصري غنيات مغريبية قديمة بحال "العود والناي" د إسماعيل أحمد، و ف عوام ل2000 خرجات غنيات ب شكل "دويتو"، لّي نجحو بزاف، بحال "توحشتك بواف" مع لمغني دّزايري محمد لامين.[2]
- ↑ "خمسة أسرار لاتعرفونها عن لطيفة رأفت التي ندمت على عدم الإنجاب". Archived from the original on 2023-10-05. Retrieved 2020-03-25.
- ↑ "لطيفة رافت - سيت ليالينا". Archived from the original on 4 أكتوبر 2023.
| بازدونيات د الضبط لمخازني: فنانين |
|---|
