سعيدة فكري
سعيدة فكري
| ||
 | ||
| معلومات عامة | ||
| زيادة | 28 نونبر 1971 (54 عام) الدار البيضا | |
| لجنسية | الولايات المتاحدة د ميريكان (1998–) لمغريب | |
| لحرفة | مغنية | |
| لّوغات لي كيعرف | عربية، الداريجة لمغريبية، لفرانساوية و نڭليزية | |
| معلومات خرى | ||
| ستيل | كانتري | |
| لألة | صوت | |
| سّيت رّسمي | http://www.Saidafikri.net/ | |
  | ||
سعيدة فكري (28 نونبر 1971، الدار البيضا -) هي مغنية مغريبية. بدات كاتغني ملّي كانت عندها تمن سنين، و غنات لعبد الهادي بلخياط لأغنية د"في قلبي جرح قديم". بدات كاتسمع لأغاني د لكاونتري د لميريكان، و منها خرجات أول ألبوم ديالها وسمّاتو "كية الغايب". هاجرات سعيدة فكري لميريكان ف 1997 و تمنعات من الرجوع بسباب لأغاني ديالها اللي كايهضرو على السياسة.[1] خدات سعيدة فكري لجنسية دلميريكان ف1998. رجعات فعام 2008 للمغريب باش تكمّل لميشوار ديالها من مورا ماترفع عليها لمنع.[1]
فكري بان الميول ديالها للموسيقى من وهي صغيرة، و والديها لاحظو هاد الشي بكري، و بدا الموضوع غير ب التغريد ف الليل، و من بعد بان فـ أول أغنية كتبّاتها و هي عندها 12 عام، و كانت بعنوان "الأيام قاسية الأيام".
تعلّمات بزاف ديال النواع لموسيقية، من الكونتري حتى للأغنية المغربية.[2]
كاتهضر سعيدة فكري ف لأغاني ديالها على لهموم ديال الشباب و داكشي لي باغين يوصلو ليه، وعلى لحوب و السالام و لعنصورية و لفساد. و كاتهضر حتى على لفاميلة و الصداقة و لحريّة. الستيل ديال سعيدة فكري مبني على اللي كايعيشو لمغريبي ف نهارو، و كاتغني ب الدارجة و تاريفيت و لعربية، و كاتخلط معاهوم لفرانساوية و حتا نݣليزية.
قالت فكري ف حوارات بلّي الفن ديالها كامل جا من تجارب و حوايج عاشاتهم ف صغرها و شبابها، كيفاش تفرّقو والديها، و كيفاش كانت خدامة ف الصيف باش تجمع شوية ديال الفلوس و تكمل قرايتها، حيث كانت جاية من عائلة بسيطة و متواضعة.[3]
- يا جبال الريف
- یس یتریت؟ (تاريفيت)
- سولوني على العذاب
- سرحت في نجوم الليل
- اولاد الدوار
- داوي الجراح
- تمنيت نقول
- مصباح الوادي
- ندمانة
- حكاية المراية
- 1 2 "SAIDA FIKRI BIOGRAPHY". Archived from the original on 12 أكتوبر 2007. Retrieved 6 فبراير 2014.
- ↑ yassine (2020-04-12). "فكري: الريف تعرض للتهميش .. والمعاناة تنجب فنانين مبدعين". Hespress - هسبريس جريدة إلكترونية مغربية (ب العربية). Retrieved 2025-10-19.
- ↑ yassine (2020-04-12). "فكري: الريف تعرض للتهميش .. والمعاناة تنجب فنانين مبدعين". Hespress - هسبريس جريدة إلكترونية مغربية (ب العربية). Retrieved 2025-10-19.
 |
ويكيميديا كومنز عندا تصاور و معلومات على سعيدة فكري. |
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |