نعمان لحلو

من ويكيپيديا
نعمان لحلو
معلومات عامة
زيادة 1965 (58/59 عام)
فاس
لجنسية لمغريب
لحرفة ملحّين
لّوغات لي كيعرف عربية و لوغات أمازيغية
Musicbrainz: 52c6e360-a2af-4680-8ff4-dbb61c445824 Discogs: 1240138 Allmusic: mn0000459330 Modifica els identificadors a Wikidata


نعمان لحلو (تولد ف 1965 ف فاس)[1] ملحن و مؤلف و باحت و مغنّي مغريبي. تعرف لحلو بلغنا ديالو على لمغريب ولمناطق ديالو كاملة. عندو تسعود د لأغاني على تسعود د لمدون مغريبية. عاش نعمان لحلو واحد لوقت ف لميريكان (ملّي دار 19 لعام مشا يعيش ف فلوريدا)، و ف مصر، و خدم مع بزاف د لفنانا معروفين بحال محمد عبد الوهاب، وديع الصافي و زياد الرحباني.

حياتو[بدل | بدل لكود]

دخل عالم الموسيقى والفن ف لعمر ديال خمس سنين بواحد لڭيطار جاتو كاضو، و من بعد مشا وهو ف عمر عشر سنين للمعهد الموسيقي ف فاس. و موراها بشي سنين دوزها مع ڭروب موسيقي ديال الأندلسي وخدا الليصونص، موراها قرر يسافر  يستقر ف الميريكان و تما عاش ف أورلاندو ف فلوريدا. و موراها تحرك ثاني ل ميامي حيث كان كيغني ويعزف على آلة العود ف الرواق المغربي ف وولت ديزني. من تما مشا ثاني ل لوس أنجيليس فين تلاقى بالموسيقار محمد عبد الوهاب اللي عجبو صوتو و الموهبة اللي كانت باينة و نصحو يريح و  يستقر ف مصر.[2]

و بالفعل تحرك نعمان باش يستاقر و يعيش ف مصر. من هنا بدات المسيرة ديالو الفنية، و بزربة ما تشهر كمطرب و ملحن ف الراديو والتيلفزيون و ف دار الأوپيرا. رجع نعمان الحلو من التجربة ديال مصر لاحتراف الموسيقى ف بلادو المغرب، وكانت أول الأعمال ديالو واحد الأغنية سميتها جبال الأطلس اللي غناها مع المغنية لطيفة رأفت، و عرفات هاد الأغنية نجاح كبير.

الجوائز[بدل | بدل لكود]

ف عام 2015 توشح  بمناسبة الذكرى ال52 لميلاد مليك المغريب محمد السادس ف قصر مرشان ف طنجة، بالوسام ديال المكافأة الوطنية من درجة ضابط خلال الإحتفالات ب عيد الشباب.[3]

لأغاني ديالو[بدل | بدل لكود]

نعمان لحلو خدّام مع لابيلز Labels بحال: يان فرانس و ساما ماستر. ف فترة كورونا، دار أغنية جديدة كتغني على الجايحة. ف الجانب ديال التأليف ، لحلو ألف أغاني ل مغنيين بحال : فؤاد زبادي، نعيمة ساميح، لطيفة رأفت. وآخر لحن لحنو و غناه الفنان وديع الصافي بالعنوان ديال عهد المحبين، حاليا نعمان لحلو عندو برنامج ديال الغنا و الثقافة ف دوزام سميتو " Pianissimo".[4]

نعمان لحلو عندو بزاف د لأغاني معروفة، منها:[5]

أغاني الفنان: نعمان الحلو الوقت
سعادة الوزير              3:06 
المدينة القديمة               6:33
شفشاون        3:04
بلادي        3:16
جبال الأطلس مع لطيفة رأفت 9:05     
وحداني 3:40
القوارب 4:21
صباح بلادي 3:17
يوم العيد 2:13
لقليب رمادك 3:22
رغم الغياب 11:39
المدينة القديمة 2 6.32
الله أكبر 3:40
رحمة 5:02
راضية 3:59
الما 5:04
لغادي لبلادي 3:41
تفيلالت 4:18
يوم العيد   2:13
الجيوكندا 4:31
شوين كان 0:48

عيون لكلام[بدل | بدل لكود]

  1. ^ "Biographie" (ب لعربية ولفرانساوية). مأرشيڤي من لأصل ف 2019-04-27.
  2. ^ "الموسيقار المغربي نعمان الحلو سفير الموسيقى المغربية الأندلسية إم بي سي". مأرشيڤي من لأصل ف 2016-09-23.
  3. ^ "بحضور العاهل السعودي.. الملك محمد السادس يوّشح سعد لمجرد والحسين الجسمي وهاني شاكر". مأرشيڤي من لأصل ف 2015-08-22.
  4. ^ "Pianissimo.. برنامج نعمان لحلو الذي بفضله ستحبون الموسيقى. السبت والأحد مساء". 2023-01-07.
  5. ^ "أغاني الفنان : نعمان الحلو".
هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.