الصويرة
الصويرة
| ||||
|
الصويرة (ar) | ||||
.jpg) | ||||
| لبلاصة | ||||
| لبلاد | لمغريب | |||
| لإقليم | إقليم الصويرة | |||
| لإدارة | ||||
| لعمدة | أسماء شعبي | |||
| السكان | ||||
| شحال دالسكان | 70,000 (2004) | |||
| شحال دلفاميلات | 20,290 (2014) | |||
| لجغرافيا | ||||
| لميساحة | 90 كم² | |||
| لعلو | 11 م | |||
| خط الطول بـ ° | -9.7620821 | |||
| خط لعرض بـ ° | 31.510947 | |||
| معلومات خرين | ||||
| السيت الرسمي | communeessaouira.ma… | |||
| الرمز لجغرافي | 2549263 | |||
| لخريطة | ||||
 | ||||
الصويرة (لوغات لأمازيغية: ⵜⴰⵚⵚⵓⵔⵜ، تاصّورت) مدينة مغريبية جات على جنب لمحيط لأطلسي ف جهة مراكش آسفي، ساكنين فيها 77.118 واحد، على حسب لإحصاء لعام 2014.
على حساب محمد شفيق، الصويرة ف لأصل كانت سميتها "أماڭدول" ولّا "أموڭدول" لي جات من "موڭادير" (مولات السور)، و هادشي كيفسّر السمية لي تطرجمات ل لعربية و الداريجة ب "السويرة" لي تحرّفات ل "الصويرة". السمية لبرطقيزية "موڭاضور" Mogador جات من السمية لأمازيغية لأصلية.[1]
لمدينة تأسسات ب أمر من السلطان لعلوي محمد التالت بن عبد الله، و بدات لخدمة عليها من عند لمعماريين طيوضور كورنوت و حمد النڭليزي، لي ف لبني ديالها خدّمو محابسيا فرانساويين، لي كانو تقبطو ف لبعتة د لعرايش ف 1765. الديزاين ديالها تدار باش يمشي معا لمتطلبات ديال التجار لأجانب، و من داك لوقت بقات لمدينة كاتوسع، و عرفات زديهار كبير. الصويرة كانت أهم مرسى تجاري، و لعاصيمة ديال الديپلوماسية ف لمغريب مابين اللخر د لقرن 18 و اللخر د لقرن 19.
لمدينة لقديمة د الصويرة هي لبلاصا لقديمة ݣاع ف الصويرة فيها و لي كانت تتسما موݣادور شحال هادي و دخلات ل الليستة د ليونيسكو د الترات لعالمي ف 2001.
الصويرة معروفة بالرياح لمجهدة، ومن هنا جا اللقب تاعها مدينة الرياح. هاد الرياح هي لي تاتجدب الناس باش يستمتعو برياضة ركوب لمّاج (السورف) ف لپلاجات تاعها.[2]
الصويرة كاتّعتابر مدينة مغريبية و جماعة ترابية حضرية كاينة ف إقليم الصويرة، جهة مراكش آسفي، ساكنين فيها 77118 واحد، على حسب لإحصاء لعام 2014.[3]
- نسبة لأمية (نّاس لّي ما كايعرفوش يقراو ولا يكتبو) : 22,1%
- نسبة سّكان لّي قاريين فوق الليسي (ليسي و جامعة): 24,4%
- نسبة نّاس نّشيطين (لّي يقدرو يخدمو): 52,5%
- نسبة لبطالة (نّاس لّي ما خدامينش و تايقلبو على خدمة): 17,4%
- نسبة نّاس اللي خدامين ف دّولة (ولا لبيطاليين اللي سبق ليهوم خدمو): 17,3%
- نسبة نّاس اللي خدامين ف لپريڤي (ولا لبيطاليين اللي سبق ليهوم خدمو): 43,6%
كاين واحد لعدد كبير ديال لمعاليم د لمغريب ف لمدينة لقديمة د الصويرة و هادشي علاش دخلات ف الليستا د التراث العالمي د ليونيسكو ف 2001.[4]
مهرجان ڭناوة هو واحد لمهرجان سنوي تايتنضم كلا عام ف مدينة الصويرة. بدا هاد المهرجان ف اللول ب كرناڤال شوارع لمدينة لقديمة، قدّمو فيه بزاف تاع لڭروبات لموسيقية بحال ڭناوة، عيساوا، و أحواش، أغاني تقليدية وسط لجمهور. كيفما تكرم عازف لپيانو رودي ويستون و لفنان لمغربي "لمعلم" أحمد العرايشي.[5]
- لمدينة لقديمة: لمدينة لعتيقة ولا لمدينة لقديمة د الصويرة ولا موڭادور. تزادت لليستة تاع مواقع التراث لعالمي ف لمغرب سنة 2001، فاش تسجلات ف مواقع التراث لعالمي تاع منظمة ليونيسكو. و تاتعتابر مدينة الصويرة مثال تاع مدون د لقرن السبعطاش لمحصنة ف لمغرب و ف شمال إفريقيا على حساب لأسس لهندسية لعسكرية ديال داك العصر. و موضيل تاع التمازج د لهندسة لأوروپية و لإسلامية ف داك لعهد، و من نهار تأسات تعتابرات مرسا تجاري دولي تايربط لمغرب و الصحرا و أوروپا و لعالم الجديد و بقية لعالم.
- ↑ محمد شفيق (1999). الدارجة المغربية، مجال توارد بين الأمازيغية و العربية (PDF) (ب لعربية ودّاريجة). الرباط: أكاديمية المملكة المغربية. ص. 56. Archived from the original on 2023-06-17. تطّالع عليه ب تاريخ 2025-01-14.CS1 maint: unfit url (link)
- ↑ "الصويرة.. مدينة الرياح". web.archive.org. 2020-01-18. Archived from the original on 2020-01-18. تطّالع عليه ب تاريخ 2023-12-06.CS1 maint: unfit url (link)
- ↑ "RGPH 2014 - Site HCP". مأرشيڤي من لأصل ف 2023-07-02. تطّالع عليه ب تاريخ 2020-01-26.
- ↑ "Medina of Essaouira (formerly Mogador) - UNESCO World Heritage Centre".
- ↑ "مهرجان "كناوة" بالصويرة.. موسيقى روحية تسعى لاعتراف اليونسكو". web.archive.org. 2020-11-28. Archived from the original on 2020-11-28. تطّالع عليه ب تاريخ 2023-12-06.CS1 maint: unfit url (link)
 |
ويكيميديا كومنز عندا تصاور و معلومات على الصويرة. |
 هادي زريعة ديال مقالة خاصها تّوسع. تقدر تشارك ف لكتبة ديالها. |