أݣادير
أݣادير
| ||||
|
ⴰⴳⴰⴷⵉⵔ (shi)
| ||||
| ||||
مدينة أݣادير بالليل
| ||||
| تاريخ التأسيس | 1505 | |||
| لبلاصة | ||||
| لبلاد | لمغريب | |||
| لإقليم | عمالة أݣادير إداوتنان | |||
| لإدارة | ||||
| لعمدة | عزيز أخنوش (24 شتنبر 2021) | |||
| السكان | ||||
| شحال دالسكان | 538,000 (2023) | |||
| شحال دلفاميلات | 105,057 (2014) | |||
| لجغرافيا | ||||
| لعلو | 74 م | |||
| خط الطول بـ ° | -9.58333 | |||
| خط لعرض بـ ° | 30.41667 | |||
| معلومات خرا | ||||
| توقيت ديال لمدينة | التوقيت د وسط أوروپا | |||
| السيت الرسمي | agadir.ma | |||
| الرمز لجغرافي | 2561668 | |||
| لخريطة | ||||
| ||||
أݣادير هي مدينة كبيرة فالمغريب وجات تقريبا فالوسط ديال الساحل الأطلسي المغربي ، كاينة فعمالة أݣادير إداوتانان ؤ هي لعاصمة ديال جهة سوس ماسة. الناس ديال أݣادير أمازيغ كيهضرو بتَاشلحِيت.
أݣادير هي واحد من لمراكز لحضرية ف لمغريب. لبلدية د أݣادير مسجلة ساكنة تعداد ديالها 924.000 فلإحصاء ديال 2014. حسب لإحصاء ديال 2004, كانو 346.106 ديال السكان فداك لعام و 487.954 ديال سكان فلعمالة ديال أݣادير إداوتنان.
لغات للي كايهضرو بها ف أݣادير هي: تاشلحيت (لوغة لولة ديال لأغلبية), دارجة و لفرانساوية.
لمدينة تدمرات بواحد زلزال ف1960. تعاودات تبنات كولها بمعايير زلزالية إجبارية. هي دابا أحد أكبر المنتجعات لبحرية فلمغريب, للي كايجيو ليها عدد كبير من سياح لأجانب وداخليين للي كاعجبهوم لجو ديالها زوين على مدار سنة.
مقالة متعمقة: إݣودار
أݣادير هي واحد الكلمة من الأمازيغية للي تتعني "لمخزن لمحصن".[1]
كاين بزاف ديال لمدن فلمغريب سميتهم أݣادير. سمية لكاملة ديال أݣادير بتاشلحيت هي أݣادير ن يغير (ⴰⴳⴰⴷⵉⵔ ⵏ ⵢⵉⵖⵉⵔ), حرفيا لحصن ديال تلة (the fortress of the cape), زعما على حساب لخليج لي حداها. إيغير بتاشلحيت كايقصدو بيها كدية ولا جبل. تسمّات أݣادير ببزاف ديال السميات بحال أݣادير لْعَرْبا، لعين لْعَرْبا، فونتي، تِݣْمّي أوݣادير لْعَرْبا، تِݣْمي أورومي، و تسمّات يامات لاستعمار البردقيزي ب سانتا كروز دو كابو دي أݣير.[2]
الناس ديال أݣادير كايتسمّاو بتاشلحيت ݣ أوݣادير ، بلجمع آيت أوݣادير. لمؤنت ديالها هو أوت أوݣادير، بلجمع إست أوݣادير.
تاريخ ديال أݣادير لمسجل قبل لقرن 12 مامعروفش عليه بزاف.
أقدم دكر ل أݣادير فلخرائط كايرجع لعام 1325. مع نهاية ديال لقرون لوسطآ أݣادير ولات مدينة مشهورة ومعروفة.
ف1505, لبرطقيز للي كانو ديجا مأنسطاليين ف ساحل لمغريبي, أسسو واحد لمقر تجاري ف تلة, سميتو Santa Cruz do Cabo de Aguer فلبلاصة لي معروفة دابا ب فونتي, وكان عندها حاكم.
لبرطقيز ماطولوش بزاف حيت كانو ديما كايهجمو عليهم لقبائل لمحلية. من 1530, كانو محاصرين ف سانتا كروز. ضعق لبرتغالي بين راسو ف 12 مارس 1541 فاش سلطان سعدي محمد الشيخ شد لحصن ديال سانتا كروز دي أݣير. 600 برطقيزي لي بقاو عايشين خداوهم ك أسرى, من بينهم لحاكم, Guterre de Monroy، وبنتو Dona Mecia, لي راجلها تقتل فلمعركة, ولات زوجة ديال محمد الشيخ لكن ماتت فلولادة سنة 1544. فنفس سنة, محمد الشيخ غادي يطلق Guterre de Monroy, للي ولا عشيرو.
من مورا ما لبرطقيز مشات ليهوم أݣادير, بداو كايخسرو بلايص أخرين, بحال أزمور و آسفي. من مورا 1550, لبرطقيز ما بقاو كايكسابو والو فلمغريب من غير مازاݣان (الجديدة), طنجة و سبتة.
فعام 1540, غادي يبني السلطان محمد الغالب لقصبة د أݣادير أوفلا بعدما شد لحكم مورا محمد الشيخ السعدي. كانت كتسما هاد لقصبة بأݣادير ن يغير, للي كاتعني حرفيا لحصن ديال التلة بتاشلحيت.
فلقرن 17, تحت لحكم ديال السلالة لأمازيغية ديال تازروالت, أݣادير كانت ميناء عندو أهمية كبيرة, وكانت عندو تجارة مع أوروبا. أݣادير كانت كاتاجر أساسا فالسكر, شمع, نحاس وجلد. لأوروبيين كانو كايجيبو سلعة ديالهم, للي غالبا ما كاتكون سلاح ولا نسيج. احا لحكم ديال لإمبراطور مولاي سماعيل وللي جاو موراه, تجارة مع فرنسا, للي كانت شريك تجاري نشيط تراجعات وخداو بلاصتها النݣليز ولهولانديين.
ف1731, لمدينة تدمرات كليا بسباب زلزال. لميناء ديال أݣادير ديك ساع تسد فاش الصويرة تبنات فشمال ديالها.
ف1911 كانت أزمة أݣادير بين فرانسا و ألمانيا ، حيت ألمانيا غادي تصيفط واحد لباطو حربي للسواحل ديال أݣادير و دارت السبة بلي باغية تحمي لالمانيين لي ساكنين فأݣادير و لكن فالواقع ألمانيا بغات تستاعمر أݣادير. غاتسالي هاد لموشكيلة بعدما عطات فرنسا واحد شوية من الݣابون و الكونݣو لألمانيا.[3]
ف1960, زلزال خايب ضرب لمدينة خلا موراه 15.000 ميت و تدمرات تقريبا أݣادير كاملة.[4]
ساكنين فيها 420،288 نسمة، على حسب الإحصاء العام 2014.[5]
- نسبة الأمية : 17,9%
- نسبة السكان اللي قاريين فوق الثانوي (ثانوي وجامعة): 27,6%
- نسبة الناس النشيطين (اللي يقدرو يخدمو): 50,8%
- نسبة البطالة: 17,2%
- نسبة الناس اللي خدامين في الدولة (أو العاطلين اللي سبق ليهوم خدمو): 14,1%
- نسبة الناس اللي خدامين في القطاع الخاص (أو العاطلين اللي سبق ليهوم خدمو):58,8%
- ركبة ل أݣادير Ride to Agadir: غنية ديال مايك باط، لي غناوها من بعد تا موغنين خرين بحال بوني م.
- أݣادير Agadir: رواية ديال لكاتب لمغريبي محمد خير الدين
-
هاد التصويرة تصورات من أݣادير أوفلا -
خريطة ديال المدينة عام 1885 -
دخلة ديال لقصبة
- ^ K. Naït-Zerrad, Dictionnaire des racines berbères, Ḍ-G, Louvain: Peeters, 2002, p. 734.
- ^ "ما يجب أن تعرفه عن "أغادير" أجمل مدن سوس المغرب". نون بوست (ب لعربية). 2018-09-13. مأرشيڤي من لأصل ف 2022-12-02. تطّالع عليه ب تاريخ 2022-07-03.
- ^ "The Agadir Crisis of 1911". History Learning Site (ب نڭليزية). مأرشيڤي من لأصل ف 2023-04-07. تطّالع عليه ب تاريخ 2022-07-03.
- ^ "AGADIR EARTHQUAKE". مأرشيڤي من لأصل ف 2021-02-27. تطّالع عليه ب تاريخ 2022-07-03.
- ^ "RGPH 2014 - Site HCP". مأرشيڤي من لأصل ف 2023-07-02. تطّالع عليه ب تاريخ 2020-01-04.
|
تقدر تزيد شوف بزاف د تّصاور و لمعلومات ديال Agadir ف ويكيميديا كومنز. |