رجاء بلمليح
رجاء بلمليح
| ||
| معلومات عامة | ||
| زيادة | 22 أبريل 1962 الدار البيضا | |
| لموت | 2 شتنبر 2007 (45 عام) الرباط | |
| طريقة دلموت | موتة طبيعية | |
| سباب لموت | كونصير | |
| لجنسية | لمغريب لإمارات | |
| لحرفة | مغنية | |
| لّوغات لي كيعرف | عربية | |
| معلومات خرى | ||
| لألة | صوت | |
    | ||
رجاء بلمليح (خلاقت ف 22 أبريل 1962 ف رّباط و توفات ف 2 شتنبر 2007) مغنية مغريبية تشهرات ف لبداية ديالها ب غنيات عصرية ب لعربية لفصحى و من بعد ما هاجرات لمصر تشهرات بزاف ف دول لعربية، وكاتعتابر من أهم لمغنيات لمغريبيات لّي كان عندهوم نجاع عالمي واخا كانت عندها كاريير قصيرة.[1][2]
رجاء خلاقت ف رّباط ف 1966 و كانت لبدية ديالها ف لموسيقى مع لمسابقة لكبيرة د أضواء المدينة لّي نظمها لمغريب ف تمانينات لفرن لعشرين باش يقلب على لمواهب ف لغنا و لموسيقى و لمسرح. رجاء كانت دات لمرتبة لّولا ف ديك لمسابقة.
ف لمرحلة لمغريبية ديالها، خدمات رجاء مع كتاب كلمات كبار بحال محمد لجاي و عبد الرفيع الجواهري و مع أحسن لملحنين لمغاربة لّي ميزو لفترة دهبية ديال لموسيقى لمغريبية لعصرية ف نّص تاني د لقرن لعشرين بحال لمفضل لعذراوي و أحمد لبيضاوي و عبد القادر الراشدي و عبد الله عصامي و حسن القدميري.
أول ألبوم ديال رجاء كان ف 1987 (يا جار وادينا) و لّي كانت فيه غنيات ديالها لّي بقاو مخلدين ف تاريخ لأغنية لمغريبية و لّي كايجمع بينها هو أنهوم كانو ب لعربية لفصحى: يا جار وادينا، مدينة العاشقين، الحرية و أطفال الحجارة.
من بعد هاجرات رجاء ل ميصر باش تزيد تلونصي لكاريير ديالها و تما خدمات مع ملحنين كبار و كان أهم واحد فيهوم هو حميد الشاعري لّي خدم معاها أول ألبوم لّي نجحات بيه بزاف ديال "صبري عليك طال" و كملات من بعد ب ألبومات ناجحة بحال "يا غايب" و "اعتراف" لّي خدمات فيهوم مع ملحنين مصريين كبار بحال صلاح الشرنوبي و حلمي بكر و محمد ضياء و جمال سلامة.
ف 1999 عطاتها ليونيسيف تّيتر ديال "سفيرة النوايا الحسنة".
تصابت ب مرض لكونسير لّي بيه ماتت ف 2007 و هي عندها 45 عام.
- ↑ "فى ذكرى وفاتها الـتاسعة.. 6 معلومات عن حياة "رجاء بلمليح"". Archived from the original on 2020-07-20. Retrieved 2020-03-21.
- ↑ "رجاء بلمليح.. غادرت الحياة وظلت ترفض «متاجرة» الإعلام بمرضها".
| بازدونيات د الضبط لمخازني: فنانين |
|---|
