فتح الله لمغاري
فتح الله لمغاري
| ||
| ||
| معلومات عامة | ||
| زيادة | 1 يناير 1940 فاس | |
| لموت | 3 شتنبر 2022 (82 عام) الرباط | |
| لجنسية | لمغريب | |
| لحرفة | ملحّين، كتاتبي د لأغاني و مغني | |
| لّوغات لي كيعرف | عربية و الداريجة لمغريبية | |
| معلومات خرى | ||
| ستيل | موسيقى مغربية و موسيقى عربية | |
فتح الله لمغاري (مزيود ف 1940 ف فاس، توفّا ف 3 شتنبر 2022) موغني و مولحّين و كاتب كلمات د لأغاني مغريبي، لي كيتّعتابر من رواد لموسيقا ف لمغريب. عندو بزاف د لأغاني لمشهورين عند لمغاربا بحال "رجال الله" و "كاس لبلار" و ضاعت لي نوارة". ولاكين يمكن أشهر وحدة هيا "نداء لحسن" لي دارها مور لإعلان د لماليك لحسن تّاني على لمسيرة لخضرا ف 1975.[1]
كبر فتح الله لمغاري ف وسط عائيلة مهتمة ب لموسيقا. بعدما شد لبكالوريا ف 1958 من ليسي مولاي دريس ف فاس، لتاحق ب لمدراسة لإدارية، ؤ موراها خدم ف وحدة من لمؤسسات ديال مكتب لأبحات ؤ لمساهمات لمعدنية ؤ ولا كاضر فيها.[2]
كاينين بزاف د لموغنين لي كتب و لحّن ليهوم لمغاري، بحال لطيفة رأفت و عبد الهادي بلخياط، بحال "في قلبي جرح قديم" لي غنّاها بلخياط.[3]
- لي بنيتو راه الريح دّاه[4]
- يلا سد الله باب يفتح بواب
- الله يكمل رجاك
- في قلبي جرح قديم
- الصنارة
- مغيارة
- موحال ينساك لبال
- كاس لبلار
- ضاعت لي نوارة
- نداء لحسن
- خسارة فيك غرامي[5]
- كاس لبلار
- ضاعت لي نوارة
- و الله ما نتا معانا
- الله على راحة
- رجال الله
- ^ "رحيل الفنان المغربي فتح الله المغاري". 4 شتنبر 2022. مأرشيڤي من لأصل ف 6 دجنبر 2022.
- ^ "Fathallah Lamghari : Le chantre de l'amour malheureux". fnh.ma (ب لفرانساوية). 2022-09-22. مأرشيڤي من لأصل ف 2023-03-31. تطّالع عليه ب تاريخ 2022-10-02.
- ^ "وفاة الفنان المغربي فتح الله المغاري عن عمر 82 عاما". 4 شتنبر 2022. مأرشيڤي من لأصل ف 4 شتنبر 2022.
- ^ "Fath Allah Lamghari, discography". مأرشيڤي من لأصل ف 2022-10-06. تطّالع عليه ب تاريخ 2022-10-02.
- ^ "فتح الله المغاري: "الله يكمل رجاك" ولدت على ضوء شمعة". 11 يوليوز 2016. مأرشيڤي من لأصل ف 2022-10-06. تطّالع عليه ب تاريخ 2022-10-02.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |