نعيمة سميح
نعيمة سميح
| ||
| ||
| معلومات عامة | ||
| زيادة | 1953 درب السلطان | |
| لموت | 8 مارس 2025 (71/72 عام) الرباط | |
| لجنسية | لمغريب | |
| لحرفة | مغنية و فنانة موسيقية | |
| لّوغات لي كيعرف | عربية | |
| معلومات خرى | ||
| ستيل | موسيقى مغربية و موسيقى خليجية | |
| لألة | صوت | |
    
| ||
نعيمة سميح (خلاقت ف 1953 ف دّار لبيضا و توفات ف 8 مارس 2025 ف الرباط[1]) هي مغنية مغريبية. هي من أهم لمغنيات لمغريبيات ف ستيل ديال لموسيقى لعصرية لمغريبية، بدات لمسيرة ديالها ف سّبعينات د لقرن لعشرين و غنات بزاف د لأغاني لّي نجحو ف لمغريب و عندها شعبية كبيرة برا لمغريب و ب دّات ف دزاير و تونس و لمشريق.
نعيمة بنت درب السلطان، من عائلة أصلها من لجنوب د لمغريب، ف كازا و كبرات ف حومة بوشنتوف. كان درب سّلطان ف ستّينات نشيط بزاف تقافيا، و خرّج بزاف ديال سّميات ف لمجالات د لموسيقا و رّياضا و لأداب. نعيمة بانو لمواهب ديالها ف لغنا ف سن صغيرة حيت بدات كاتغني و هي عندها 9 سنين.
نعيمة ما كملاتش قرايتها، وقفات ف شّهادة لبتيدائية، و ما قراتش لموسيقى و كانت خدامة ف لحلاقة و تّجميل و كان عندها صالون ديالها خاص. كان عزيز عليها لغنا و كان لواليد ديالها ضد أنها تولي مغنية. واخا هاكاك بقات نعيمة شادة ف لحلم ديالها و شاركات ف برامج ديال لمواهب لّي كانت كاتنضمهوم لإيداعة وتّلفزة لمغربية. أول برنامج بانت فيه كان "خميس الحظ" لّي كان كايقدمو محمد لبوعناني غير هو فين بانت مزيان كان ف برنامج لمسابقات "مواهب" ديال عبد النبي الجيراري لّي خرج واحد لجيل متميز ديال لمغنيات بحال سميرة بنسعيد و عزيزة جلال.
كان لواليد د نعيمة متبع لمسيرة ديالها و شرط عليها أنها تغني غير ف لموسيقى لعصرية و تخدم مع كتاب كلمات و ملحنين ف أغاني معقولة ب كلمات محترمة. هاد لمراقبة د لواليد ديالها صعبات عليها ف لّول لمسيرة ديالها و لّي سهل عليها لقضية كانو تّدخلات ديال ملحنين وصحفيين كبار بحال محمد بنعبد السلام و محمد البوعناني و خالد مشبال لّي دواو مع لواليد ديالها و توسطو ليها حيت كانو مآمنين ب لموهبة لكبيرة ديالها.
و هاكدا خرجات أول غنية ديالها "نوارة" لّي نجحات بزاف و تبعوها غنيات خرين لّي نجحو و ولاو من لخالدات د لأغنية لمغريبية بحال "الله عليها قصارة" و "ياك أجرحي" لّي كتبها زّجال لكبير علي الحداني.[2]
- ^ شكري، زينب (2025-03-08). "وفاة الفنانة المغربية نعيمة سميح بعد صراع طويل مع المرض". العمق المغربي (ب لعربية). تطّالع عليه ب تاريخ 2025-03-08.
- ^ "سيدة الطرب المغربي تفتح قلبها لـ"المغربية" على امتداد شهر رمضان".
|
تقدر تزيد شوف بزاف د تّصاور و لمعلومات ديال Naima Samih ف ويكيميديا كومنز. |