رشيد بن الشريف

هادي مقالة على سلطان علوي. ل معاني وحدين خرين، شوف مولاي رشيد (توضيح).

رشيد بن الشريف
معلومات عامة
زيادة	1631 تافيلالت
لموت	9 أبريل 1672 (40/41 عام) مراكش
طريقة دلموت	موت عرضي
سباب لموت	طيحة من لعود
لجنسية	لمغريب
لحرفة	سياسي
لّوغات لي كيعرف	عربية
لفاميلة
لواليد	الشريف بن علي
خوت	مولاي سماعيل و محمد بن الشريف

مولاي رشيد بن الشريف (مزيود ف 1631 ف تافيلالت، مات ف 9 أبريل 1672 ف مراكش) هوا أول سلطان د لعلويين. قدر باش يوحد لمغريب ف لوقيتة لي كان مقسم فيها.

حياتو

باه هو مولاي علي الشريف لي كانو بايعوه الناس ديال تافيلالت أمير عليهم. فديك لوقت كانت الدولة السعدية ولات ضعيفة و النفود ديالها مابقاش فايت مراكش. و لمغريب ولا مقسم ل دويلات صغيرة بحال الزاوية الدلائية للي كانت حاكمة فاس و زاوية إليغ لي شادة سوس. و بزاف من لمدن الساحلية د لمغريب ولاو حاكمينها الصبليون ولا البرطقيز بحال الجديدا (مازاݣان) و الصويرة (موݣادور). من بعد لموت د مولاي علي الشريف ورتو محمد بن الشريف لخو لكبير ديال مولاي رشيد و مولاي سماعيل. من بعد ما خوه ولا حاكم تافيالات مولاي رشيد خواها و مشا ل لأطلس. ومن بعد سافر ل فاس و منها ل تازة و وجدة. و يقدر يجمع و يتحالف معا عدد د لقبايل د الشرق بحال بني يزاسن. ب هاد الجيش قدر يتواجه معا خوه محمد بن الشريف و لي مات ف معركة ضدو. من بعد لموت ديال محمد لأتباع ديالو ف تافيلالت بايعو مولاي رشيد. من بعد مولاي رشيد رجع ل تازة و من تما كان علن على نيتو ديال توحيد لمغريب، ولاكين ولد خوه محمد الصغير تمرد ضدو ف سجلماسة فا رجع تما و رجع تافيلالت ل سّلطة ديالو. مي بعد بايعوه قبايل الريف من بعد ما نتاصر عليهم. و خدا فاس ف 1667 من محمد الحاج الدلائي و بالتالي حيد السلطة ل زّاوية الدلائية و من فاس تبايع كا سلطان د لمغريب. من بعد مولاي رشيد عين خوه مولاي سماعيل خليفة ديالو ف فاس و هبط ل لجنوب باش ياخد مراكش من أبو بكر كروم الحاج و سوس من زاوية إليغ. مولاي رشيد توفا من بعد ما طاح من على العود ديالو. من بعد ما قدر يوحد لمغريب من غير عدد د لمدون الساحلية لي بقات تحت لحكم د لؤروپيين قبل ما يجي خوه مولاي سماعيل و يرجع عدد منها من غير سبتة و مليلية.

تقدر تزيد شوف بزاف د تّصاور و لمعلومات ديال Al-Rashid of Morocco ف ويكيميديا كومنز.