وجدة

وجدة
‫وجدة‬ (ar) ⵡⵊⴷⴰ (tzm)
لبلاصة
لبلاد	لمغريب
لإقليم	عمالة وجدة أنݣاد
لإدارة
لعمدة	Mohamed Azawi (2021)
السكان
شحال دالسكان	506,224 (2024)
اللوغات	عربية
شحال دلفاميلات	134,330 (2024)
لجغرافيا
لميساحة	96.4 كم²
لعلو	470 م
خط الطول بـ °	-1.90681458
خط لعرض بـ °	34.67952307
معلومات خرين
نمرة التيليفون لمحلية	56
كود د لبوصطة	60000
السيت الرسمي	communeoujda.ma
الرمز لجغرافي	2540483
لخريطة

شارع محمد الخاميس

وجدة (بالامازيغية: ⵓⵊⴷⴰ) هيّا مدينة مغربية جات ف شمال شّرق ديال لبلاد ؤ كاينة ف عمالة وجدة أنݣاد. هاد لمدينة هيّا لعاصمة ديال جّهة شّرق ؤ أكبر مدينة فيها من ناحيت عدد السكان. لمدينة لاصقة ف لحدود بين لمغريب ؤ دّزاير، حيت بينها ؤ بين دّيوانا ديال زوج بغال غير 14 كلم، جات حدا جبال بني يزناسن ؤ بعيدة ب 60 كلم على سّاحيل ديال لمتوسط. ف لعام 1994 احتافلات وجدة ب ألف عام على تأسيسها ؤ ف 2018 تختارت عاصمة ديال التقافة لعربية. ؤ هي تامن أكبر مدينة ف لمغريب حيت ساكن فيها 494.252 نّاس على حساب إحصاء 2014.

سكان

بقات مدينة وجدة مدة طويلة مستقرة فيها قبائل زناتة، ومن بعد جات لقبائل لعربية مع بداية لفتح لإسلامي للمغرب. ومنين دخلات فروع قبائل بني هلال وسيطرات على لمنطقة فترات طويلة، وقعات صراعات كثيرة بسبب لفوضى ولاضطرابات مع سلاطين لمغرب من عهد الموحدين حتى العلويين. هاد شي خلا تنقلات ونزوح ديال قبائل خرين بسبب قوة عرب هلال.

أقدم إشارتين على سكان وجدة جاو عند أبو عبيد البكري والبيذق، ولكن البكري ما وضحش بضبط شكون كانت كتشكل ساكنة وجدة، غير وصف ناس ديالها بلي كانوا عايشين فنعمة وبان عليهم رفاهية.

وقال على وجدة بلي بينها وبين تلمسان ثلاث مراحل، وهي مدينة كبيرة ومشهورة وقديمة، عامرة بلبساتين ولجنان وزراعات ولمياه ولعيون، ولجو ديالها زوين ولمأكولات فيها مزيانة. وكان أهلها معروفين بنضارة لوجه والصحة الزوينة، ولمراعي ديالها من أحسن لمراعي للماشية، حتى كان كيتقال بلي بعض لغنم ديالهم فيها كمية كبيرة ديال الشحم، ومن صوفها كيديرو أكسية ما عندهاش بحال.

جغرافيا

وجدة كاينة فأقصى شمال شرقي ديال لمغريب، وعلى مساحة كبيرة، وعدد سكان ديالها حسب إحصاء 2006 وصل لحوالي 488 ألف نسمة. كاينة قريبة بزاف للحدود لمغريبية لجزائرية، حيت ما بينها وبين المركز الحدودي غير زوج بغال تقريباً 14 كيلومتر، وهاد شي كيعطيها طابع مدينة حدودية بمتياز. وحتى لبحر لأبيض لمتوسط ما بعيدش عليها، تقريبا 60 كيلومتر.

وجدة حتى هي عاصمة لجهة شرقية وفيها لمقر رئيسي ديال لجهة. كدوز منها اطريق لوطنية رقم 19 اللي كتمشي جهة فكيك، وطريق رئيسية رقم 6 اللي كتربط الدار البيضاء وفاس بوجدة ومن بعد للحدود لجزائرية.

وكتتمدد وجدة على مجال واسع، وكيتبعو ليها تمنية ديال لجماعات قروية: أهل أنكاد، عين صفا، بني خالد، إسلي، لبصارة، مستفركي، سيدي بولنوار، وسيدي موسى لمهاية. هاد لموقع خلا وجدة ديما عندها أهمية استراتيجية وتجارية كبيرة.

لجماعة لحضرية

لجماعة لحضرية د وجدة تابعة ل عمالة وجدة أنݣاد، جهة الشرق، ساكنين فيها 492.873 واحد، على حسب لإحصاء لعام 2014.

تعليم

• نسبة لأمية (نّاس لّي ما كايعرفوش يقراو ولا يكتبو) : 21%
• نسبة سّكان لّي قاريين فوق الليسي (ليسي و جامعة): 24,6%

قتيصاد

• نسبة نّاس نّشيطين (لّي يقدرو يخدمو): 45,4%
• نسبة لبطالة (نّاس لّي ما خدامينش و تايقلبو على خدمة): 26,2%
• نسبة نّاس اللي خدامين ف دّولة (ولا لبيطاليين اللي سبق ليهوم خدمو): 17%
• نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):46,9%

مصادر

ويكيميديا كومنز عندا تصاور و معلومات على وجدة.

هادي زريعة ديال مقالة خاصها تّوسع. تقدر تشارك ف لكتبة ديالها.