انتقل إلى المحتوى

محمد بن الشريف

من ويكيپيديا
محمد بن الشريف
معلومات عامة
زيادةعقد 1630
لموت2 غشت 1664 (19/29 عام)
طريقة دلموتقتل في المعركة
لجنسيةلمغريب
لحرفةعسكري
لّوغات لي كيعرفعربية
لفاميلة
لواليدالشريف بن علي
خوتمولاي سماعيل و رشيد بن الشريف
لإتنيةلعرب


سيدي محمد بن شريف بن علي بن محمد توفى في 2 غشت 1664 كان حاكم عربي ديال تافيلالت، لمغريب ما بين 1636 و1664. هو الخو الكبير د رشيد بن الشريف ؤ سماعيل بن شريف اول جوج سلاطين علويين حكمو المغرب. محمد خدا بلاصت باه مولاي الشريف بن علي مورى ما باه تنازل. تقتل في 2 غشت 1664 ف معركة ف سهل أنكاد على يد الجيوش ديال أخوه غير الشقيق مولاي رشيد.[1]

عاش السلطان محمد بن شريف في صراع طويل مع ناس زاوية الدلاء، اللي كانوا دايمن معارضين ليه، وهاد الناس وصفوه بعد وفاته بهاد الشكل:

“كان سيدي محمد اللول بحال الطير الحر ما كانش كيحس بالعجاج ديال الليل ولا بحر الصيف القاصح، وكان بحال النسر الذهبي اللي ديما كايجلس فوق الصخور. ماكانش كايهتم بالمال إلا ملي يقطع الريوس ديال بنادم. الشجاعة ديالو كانت مشهورة، وكان عندو قوة وصلابة: ماكانش شي حد يقدر يهزمو فالمواجهة المباشرة ولا يخليه يبطّل الدفاع من المواقف.”[2]

ف واحد من الحصارات ديال تابوعصامت، الناس قالو أن سيدي محمد حط يديه فوحدة من لثقابي اللي كانت فشي حيط من حيطان القلعة، و عدد كبير من جنودو قدرو يطلعو فوق الحيط حيت يديه كانت قاصحة وصحيحة. هاد الشي رواه محمد الإفراني ف نزهه الهادي، واللي حتى هو وصف سيدي محمد بأنه راجل سخي.[3][4]

بيوغرافي

[بدل | بدل لكود]

الحملات العسكرية

[بدل | بدل لكود]

وسط غروب سلالة السعديين، فـ 1631 سكان تافيلالت بايعو الأب ديالو مولاي الشريف كأمير ديال تافيلالت.[5][6] كانت هادي أول مرة لواحد من عائلة العلويين الفيلاليين باش يگلس فكرسي السلطة السياسية، وكانو حتى داك الوقت غير الزوايا الروحية ديال سجيلماسة.[7]

فعام 1633 عيّط مولاي الشريف، بات سيدي محمد، لصاحبو لحميم بو الحسن (أبولحسن علي بن محمد السوسي السملالي)، سيد على درعة وسوس[8]، باش يعاونو مع ناس رباط تافيلالت لي مابغاوش يعترفو بسلطة ديالو. وكانو ناس رباط تافيلالت كيعايطو لدالعياطيين. جاو بجوج عندهم، ولكن ماوقعاتش شي مقاتلة.[9] ناس رباط تافيلالت دارو جهد كبير باش يكسروا العلاقات القوية ديال الصداقة بين مولاي الشريف وبو الحسن. وجابت مجهوداتُهُم نتيجة حيث العلاقة بين بو الحسن ومولاي الشريف بدات كتفسد وزادو الأسباب ديال الخلافات بيناتهم.

سيدي محمد ما طاحش ف خططهم الدنيئة، وانتقم من سكان تابوعصامت عل لأعمال ديالهم فاش هاجكو فالليل وقتلو السكان فجأة.[10] كان مع 200 فارس بعدما دارو راسهم بلي غاديين فتجاه آخر و لكن رجعو وبدّاو الهجوم. لجنود ديالو دارو ثغرة صغيرة فالحيط اللي دخلو منها الحصن، وطلعو حتى فوق الحيط.[10][9] ملي دخلو، ذبحو جزء من لحامية اللي كانت ناعسة وسرقو لكنز ديالها. سيدي محمد علّم باه بالأسر ديال القلعة. ف النهار التالي، دارو زمارة ف الحصن فين مشا المولى الشريف مع الرجالة ديالو. من بعد الهزيمة ديالهم، خضعو سكان تابوعصامت لسلطة المولى الشريف واعترفوا بيه كحاكم ديالهم.[11]

مني سمع بو حسن بالهجوم على ناس تابوعصامت تحطم وتقلق بزاف. كتب لبوبكر، حاكم سجيلماسة، وأمرو يلقا طريقة باش يعتاقل مولاي الشريف ويصيفطوه للحبس.[12] الحاكم اللي كان مناصرو، نفذ الأمر وعتاقل مولاي الشريف وبعتو عند بو حسن ف سوس للحبس.[10] من عام 1635، بدا سيدي محمد كايجمع الجيش، والجنود بدأو كيلتحقو بيه تدريجياً من سجيلماسة والنواحي ديالها.[13] ولا الحاكم ديال تافيلالت بشكل فعلي من عام 1636. ملي كان باه محبوس، سيدي محمد كان كيوجد باش ينكل بسكان تابوعصامت ويقلع هد المشكل من جدورو. حاصر القلعة وقدر ياخدها نهائياً.

ف عام 1637، ملي سيدي محمد جْمع واحد السومة كبيرة ديال الفلوس شْرا الحربة لْبّاه ورجع لدارهم فسجيلماسة. ملي تحرر بّاه وبَعّد على سوس، بالفلوس الجْداد اللي جْمعهم من الهجوم ديالو الفايت على تابواسمت، كْمّل تْحضير الجيش ديالو للحرب. الظلم والجشع ديال رجال بو حسن على الناس ديال سجيلماسة خلا جميع السكان يتحالفو مع قضية سيدي محمد ويجيو يكبروا صفوف جيش ديالو. ملي كْمّلو تحضيرات الحرب، دعا رجالاه باش يخرجوا جميع أنصار بو حسن من سجيلماسة. رجالاه تابعوه حيت حتى هما كان عندهم الدافع بسبب سوء المعاملة اللي عانوا منها من طرف الناس ديال سوس. بعد مواجهات شرسة قدرو يخرجوا من سجيلماسة كل أنصار بو حسن.[14] هاد المعركة وقعت قبل شوية من توليه العرش.

لحكم

[بدل | بدل لكود]

البيعة ديال سيدي محمد كانت نهار 23 أبريل 1640، توج كأمير لتافيلالت.[15][16] مع التتويج ديالو، ما ضيعش الوقت، ومشى يحارب العدو القديم ديالو بوحسن، سيد درعة. من بعدما دارت معركة قوية بين الجوج جيوش، انتصر الأمير سيدي محمد وضم منطقة درعة للإمارة ديالو. لمغلوب أبوالحسن علي بن محمد السوسي هرب لإليغ فسوس. بعد أقل من عام، سيدي محمد مشى فحملة جيهت الشمال واحتل وجدة. المدينة كانت تحت السيطرة العثمانية، ومع السيطرة عليها ولى سلطان تافيلالت حيت وجدة هي مدينة إمبراطورية.[17] ف 1647، دار اتفاقية سلام مع العثمانيين ديال الجزائر اللي حددات حدود الدولتين فواد نهر تافنة.[18]

سيدي محمد خرج فحملة على الصحراء الشرقية وقدر يسيطر على إمارة توات ف عام 1652.[6] توات، مختلفة على سجلماسة، كانت واحة ما كيخلصلهاش الما سكانها رغم الجفاف. الناس اللي كانو عايشين ف توات كانو طورو تكنولوجيا الصرف اللي خلاتهم يستخرجو الما من المياه الجوفية. هادشي عطاهم مناعة ضد الجفاف. كذلك، توات كانت مزدهرة بتجارة العابر للصحراء، القوافل كانت كتوقف ف هاد الواحة قبل ما تكمّل طريقها للشمال نحو سجلماسة أو تلمسان. هاد الأسباب كانت كافية باش سيد محمد يطمع ف ضم توات اللي دارها أول مرة ف 1645 ومرة ثانية ف 1652 فديك الساعة عيّن كُتاب دائمين (quwaad بالعربية) فالواحة.[6]

خلال فترة حكمو تقاتل و تصادم بزّاف مع زاوية الدلاء، السلطنة د تافيلالت وولّاو الدلائيين أعداء لبعضياتهم فالمنطقة. ف عام 1646، من بعد الهزيمة ديالو ف معركة قدام القايد الدلائي محمد الحاج بن محمد بن أبوبكر، كان على سيدي محمد يتحمّل نهب سجيلماسة من طرف الجنود الدلائيين.[19] هاد اللحظة كانت أخسر لحظة ف حكمو. توقّف السّلام ولكن العلويين فقدوا أراضي بزّاف للدلائيين: المناطق اللي تحت جبل العياشي تعطاو للدلائيين بينما المناطق العليا بقاو عند العلويين ديال السلطان سيدي محمد.[20] ف معاهدة السلام، الدلائيين حلفو باش عمرهم ما يستعملو السلاح ضد رعاياهم الجدد و رجعو لديورهم. خاص بالذكر باللي أخو السلطان من الأب رشيد بن الشريف ملي كبر عاتب السلطان حيث خلا المدينة المقدسة ديال جدودهم تتدمّر على يد شي جنود أمازيغ. هادشي ولى نقطة البداية ديال العداوة الطويلة بياتنهم.

الدلائيين رحلوا من بعد ما دارو توقيع ديال الاتفاقية ديال الصلح. ولكن سيدي محمد خان هاد العهود حيت هاجم على الشيخ مغفير (سيد منطقة ولاد عيسى اللي تنازلو عليها للدّلاّئيين من بعد الاتفاقية ديال الصلح ديال ۱646) وخرق عهود أخرى اللي كان حلف يحترمها.[20] حيث بالنسبة لسيدي محمد، ما كان كيسوا والو للدّلاّئيين حيت هما لوثّو سجيلماسة التوارگة ديال الشرفاء. من بعد جابو ليه الدّلاّئيين رسالتهم اللي كيهددوه ويقولوا أنهم غادي يمشيو يهاجموه. ردا على هاد الرسالة ديال التهديد من الدّلاّئيين، سيدي محمد عبّر على باللي هما اللي أشعلو العافية ديال الحرب بأفعالهم. وقال باللي هاد الرسالة هي آخر خطوة ليه باش يدير الصُلح ولا غادي تبرزط الأمور للحرب. ورجعو الدّلاّئيين لدارهم، ولكن فـ ۱649 سيدي محمد بقا كيسخر من الاتفاقية ديال الصلح علانية. هاد الشي خلاه يستدعى من طرف الفاسيين اللي بايعوه، وقضى شوية ديال الوقت فـ فاس (جزء من الدولة الدلاّئية).[21] من بعدما سمع محمد الحاج الدّلاّئي باللي الفاسيين بايعوه سلطان، مشا غادي عليه ووقعات معركة حدا فاس بين الجنود ديال سيدي محمد والدّلاّئيين فـ دهر الرمكة نهار تسعود غشت، ۱649. انهزم سيدي محمد وفاسيين اللي كانو حلفاءه، ورجع ل سجيلماسة. من بعد الهزيمة ديالهم، اعترف الفاسيين بمحمد الحاج كزعيم ديالهم (وهو اللي غادي يولّي سلطان فقط فـ ۱659) ورسّل ولدو أحمد ولد الحاج كوالي ل فاس باش يرجّعين النظام. هو مات قبل الوالد ديالو، الزعيم، ولدك ولدو محمد ولد أحمد هو اللي خذا البلاصا ديالو كوالي.[22]

لحكم والوفاة

[بدل | بدل لكود]

مات الوالد ديال سيدي محمد، مولاي الشريف ف يونيو 1659 ف مدينة سجلماسة,[22] و من بعد الوفاة ديالو تم الإعلان عليه مرة أخرى كسلطان.[23] فديك اللحظة زادت العداوة بينو وبين خوه الصغير من النسب، مولاي رشيد لدرجة أن مولاي رشيد هرب من سجيلماسة حيت خاف على حياتو.[24] مولاي رشيد لقى الملجأ عند العرب ديال سهل أنكاد.

ف البداية ديال الستينات ديال القرن 16، كان المناخ السياسي ديال المغرب كيكون من ثلاثة الأقطاب ديال السلطة اللي كانو باغين يتحكمو فبعضياتهم: الدلاييون، الخدير غيلان ديال الغرب (ولا الريف الغربي) والعلويين ديال سيدي محمد. مات السلطان الدلائي محمد الحاج الدلائي ففس فستن و ستين ومية و ألف. [25] الدرعيدي اللي كان كيقود فرقة ديال الجنود الدلاييين، تعدا مع قبيلتو ونصّب راسو سلطان على فس. فستن وثلاثة وستين ومية وألف، ولّد السلطان الدلائي المتوفي حاول يرجّع المدينة ولكن ماقدرش، وكان هاد الشي بداية السقوط ديال الدلاييين. فالنصف الثاني ديال سة ثلاثة وستين ومية وألف، سيدي محمد دار مخيم فأزرو وفقيه فقهاء و شرفاء فس بايعوه. ولكن سكان فس دارو تحالف مع الدرعيدي باش يرفضو السلطة ديال سيدي محمد. الدرعيدي بغا يلغي البيعة ديال سيدي محمد من عند النخبة الفاسية ونجح فهاد الشي. [26] سيدي محمد رجع لسجيلماسة وكمل الحاكم ديالو على ترابو.

في عام 1659، مولاي رشيد اللي كان هرب من سيدي محمد، مشى تلقى الأنصار ديالو من العرب اللي ف سهل أنجاد وأعلن راسو سلطان ف عام 1664. الأنصار ديالو كانو خصوصا من المعقل وبني يزناسن. ملي عرف سيدي محمد بمكان أخوه والإنجاز المتمرد ديالو ف المناطق الشمالية[27][26]، علن الحرب ضد أخوه ومشى لسهل أنجاد باش يلقاه ف الميدان. المعركة بادت في 2 أغسطس 1664، ولكن منين بدأت، حتى تلقى سيدي محمد رصاصة ف الرقبة ديالو، توفى مباشرة بسبب هاد الإصابة. الجنود ديالو تقلبو ثم تقتلو أو تاسرو، ومولاي رشيد ربح المعركة. ملي لقى مولاي رشيد الجثة ديال أخوه، حطها ف ظهر حيوان ونقلها لعند بني يزناسن باش يدفنها[28]. كان حزين بزااف على وفاة أخوه، غسلو بيديه (طقوس الغسل) وبكى عليه[29][30]. من بعد المعركة، الجنود ديال سيدي محمد مشاو يلتحقو بجيش مولاي رشيد وهو اللي ولى السلطان بلامنازع. المحاولة ديال الابن الأكبر لسيدي محمد باش يعوض والده ف سجيلماسة ما نجحتش بعدما فشل ف الصمود قدام حصار مولاي رشيد اللي دام 9 شهور على المدينة. ثم، تم رسمياً إعلان مولاي رشيد سلطان على تافيلالت ف عام 1665[3][31][4].

لإرث

[بدل | بدل لكود]

الحكم ديال سيدي محمد كسلطان ديال تافيلالت عطى للعلويين القوة السياسية والعسكرية باش يقدروا يسيطروا على لمغريب. هو براسو كان قريب يحقق هاد الإنجاز ولكن النصيب ديال باش يولي سلاطين ديال لمغريب مشا لإخوانو من جهة الأب مولاي رشيد ومولاي إسماعيل. ولد سيدي محمد، سيدي محمد الصغير، بعدما ما قدرش ياخد بلاصة بَّاه، استقر في بو سمغون وولا حاكم ديالها. وتقال بلي بقى كيحكم هاد المدينة على الأقل حتى ل 1713.[32]

مصادر

[بدل | بدل لكود]
  1. ↑ "صراعات عائلة حكمت المغرب لمدة أربعة قرون". 2008-08-09. Archived from the original on 2023-09-08. Retrieved 2023-09-08.
  2. ↑ trans. from Arabic by Eugène Fumet, Ahmed ben Khâled Ennâsiri. Kitâb Elistiqsâ li-Akhbâri doual Elmâgrib Elaqsâ [" Le livre de la recherche approfondie des événements des dynasties de l'extrême Magrib "], vol. IX : Chronique de la dynastie alaouie au Maroc (PDF) (ب الفرنسية). Ernest Leroux. p. 42. Archived from the original (PDF) on 2022-09-13. Retrieved 2025-10-18.
  3. 1 2 Muḥammad al-Ṣaghīr ibn Muḥammad Ifrānī (1889). Nozhet-Elhâdi : Histoire de la dynastie saadienne au Maroc (1511-1670) (ب الفرنسية). p. 500.
  4. 1 2 trans. from Arabic by Eugène Fumet, Ahmed ben Khâled Ennâsiri (1906). Kitâb Elistiqsâ li-Akhbâri doual Elmâgrib Elaqsâ [" Le livre de la recherche approfondie des événements des dynasties de l'extrême Magrib "], vol. IX : Chronique de la dynastie alaouie au Maroc (PDF) (ب الفرنسية). Ernest Leroux. p. 42. Archived from the original (PDF) on 2022-09-13. Retrieved 2025-10-18.
  5. ↑ O. Houdas, Abū al-Qāsim ibn Aḥmad al-Zayyānī (1886). Le Maroc de 1631 à 1812 / de Aboulqâsem ben Ahmed Ezziâni (ب الفرنسية). Paris, Ernest Leroux. p. 2.
  6. 1 2 3 Mercer, Patricia Ann (1974). Political and military developments within Morocco during the early Alawi Period (1659-1727) (ب الإنجليزية). SOAS University of London. p. 48.
  7. ↑ O. Houdas, Muḥammad al-Ṣaghīr ibn Muḥammad Ifrānī (1889). Nozhet-Elhâdi: Histoire de la dynastie saadienne au Maroc (1511-1670) (ب الفرنسية). Paris, Ernert Leroux. p. 493.
  8. ↑ trans. from Arabic by Eugène Fumet, Ahmed ben Khâled Ennâsiri (1906). Kitâb Elistiqsâ li-Akhbâri doual Elmâgrib Elaqsâ [" Le livre de la recherche approfondie des événements des dynasties de l'extrême Magrib "], vol. IX : Chronique de la dynastie alaouie au Maroc (PDF) (ب الفرنسية). Ernest Leroux. p. 17. Archived from the original (PDF) on 2022-09-13. Retrieved 2025-10-18.
  9. 1 2 O. Houdas, Muḥammad al-Ṣaghīr ibn Muḥammad Ifrānī (1889). Nozhet-Elhâdi: Histoire de la dynastie saadienne au Maroc (1511-1670) (ب الفرنسية). Paris, Ernert Leroux. p. 496.
  10. 1 2 3 trans. from Arabic by Eugène Fumet, Ahmed ben Khâled Ennâsiri (1906). Kitâb Elistiqsâ li-Akhbâri doual Elmâgrib Elaqsâ [" Le livre de la recherche approfondie des événements des dynasties de l'extrême Magrib "], vol. IX : Chronique de la dynastie alaouie au Maroc (PDF) (ب الفرنسية). Ernest Leroux. p. 18. Archived from the original (PDF) on 2022-09-13. Retrieved 2025-10-18.
  11. ↑ O. Houdas, Abū al-Qāsim ibn Aḥmad al-Zayyānī (1886). Le Maroc de 1631 à 1812 / de Aboulqâsem ben Ahmed Ezziâni (ب الفرنسية). Paris, Ernest Leroux. p. 5.
  12. ↑ O. Houdas, Muḥammad al-Ṣaghīr ibn Muḥammad Ifrānī (1889). Nozhet-Elhâdi: Histoire de la dynastie saadienne au Maroc (1511-1670) (ب الفرنسية). Paris, Ernert Leroux. p. 497.
  13. ↑ trans. from Arabic by Eugène Fumet, Ahmed ben Khâled Ennâsiri (1906). Kitâb Elistiqsâ li-Akhbâri doual Elmâgrib Elaqsâ [" Le livre de la recherche approfondie des événements des dynasties de l'extrême Magrib "], vol. IX : Chronique de la dynastie alaouie au Maroc (PDF) (ب الفرنسية). Ernest Leroux. p. 19. Archived from the original (PDF) on 2022-09-13. Retrieved 2025-10-18.
  14. ↑ trans. from Arabic by Eugène Fumet, Ahmed ben Khâled Ennâsiri (1906). Kitâb Elistiqsâ li-Akhbâri doual Elmâgrib Elaqsâ [" Le livre de la recherche approfondie des événements des dynasties de l'extrême Magrib "], vol. IX : Chronique de la dynastie alaouie au Maroc (PDF) (ب الفرنسية). Ernest Leroux. p. 20. Archived from the original (PDF) on 2022-09-13. Retrieved 2025-10-18.
  15. ↑ trans. Michaux-Bellaire, Mohammed ben al-Tayyib al-Qadiri (1917). Nashr al-Mathani, Archives Marocaines Vol. XXIV (ب الفرنسية). p. 38.
  16. ↑ Muḥammad al-Ṣaghīr ibn Muḥammad Ifrānī (1889). Nozhet-Elhâdi : Histoire de la dynastie saadienne au Maroc (1511-1670) (ب الفرنسية). p. 498.
  17. ↑ Charles-André Julien (1994). Histoire de l'Afrique du Nord : Des origines à 1830 (ب الفرنسية). Payot & Rivages. p. 595.
  18. ↑ trans. from Arabic by Eugène Fumet, Ahmed ben Khâled Ennâsiri (1906). Kitâb Elistiqsâ li-Akhbâri doual Elmâgrib Elaqsâ [" Le livre de la recherche approfondie des événements des dynasties de l'extrême Magrib "], vol. IX : Chronique de la dynastie alaouie au Maroc (PDF) (ب الفرنسية). Ernest Leroux. p. 79. Archived from the original (PDF) on 2022-09-13. Retrieved 2025-10-18.
  19. ↑ Ahmad ibn Khalid al-Nasiri (1894). Kitâb al-Istiqsa li-Akhbar Al-Maghrib duwwal al-Aqsa, Tome V (ب الفرنسية). p. 79.
  20. 1 2 trans. from Arabic by Eugène Fumet, Ahmed ben Khâled Ennâsiri (1906). Kitâb Elistiqsâ li-Akhbâri doual Elmâgrib Elaqsâ [" Le livre de la recherche approfondie des événements des dynasties de l'extrême Magrib "], vol. IX : Chronique de la dynastie alaouie au Maroc (PDF) (ب الفرنسية). Ernest Leroux. p. 22. Archived from the original (PDF) on 2022-09-13. Retrieved 2025-10-18.
  21. ↑ trans. from Arabic by Eugène Fumet, Ahmed ben Khâled Ennâsiri (1906). Kitâb Elistiqsâ li-Akhbâri doual Elmâgrib Elaqsâ, vol. IX : Chronique de la dynastie alaouie au Maroc (PDF) (ب الفرنسية). Paris, Ernest Leroux. p. 25. Archived from the original (PDF) on 2022-09-13. Retrieved 2025-10-18.
  22. 1 2 O. Houdas, Abū al-Qāsim ibn Aḥmad al-Zayyānī (1886). Le Maroc de 1631 à 1812 / de Aboulqâsem ben Ahmed Ezziâni (ب الفرنسية). Paris, Ernest Leroux. p. 10.
  23. ↑ trans. from Arabic by Eugène Fumet, Ahmed ben Khâled Ennâsiri. Kitâb Elistiqsâ li-Akhbâri doual Elmâgrib Elaqsâ [" Le livre de la recherche approfondie des événements des dynasties de l'extrême Magrib "], vol. IX : Chronique de la dynastie alaouie au Maroc (PDF) (ب الفرنسية). Ernest Leroux. p. 38. Archived from the original (PDF) on 2022-09-13. Retrieved 2025-10-18.
  24. ↑ O. Houdas, Abū al-Qāsim ibn Aḥmad al-Zayyānī (1886). Le Maroc de 1631 à 1812 / de Aboulqâsem ben Ahmed Ezziâni (ب الفرنسية). Paris, Ernest Leroux. p. 12.
  25. ↑ O. Houdas, Abū al-Qāsim ibn Aḥmad al-Zayyānī (1886). Le Maroc de 1631 à 1812 / de Aboulqâsem ben Ahmed Ezziâni (ب الفرنسية). Paris, Ernest Leroux. p. 13.
  26. 1 2 O. Houdas, Abū al-Qāsim ibn Aḥmad al-Zayyānī (1886). Le Maroc de 1631 à 1812 / de Aboulqâsem ben Ahmed Ezziâni (ب الفرنسية). Paris, Ernest Leroux. p. 14.
  27. ↑ Muḥammad al-Ṣaghīr ibn Muḥammad Ifrānī (1889). Nozhet-Elhâdi : Histoire de la dynastie saadienne au Maroc (1511-1670) (ب الفرنسية). p. 499.
  28. ↑ O. Houdas, Abū al-Qāsim ibn Aḥmad al-Zayyānī (1886). Le Maroc de 1631 à 1812 / de Aboulqâsem ben Ahmed Ezziâni (ب الفرنسية). Paris, Ernest Leroux. p. 15.
  29. ↑ Muḥammad al-Ṣaghīr ibn Muḥammad Ifrānī (1889). Nozhet-Elhâdi : Histoire de la dynastie saadienne au Maroc (1511-1670) (ب الفرنسية). pp. 499 & 500.
  30. ↑ trans. from Arabic by Eugène Fumet, Ahmed ben Khâled Ennâsiri (1906). Kitâb Elistiqsâ li-Akhbâri doual Elmâgrib Elaqsâ [" Le livre de la recherche approfondie des événements des dynasties de l'extrême Magrib "], vol. IX : Chronique de la dynastie alaouie au Maroc (PDF) (ب الفرنسية). Ernest Leroux. p. 41. Archived from the original (PDF) on 2022-09-13. Retrieved 2025-10-18.
  31. ↑ O. Houdas, Abū al-Qāsim ibn Aḥmad al-Zayyānī (1886). Le Maroc de 1631 à 1812 / de Aboulqâsem ben Ahmed Ezziâni (ب الفرنسية). Paris, Ernest Leroux. p. 16.
  32. ↑ Auguste Cour (2004). L'établissement des dynasties des Chérifs au Maroc et leur rivalité avec les Turcs de la Régence d'Alger, 1509-1830 (ب الفرنسية). Editions Bouchène. p. 159.
مسبوق ب إمارة سيجيلماسة - فترة د لحكم
1641–1664		 متبوع ب
مرجّعة من "https://ary.wikipedia.org/w/index.php?title=محمد_بن_الشريف&oldid=458072"