لحسن التاني

من ويكيپيديا
اذهب إلى التنقل اذهب إلى البحث
لحسن التاني
لحسن التاني
معلومات عامة
زيادة 9 يوليوز 1929
الرباط
لوفاة 23 يوليوز 1999 (70 عام)
الرباط
طريقة لموت موتة طبيعية
سباب لموت نوبة قلبية
لجنسية لمغريب
لميهنة رائد أعمال و سياسي
لفاميلة
لواليد محمد الخامس بن يوسف
لواليدة عبلة بنت الطاهر
خوت مولاي عبدالله، لالة أمينة، لالة فاطمة زهرا، لالة عائشة، لالة نزهة و لالة مليكة
شريك لطيفة حمو
لولاد محمد السادس
أسماء أميرة المغرب
مريم أميرة المغرب
رشيد بن الحسن
حسناء أميرة المغرب
معلومات خرى
دين إسلام سني
لجوايز



لحسن تاني ؤلا لحسن بن محمدلأمازيغية: ⵍⵃⴰⵙⴰⵏ ⵡⵉⵙ 2) لماليك ديال لمغريب، حكم بين عام 1961 ؤ 1999. عاون باه لماليك محمد لخاميس ف تحرير لمغريب من لإحتلال لفرانسوي ؤ صبنيولي، تعرف ب دكاء ؤ شطارة ديالو ف ضومين د سياسة، كيتلقب ب أب لمغريب لحديث ؤ باني دولة لحديثة، قدر يصوݣ ب لمغريب ب قوة ل واحد لإستقرار مقدروش عليه دول لاخرين حتال دبا، قدر يݣيد ب بلادو ل معسكر رأسمالي ف لوقت لي كان معظم دوال لي حداه تابعة للمعسكر ليشتيراكي، لحسن تاني من بين ابرز ملوك لمغريب حيث قدر يوحد لبلاد ؤ يحرر صحرا من لإستعمار صبليوني ب لمسيرة لخضرا د 1975.[1]

حياتو[بدل | بدل لكود]

تولد لحسن تاني ف القصر ديال السلطان ف الرباط مابين الظهر و العصر نهار التلات 9 يوليوز/ جويي 1929 . دخل ل السياسة فاش مات باه محمد الخامس ولي كان ملك المغرب نهار 26 فبراير / فيفرييه 1961 وتما فين ولا لحسن تاني ماليك . قرا القانون ف الرباط و خدا الديبلوم ف بوردو ففرانسا .

كان عندو بزاف ديال المهمات فاش كان ولي العهد و حتا هو تنفى مع محمد الخامس من طرف الفرانسيس ل كورسيكا و مدغشقر هادشي لي خلا الشعب يدير لي فجهدو باش يطيح لإستعمار، خصوصا فاش دارو بن عرفة ماليك على لمغريب و لي كان غادي يتقتل على يد علال بن عبدالله ليكان مقاوم و داكشي علاش تسمات ثورة الملك و الشعب ، لحسن تاني كان هو لي كيترجم ويكتب الميساجات ديال باه ف المنفى .

رجع محمد الخامس هو و ولي العهد لحسن تاني من مدغشقر لمغريب و خدا لمغريب الإستقلال ديالو ف  1956 .

ف 9 يوليوز/ جويي ولا لحسن تاني رسميا ولي العهد من بعد ما دار القسم قدام باه ف القصر ديال الرباط.

انجازات[بدل | بدل لكود]

جمع شمل لمغاربة

بناء اقتصاد عصري

سياسة السدود

لمسيرة لخضرا[بدل | بدل لكود]

أهم حاجة دارها احسن تاني هي لمسيرة لخضرا ولي كان طالب فيها المغرب ف البدية ديال السبعينات من السبنيول/إسبانيا يرجعو ليه الصحرا، وطلب لحسن تاني من الشعب ديالو باش يديرو مسيرة ل الصحرا . داكشي لي خلا 350 ألف مغربي و مغربية يخرجو هازين القرآن و الراية المغربية ب القيادة ديال لحسن تاني . هادشي خلا السبنيول/ إسبانيا تخرج من الصحرا من مور ما تقسمات ف معاهدة مدريد ولي عطات الساقية الحمراء ل المغريب و واذي الذهب ل موريطانيا باش ميوقع تا شي مشكيل بينهم بزوج .

عيون لكلام[بدل | بدل لكود]

  1. "Hassan II". Encyclopaedia Britannica (بنڭليزية).

[1] شخصيات : الحسن الثاني - موقع (الجزيرة.نيت)

Wikimedia Commons تقدر تزيد شوف بزاف د صور و معلومات ديال Hassan II of Morocco ف ويكيميديا كومنز.