مراكش
مراكش
| ||||
|
Mrrakc (shi)
| ||||
| ||||
ساحة جامع لفنا بالليل
| ||||
| اللقب | المدينة الحمرا - مدينة البهجة | |||
| تاريخ التأسيس | 1065 | |||
| لبلاصة | ||||
| لبلاد | لمغريب | |||
| لإقليم | عمالة مراكش | |||
| لإدارة | ||||
| لعمدة | فاطمة زهرا لمنصوري (2021) | |||
| السكان | ||||
| شحال دالسكان | 966,987 (2020) | |||
| السمية ديال السكان | مراكشيين | |||
| شحال دلفاميلات | 268,925 (2024) | |||
| لجغرافيا | ||||
| لميساحة | 230 كم² | |||
| لعلو | 465 م | |||
| خط الطول بـ ° | -7.98710346 | |||
| خط لعرض بـ ° | 31.63262937 | |||
| معلومات خرا | ||||
| توقيت ديال لمدينة | توقيت غرب أوروبا ڭريتينش | |||
| نمرة التيليفون لمحلية | 080 100 00 08 | |||
| كود د لبوصطة | 40000 | |||
| السيت الرسمي | ville-marrakech.ma | |||
| الرمز لجغرافي | 2542997 | |||
| لخريطة | ||||
| ||||
مراكش (بتمازيغت: ⴰⵎⵓⵔⴰⴽⵓⵛ سميتها لحقيقية أموراكوش، كاتعني"أرض الله".) كاتسما حتا لمدينة لحمرا و مدينة سبعاتو رجال و عاصمة النخيل ، هي مدينة مغربية جات فجنوب لوسط د لبلاد و بضبط ف سهل لحوز على الضفة لجنوبية من واد تانسيفت. تيسكن فمراكش 1.4 مليون شخص (على حساب السيت ديال المدينة).
مراكش وحدة من لمدون لي كانت معروفة ف لعالام حيت كانت عاصمة د لمغريب، داكشي علاش تسمى لمغريب ب لفارسية مراكش، وحتى ب الصبليونية (Marruecos - مارويكوص) و لفرانساوية (Maroc - ماغوك) و لبرتغالية (Marrocos - ماروكوش) والنݣليزية (Morocco - مورًوكو) و هما اسميّات د لمغريب لي أصلهم كلمة مراكش.
تبنات مراكش ف 1062 مبعد ما قرر يوسف بن تاشفين تكون هي لعاصمة د لإمبراطورية لمرابطية. كانت هي لعاصمة ديالهوم ف بين 1056 و 1147.
مراكش كانت لعاصمة تا ديال لموحدين، بين 1147م و 1269م، و السعديين.
أوّل إحصاء د سّكان تدار ف لمغريب مورا سّتيقلال ف 1960، تّلقا فيه بلي كاينين 241.900 لي ساكنين ف مراكش، سوا مغاربا ؤلا أجانب، ؤ كانت ديك سّاع تاني أكبر مدينة مغريبية من حيت عاداد سّكان.[1]
حاليا حسب السيت ديال المدينة تيقولو 1.4 مليون.[2]
مقالة متعمقة: لمدينة لقديمة د مراكش
لمدينة لقديمة د مراكش فيها بزاف ديال لمعاليم لمهمة بحال الجامع د لكتبية، لقصبة، السّوار د لمدينة و لبيبان ديالها، لقبور د السعديين، لقصورة بحال لبديع و بزاف ديال لمداريس بحال لمدرسة د بن يوسف. فيها كاينة الساحة د جامع لفنا اللي داخلة تا هي ف التراث الإنساني.[3]
ف لوقيتة ديال دابا، مراكش معروفة بسياحة ديالها وكيجيو ليها الناس من لعالام كامل باش يفوجو فجو زوين و يشوفو لمآثر و لمعالم لي فيها، و يتساراو ف بلايص بحال جامع لفنا و جامع لكتبية و قصر لبديع و قصر لباهية و جردة أنيما و الجردة السرية و دار الباشا (فيها متحف و قهوة) و مدرسة بن يوسف و لمنارة و جردة ماجوريل.[4]
و كاين مناطق فنواحي لمدينة و هي لمنتفس ديال المراكشيين لبغاو ينساو المدينة بحال أوريكا و إمليل...
هاد الساعة لمدينة مقسمة لخمسة تلمقاطعات:
- مقاطعة لمدينة
- مقاطعة جليز
- مقاطعة لمنارة
- مقاطعة لنخيل
- مقاطعة سيدي يوسف بن علي
-
-
جّردة د لمنارة -
- ^ "LE MAROC COMPTE 11 598 070 HABITANTS (y compris las étrangers)" (ب لفرانساوية). 19 شتنبر 1960. مأرشيڤي من لأصل ف 2023-06-30. تطّالع عليه ب تاريخ 2022-05-23.
- ^ "سيت المدينة". مأرشيڤي من لأصل ف 2023-10-16. تطّالع عليه ب تاريخ 2023-10-15.
- ^ "Médina de Marrakech".
- ^ https://jardinmajorelle.com/ang/
|
تقدر تزيد شوف بزاف د تّصاور و لمعلومات ديال Marrakech ف ويكيميديا كومنز. |