أزيلال

أزيلال
‫أزيلال‬ (ar) ⴰⵣⵉⵍⴰⵍ (tzm)
لبلاصة
لبلاد	لمغريب
لإقليم	إقليم أزيلال
السكان
شحال دالسكان	48,138 (2024)
شحال دلفاميلات	11,375 (2024)
لجغرافيا
لعلو	1,351 م
خط الطول بـ °	-6.56518936
خط لعرض بـ °	31.96221175
معلومات خرين
الرمز لجغرافي	2556570
لخريطة

أزيلال مدينة مغريبية و جماعة ترابية حضرية كاينة ف إقليم أزيلال، جهة بني ملال خنيفرة، ساكنين فيها 38066 واحد، على حسب لإحصاء لعام 2014.

الـتاريخ

فـلـأواخر ديال شهر أكتوبر عام 1916، خـرجـات لـفرقة لـمـتـنـقـلة من مراكش بـلـقـيادة ديال لـجنرال لـفرنساوي "دولـامـوط"، بـدعم من "لحـركـات" ديال لـمدني لـكـلاوي، وعبد الله أوشـطّـو (قـايـد انـتـيـفة الـجـبل)، وصالح أوراغ (قـايـد انـتـيـفة لـسـهل). تـحـركو كـامـلين من لـبـلاصة ديال "تـنـانـت" فـجيهة خـميس آيـت مـصّـاد، لـي قـريبة من مدينة أزيلال. هاد لـفرقة تـصادمات مع لـمـجاهدين ديال لـقـبايـل لـي مـجاورة لـيهم.

بـقات لـمـقاوامة مـستـمرة حتى لـعام 1917، فين غادي تـطيح مدينة أزيلال فـيد لـمـستـعمر لـفرنساوي من بعد مـعركة "تـمـنـايـت" لـقـاصحة.

من بعد، رجـعو لـفـرنـساويين مدينة أزيلال واحد لمـركز عـسكري بـاش يـهـجـمو على قـبايـل آيـت مـحمد.

وفـالـربيع ديال عام 1918، نـزل سـيدي مـحند لـحـنـصالي، زعـيم ديال الـزاوية لـحـنـصالية، عـند آيـت بـوكـمّـاز، وبـاش يـكـادو و يكونو تـما واحد "لـحـركة" ضد لـقوات ديال لـإحتلال فـجيهة دمنات. وبـقات لـمـقاوامة ضد لـمـستعمر لـفرنساوي فـلـمناطق ديال إقـليم أزيلال حتى لـعام 1934.

​

سـد بـين لـويـدان

لـمـناخ

كـيـتـعـتـابر لـمـناخ ديال مدينة أزيلال قـاري بـشكل عـام، مع شـوية ديال تـأثيرات لـمـحيطية، وهو شـبه جـاف فـالـصيف ورطـب فـلـبرد.

وهاد لـمـناخ كـيـتـمـيـز بـلـمـيزات ديال لـمـناخ جـبلي ديال لـأطلس لـكـبير لـمـتـوسط، بـحيث كـيـكون بـارد بـزاف فـلـوقت ديال لـبرد، ومـعـتـدل فـلـوقت ديال لـصيف. أما بالـنسبة لـلـشـتا، لـمـعدلات ديالها كـتـراوح مـا بين 150 و 630 مـلـيـمـتـر فالعام ، على حـساب لـوقيتة لـس فيها الشتا او لي ناشفة، وكـتـعرف لـمنطقة حتى تـساقـطات ديال الـتـلـج.

تعليم

• نسبة لأمية (نّاس لّي ما كايعرفوش يقراو ولا يكتبو): 27,4%
• نسبة سّكان لّي قاريين فوق الليسي (ليسي و جامعة): 21,2%

قتيصاد

• نسبة نّاس نّشيطين (لّي يقدرو يخدمو): 40,5%
• نسبة لبطالة (نّاس لّي ما خدامينش و تايقلبو على خدمة): 14,8%
• نسبة نّاس اللي خدامين ف دّولة: 27,9%
• نسبة نّاس اللي خدامين ف لپريڤي: 38,3%

صناعة الـتقليدية

لـمنطقة مـعروفة حتى بـ"صناعات تـقليدية مـتـنوعة وزويـنة"، بـحال لـخدمة ديال "لـبزيوي"، وهو لـمنسوج لـي كـيـتـقال بلي لـملك الـراحل الحسن الثاني كان كـيـفضل يـلبسو، واخـتارو بـاش يـكون لباس تـقليدي رسمي.

وهاد للبسة ولات مـشهورة، حيت ولات هي الـرسمية فـلإفتتاح ولختتام ديال الـدورة لـبرلمانية كل عام، فين كـيـبانو كاع لـبرلمانيين لـبـاسـين لـمـنسوج لـبزيوي.وهاد لـفن مـعروفة بيه مدينة "بـزو" لـي فـلـنواحي ديال أزيلال.

سـد بـين لـويـدان

مصادر

ويكيميديا كومنز عندا تصاور و معلومات على أزيلال.

هادي زريعة ديال مقالة خاصها تّوسع. تقدر تشارك ف لكتبة ديالها.