بنسليمان
بنسليمان  | |
|---|---|
ابن سليمان (ar) بنسليمان (ar) Benslimane (fr) | |
 | |
| معلومات عامة | |
| نوع التجمع | مدينة |
| لبلاصة | |
| لبلاد | لمغريب |
| عاصمة ديال | إقليم بنسليمان |
| لإقليم | إقليم بنسليمان |
| السكان | |
| شحال دالسكان | 67٬317 (2024) |
| شحال دلفاميلات | 17٬028 (2024) |
| لجغرافيا | |
| لعلو | 233 متر |
| لإحداثيات | 33.61222222°، -7.12111111° |
| معلومات خرين | |
| الرمز لجغرافي | 6547048 |
| لموقع الجغرافي | |
 | |
| ويكي بيانات · معلومات على القالب | |
بنسليمان مدينة مغريبية و جماعة ترابية حضرية كاينة ف إقليم بنسليمان، جهة دّار لبيضا سطات، ساكنين فيها 67.317 واحد، على حسب لإحصاء لعام 2024.[1]
كتحافظ بنسليمان على طابع عمراني، حيت فيها حوالي 38 فضاء خضر، و كتوفر معدل 65 متر مربع من لمساحات لخضرة لكل ساكن، وهاد الرقم كبير بزاف بلمقارنة مع نسبة 16 متر مربع لي كتنصح بيها هيئة لأمم لمتحدة.و كيغلب الطابع لمعماري لتقليدي على لمدينة حيت الديور لمغربية التقليدية كتمثل 86.5% من لوحدات لسكنية فلمدينة، فلوقت لي لبارتمات لعصرية ما كتمثل غير نسبة 3.6%، والفيلات نسبة 4.2%. وكتمثل نسبة 6% من لعائلات لي عايشة فلمدينة لي ساكنة فسكن بسيط ومتواضع.
سكان لولين ديال هاد لإقليم هما "بورغواطة"، وهي مجموعة سكانية أمازيغية ف لمغريب لكبير. فجوايه عام 1140، عيطات ادولة لموحدية للعرب ديال "بني هلال" وبني سليم باش يشاركو بالجنب ديالهم فلحرب ديال الأندلس فلواقعة ديال لأرك فلجنوب ديال صبانيا. وكجزاء ليهم، تواعدو بأراضي، وهاد لأراضي لي تعطات ليهم كانت فلغالب فلوطا ديال الشمال الشرقي للمغريب لقريب من لمحيط لأطلسي (دكالة، الشاوية، السراغنة، إلخ...) و فالصحرا لمغربية.
فسنة 1907، أسس لجيش لفرنساوي قاعدة عسكرية سماها "كام بولو" فلإطار ديال لحملة ديالو على لمغريب. وبدات لمقاومة ضد لإحتلال لفرنساوي للمغرب من بن سليمان.
من بعد ما تبنات لباز( لقاعدة لعسكرية)، تبنات تجمع سكاني عسكري لي مبعد توسع على طول الطريق لي غادة لبوزنيقة.وفلوقت ديال لحماية لفرنساوية، هاد لبلاصة كانت تابعة للمنطقة لمستقلة ديال لدار لبيضا. ومن بعد تقسمات لتلاتة ديال الدوائر : الشاوية الشمالية (لدار لبيضا)، الشاوية لوسطى (برشيد) والشاوية لجنوبية (سطات).
| لعام | 1994 | 2004 | 2014 | 2024 |
| لعدد ديال السكان | 36.977 | 46.478 | 57.101 | 67.317[2] |
السكان فلغالب هما من لحفايد ديال "الزيايدة"، وهي قبيلة كتهضر بلعربية ولأصل ديالها أمازيغي، جاية من لإتحاد ديال "صنهاجة" و"لمذاكرة" ( أي ولاد علي). ولكن لأغلبية ديال السكان ديال دابا أصلهم أمازيغي، وهاجرو من لمناطق لجبلية ديال لمغريب من الستينات لهنا.
- نسبة لأمية (نّاس لّي ما كايعرفوش يقراو ولا يكتبو) : 19,8%
- نسبة سّكان لّي قاريين فوق الليسي (ليسي و جامعة): 28%
جات مدينة بنسليمان على بعد حوالي 55 كلم (طريق) فالشرق ديال لدار لبيضا وحوالي 60 كلم فلجنوب لغربي ديال لعاصمة لمغربية الرباط، على علو كيوصل ل 255 متر. لمناخ لي مأتر بلمحيط لأطلسي معتدل حتى لسخون؛ والشتا (حوالي 450 ملم فلعام) فلغالب كاتطيح غير فالنص ديال لعام الشتوي.[3]
وخا لموقع لإستراتيجي ديال لمدينة بين لعواصم بجوج، لدار لبيضا (55 كيلومتر) والرباط (62 كيلومتر)، ولقرب ديالها من مدينة لمحمدية الصناعية، بقات بن سليمان بعيدة على أي تطور صناعي، باش تحافظ على الطابع لبيئي ديالها، لي كيخلي لمنطقة ديالها متنفس لجهة الدار لبيضا لي فيها أكبر مركز صناعي ف لمغريب، ولي كتجر ليها أعداد غادة وكتزاد من سكان بن سليمان لي كيقلبو على لخدمة. وكيتعتبر الڭولف لملكي أهم وجه من لأوجه ديال النشاط فمدينة بن سليمان.
- نسبة نّاس نّشيطين (لّي يقدرو يخدمو): 48,6%
- نسبة لبطالة (نّاس لّي ما خدامينش و تايقلبو على خدمة): 22,1%
- نسبة نّاس اللي خدامين ف دّولة (ولا لبيطاليين اللي سبق ليهوم خدمو): 25,5%
- نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):41,2%
- ↑ "RGPH 2014 - Site HCP". Archived from the original on 2023-07-02. Retrieved 2020-01-29.
- ↑ "City Population: Check for Humans". www.citypopulation.de. Retrieved 2026-05-28.
- ↑ "Daten und Graphen zum Klima und Wetter". Retrieved 28-05-2026.
{{cite web}}: Check date values in:|accessdate=(معاونة)
 |
ويكيميديا كومنز عندا تصاور و معلومات على بنسليمان. |
 هادي زريعة ديال مقالة خاصها تّوسع. تقدر تشارك ف لكتبة ديالها. |
