سمع لهاد لمقال

جهة مراكش آسفي

من ويكيپيديا
اذهب إلى التنقل اذهب إلى البحث
سمع لهاد لمقال
Spoken Wikipedia icon
هاد لؤديو مخدوم من واحد نوسخة د لمقال "جهة مراكش آسفي" بتاريخ 3 أكتوبر 2020، وماداخلش فيه تبديلات لي جاو من بعد.
‫مراكش آسفي‬ (ar)
ⵜⴰⵙⴳⴰ ⵏ ⵎⵕⵕⴰⴽⵛ ⴰⵙⴼⵉ (zgh)
Flag of Marrakech-Safi Region.svg
جهة مراكش آسفي
التقسيم لإداري
لبلاد لمغريب
لعاصيمة مراكش
لأقاليم
التأسيس 2015
تسمات على آسفي و مراكش
لجغرافيا والسكان
لميساحة 39,167 كم²
بلاصة لعالية جبل توبقال (4,167 م)
لبلاصة طايحة لمحيط لأطلسي (0 م)
محادية معا جهة سوس ماسة
جهة درعة تافيلالت
جهة بني ملال خنيفرة
جهة الدار البيضاء سطات
شحال دالسكان 4,520,569 (2014)
لإدارة
والي الجهة (ar) ترجم محمد مفكر (ar) ترجم
رئيس الجهة (ar) ترجم أحمد خشيشن
معلومات خرى
التوقيت ڭرينيتش + 1
اللوغات الدارجة لمغريبية
تمازيغت
السيت الرسمي لموقع الرسمي[1]
كود إيزو 3166-2 MA-07
خريطة لجيهة
Marrakech-Safi region locator map.svg


جهة مراكش آسفي (بلأمازيغية: ⵜⴰⵙⴳⴰ ⵏ ⵎⵕⵕⴰⴽⵛ ⴰⵙⴼⵉ، بالفرانساوية: Marrakech-Safi) وحدة من لجيهات ديال لمغريب اللي تصايبو عام 2015، من مورا ما نقصو عدد لجيهات من 16 لـ 12.[2] لجيهة كاينة فلوسط الشمالي ديال البلاد، ولعاصيمة ديالها هي مراكش، و مابين لمدون اللي كاينين فلجيهة: آسفي والصويرة وشيشاوة وقلعة السراغنة وليوسوفية. عدد السكان على حساب لإحصاء اللي تدار فـ2014 وصل فهاد لجيهة لـ4.520.569.[3] لميساحة ديال لجيهة هي 39,167 كم².[4]

السكان ولأقاليم[بدل | بدل لكود]

السكان فلأقاليم ديال لجيهة[بدل | بدل لكود]

هاد لجدوال كايبين لأقاليم ديال لجيهة والسكان ديالها:[3][5]

لأقاليم أولا لعمالات شحال دلفاميلات شحال دالسكان
إقليم لحوز 111,627 573,128
إقليم شيشاوة 73,928 369,955
إقليم قلعة السراغنة 97,874 537,488
إقليم الصويرة 95,520 450,527
عمالة مراكش 302,137 1,330,468
إقليم الرحامنة 57,514 315,077
إقليم آسفي 144,490 691,983
إقليم اليوسفية 45,030 251,943
جيهة مراكش آسفي 928,120 4,520,569

التطور ديال شحال دالسكان[بدل | بدل لكود]

1994 2004 2007 2014
2,724,204 3,102,652 3,310,994 4,520,569
1994 و2004 و2014: إحصاء رسمي ديال الدولة، 2007: تقديرات.

لجغرافيا ولموناخ[بدل | بدل لكود]

جهة مراكش محاديها من الشمال جيهة كازا سطات ومن لجانوب جيهة سوس ماسة ومن الشمال الشرقي جيهة بني ملال خنيفرة ومن لجانوب الشرقي جيهة درعة تافيلالت. هاد لجيهة فيها بزاف ديال لخصائص لجغرافية بحال أنه دايز منها جبال لأطلس لكبير وراس جبل توبقال ؤويدان بحال واد نفيس، زيادة على شلّة سهول وتلال. لميساحة ديال لجيهة واصلة لـ39,167 كم². هاد لجدوال كيعطي لمعلومات على لحرارة والشتا فمدينة مراكش اللي هي لعاصيمة ديال لجيهة.

لموناخ ديال مراكش (مطار مراكش الدولي)
الشهر يناير فبراير مارس أبريل ماي يونيو يوليوز غشت شتنبر أكتوبر نونبر دجنبر
أكبر درجة دلحارارة تسجلات بـ C° 30.1 34.3 37 39.6 44.4 46.9 49.6 48.6 44.8 38.7 35.2 30
معدّال لحرارة لعليا بـ C° 18.4 19.9 22.3 23.7 27.5 31.3 36.8 36.5 32.5 27.5 22.2 18.7
معدّال لحرارة بـC° 12.2 13.8 15.8 17.3 20.6 23.8 28.3 28.3 25.3 21.1 16.3 12.6
معدّال لحرارة السفلانية بـC° 5.9 7.6 9.4 11 13.8 16.3 19.9 20.1 18.2 14.7 10.4 6.5
أدنى درجة دلحارارة تسجلات بـC° −2.3 −3 0.4 2.8 6.8 9 10.4 6 10 1.1 0 −1.6
معدّال الشتا فالشهر بلميليميتر 32.2 37.9 37.8 38.8 23.7 4.5 1.2 3.4 5.9 23.9 40.6 31.4
معدل الروطوبة % 65 66 61 60 58 55 47 47 52 59 62 65

لبينية التحتانية[بدل | بدل لكود]

مطار مراكش الدولي اللي كايسيرڤي لجيهة.

مطار مراكش الدولي (مطار مراكش لمنارة) هو مطار كاين فمدينة مراكش وكايسيرڤي لجيهة ديال مراكش آسفي. كيبعد لمطار على الصونطرڤيل ديال مراكش بـ9 دلكيلوميتر وكيتعتابر تاني أكبر مطار فلمغريب من ناحية عدد لمسافرين، ومنو كايمشيو بزاف ديال الرحلات فالداخل وحتى فلخارج. تفتاتح لمطار فعهد ليستيعمار وتجدد بزاف دلمرات وكايقدر يهز 9 دلملاين دلمسافرين.

كاين مطار آخور فجيهة مراكش آسفي واللي هو لمطار ديال الصويرة الدولي (مطار الصويرة موݣادور) وكيبعد لمطار على الصونطرڤيل ديال الصويرة بـ16 كيلوميتر. كيتعتابر عاشر أكبر مطار فلمغريب من ناحية عدد لمسافرين، وكايقدر يهز 300.000 مسافر.

فلمجال ديال الطرقان كاينين جوج أوطوروطات اللي دايزين فلجيهة ديال مراكش آسفي واللي هوما لوطوروت ديال الرباط - آسفي و لوطوروت ديال الدار البيضا - أݣادير. الطرقان لوطنية اللي دايزين فلجيهة هوما الطريق لوطنية 1 و الطريق لوطنية 7 و الطريق لوطنية 8 و الطريق لوطنية 9 و الطريق لوطنية 11.

ليقتيصاد[بدل | بدل لكود]

لفلاحة[بدل | بدل لكود]

لفلاحة فالشياضمة قريب من مدينة الصويرة.

واخا لمواريد ديال لما قليلة بالنسبة للسقي مقارنة مع لارض ديال لبور، جهة مراكش آسفي عطات 72 مليون نهار ديال لخدمة فلعام. لميساحة ديال الزراعة فلجيهة واصلة لـ 2 دلمليون دلهكتار، ولمساحة اللي كاتسقى من هاد لارض واصلة لـ351 ألف هكتار.[6] وصل لينتاج ديال الزيتون للعام فلجيهة لـ300 ألف طن[7]، وكاينين غراس فلاحية خرى بحال لمشماش ولبطيخ اللي كاتشد لميساحة ديالهوم 1.800 هكتار والزيت ولعسل ولخضرة والديسير ولغلة واللحم.[8]

الصيناعة[بدل | بدل لكود]

جيهة مراكش آسفي معروفة بالصيناعة التقليدية اللي فيها، واللي كاتعطي واحد لقيمة زايدة ليقتيصاد دلجيهة. لجيهة عطات 11.4% من لقيمة ديال لبلاد فهاد لمجال فعام 2015، وخدّمات فهاد لقطاع 8.9% من الشغيلة ديال لبلاد (حرايفية وصناع تقليديين). هاد الصناعة فيها الدباغة ديال الجلود ولحديد لمطروگ ولخزف. لجيهة جاتها 10 دلمليار ديال الدرهم من ليستيثمارات فلبلاد.[9] كاينين بزاف ديال لمناطق الصيناعية فجيهة مراكش آسفي فمدون مراكش، آسفي، الصويرة وقلعة السراغنة. مدينة آسفي فيها بزاف ديال لمصانع ديال تعليب السرديل، ومقاليع ديال لحجر، لكاياس والرملة.[10]

لخدمات[بدل | بدل لكود]

قطاع لخدمات فجهة مراكش آسفي كايعطي 65.3% ديال لقيمة الزايدة فلجيهة و12.6% فلبلاد. هادشي عندو علاقة بجيهة مراكش حيتاش كاتهز لجيهة من ناحية السياحة. كاينة مساهمة ديال مدينة الصويرة بنفس لحاجة، غير أوكان لمساهمة ديالها متعلقة لخدمات اللي ماشي تيجارية أولا اللي هي تيجارية ولاكين خارج لمجال ديال السياحة.[11]

تصويرة پانورامية ديال ساحة جامع الفنا أشهر ساحات مراكش ولمغريب. جامع لكتبية كايبان فأقصى ليسر. السوق كاين فلممشى مورا الساحة.
تصويرة پانورامية ديال ساحة جامع الفنا أشهر ساحات مراكش ولمغريب. جامع لكتبية كايبان فأقصى ليسر. السوق كاين فلممشى مورا الساحة.


شوف حتى[بدل | بدل لكود]

لمصادر[بدل | بدل لكود]

Wikimedia Commons تقدر تزيد شوف بزاف د صور و معلومات ديال Provinces of Marrakech-Safi ف ويكيميديا كومنز.