برشيد
برشيد
| ||||
|
برشيد (ar) | ||||
 | ||||
| لبلاصة | ||||
| لبلاد | لمغريب | |||
| لإقليم | إقليم برشيد | |||
| السكان | ||||
| شحال دالسكان | 168,687 (2024) | |||
| شحال دلفاميلات | 31,705 (2014) | |||
| لجغرافيا | ||||
| لعلو | 213 م | |||
| خط الطول بـ ° | -7.57575989 | |||
| خط لعرض بـ ° | 33.26624989 | |||
| معلومات خرين | ||||
| الرمز لجغرافي | 6546705 | |||
| لخريطة | ||||
 | ||||
برشيد مدينة مغريبية و جماعة ترابية حضرية كاينة ف إقليم برشيد، جهة دّار لبيضا سطات، ساكنين فيها 168.687واحد، على حسب لإحصاء لعام 2024.[1]
و لمدينة عندها وحدة صناعية كبيرة بزاف كتعتبر التالتة ف لمغريب، والغالبية ديال السكان ديال لمدينة من أصل حريزي. من أهم لأماكن فلمدينة كاين فضاء لمنتزه لي كيتعتبر متنفس للساكنة ديال جهة الدار لبيضا سطات. والشارع الرئيسي بلمدينة هو شارع محمد لخامس بالجنانات ديالو لكبار، ولي كيتصنف كأعرض شارع فلمغريب.
وكاين فلمدينة لحي لفرنسي لي فيه لكنيسة ولأماكن لي كانو ساكنين فيها لفرنسيين من قبل. ولي كيميز مدينة برشيد هو لموقع ديالها لي خلاها منطقة كدوز لأهم لمدن لمغربية بسباب لموقع لإستراتيجي ديالها.
- نسبة لأمية (نّاس لّي ما كايعرفوش يقراو ولا يكتبو) : 20,6%
- نسبة سّكان لّي قاريين فوق الليسي (ليسي و جامعة): 25,6%
برشيد جات فلمنطقة التاريخية ديال الشاوية، بعيدة بحوالي 45 كلم على جنوب الدار لبيضا . لمدينة ديال الجديدة جات بحوالي 100 كلم فلغرب على لمحيط لأطلسي.
لمناخ لي فلمدينة متأثر بلمحيط لأطلسي معتدل حتى لسخون؛ الشتا (حوالي 530 ملم) كطيح بلأساس فالشهور ديال الشتا.[2]
| لعام | 1994 | 2004 | 2014 | 2024 |
| لعدد ديال السكان | 54.781 | 89.830 | 136.634 | 168.687[3] |
السكان ديال منطقة الشاوية كيرجعو لأصل ديالهم للعرب. ولكن الناس ديال لمدينة دبا فالغالبية ديالهم من أصول أمازيغية؛ هاجرو لهنا فالنص التاني من لقرن 20 من الجبال ولمناطق الصحراوية فلجنوب ديال لمغريب.
لمدينة تأسسات حوالي عام 1800 من طرف واحد لعائلة سميتها "الرشيد" وفالعشرينيات كان عدد السكان ديالها ما واصلش ل 1000 واحد . وفعام 2009، ولات برشيد هي لعاصمة ديال لإقليم الجديد لي كيحمل نفس السمية.[4]
لمدينة ما فيهاش معالم تاريخية ولا ثقافية مهمة؛ وحتى لمدينة لقديمة ما كايناش. هي بشكل عام كتعطي انطباع بلي مدينة عصرية وواسعة.
لمدينة لي جات فملتقى ديال الطرق لي كيدي الدار لبيضا و هي لمركز ديال لإقليم لي كيعتمد على لفلاحة، ولي كيعطي المنتوجات ديالو بالدرجة اللولة لأسواق ديال الدار لبيضا. زيادة على هادشي، هي لمركز التجاري، ولحرفي، والتعليمي، والصحي ديال لإقليم. فالسبعينيات، تدار حي صناعي لي عرف واحد لازدهار كبير بسباب لقرب لجغرافي ديالو من الدار لبيضا.[5]
- نسبة نّاس نّشيطين (لّي يقدرو يخدمو): 51,6%
- نسبة لبطالة (نّاس لّي ما خدامينش و تايقلبو على خدمة): 18,2%
- نسبة نّاس اللي خدامين ف دّولة (ولا لبيطاليين اللي سبق ليهوم خدمو): 11,7%
- نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):57,7%
- ↑ "RGPH 2014 - Site HCP". Archived from the original on 2023-07-02. Retrieved 2020-01-29.
- ↑ "Berrechid, Casablanca-Settat, MA Climate Zone, Monthly Averages, Historical Weather Data". weatherandclimate.com. Retrieved 2026-05-28.
- ↑ "City Population: Check for Humans". www.citypopulation.de. Retrieved 2026-05-28.
- ↑ "Historique Berrechid - Ville — Encyclopédie-de-L'AFN_1830-1962". encyclopedie-afn.org (ب الفرنسية). Retrieved 2026-05-28.
- ↑ "Maroc:Berrechid". maroc.bienvenue.free.fr. Retrieved 2026-05-28.
 |
ويكيميديا كومنز عندا تصاور و معلومات على برشيد. |
 هادي زريعة ديال مقالة خاصها تّوسع. تقدر تشارك ف لكتبة ديالها. |
