لعيون ساقية لحمرا

من ويكيپيديا
اذهب إلى التنقل اذهب إلى البحث
‫العيون - الساقية الحمراء‬ (ar)
ⵜⴰⵙⴳⴰ ⵏ ⵍⵄⵢⵓⵏ ⵜⴰⵔⴳⴰ ⵜⴰⵣⴳⴳⵯⴰⵖⵜ (zgh)
لعيون ساقية لحمرا
التقسيم لإداري
لبلاد لمغريب
لعاصيمة لعيون
لأقاليم
التأسيس 2015
تسمات على لعيون و الساقية الحمراء
لجغرافيا والسكان
لميساحة 140,018 كم²
لبلاصة طايحة سبخة طاح (−55 م)
محادية معا جهة ݣلميم واد نون
جهة الداخلة وادي الذهب
شحال دالسكان 367,758 (2014)
معلومات خرى
التوقيت ڭرينيتش + 1
اللوغات
السيت الرسمي لموقع الرسمي[1]
كود إيزو 3166-2 MA-11
خريطة لجيهة
Laâyoune-Sakia El Hamra region locator map.svg


جهة العيون الساقية الحمراء (بلأمازيغية: ⵜⴰⵙⴳⴰ ⵏ ⵍⵄⵢⵓⵏ ⵜⴰⵔⴳⴰ ⵜⴰⵣⴳⴳⵯⴰⵖⵜ، بالفرانساوية: Laâyoune-Sakia El Hamra) وحدة من لجيهات ديال لمغريب اللي تصايبو عام 2015، من مورا ما نقصو عدد لجيهات من 16 لـ 12.[2] لجيهة كاينة فلجانوب ديال البلاد، و لعاصيمة ديالها هي لعيون، و مابين لمدون اللي كاينين فلجيهة: طرفاية وبوجدور والسمارة وبوݣراع وݣلتة زمور. عدد السكان على حساب لإحصاء اللي تدار فـ2014 وصل فهاد لجيهة لـ367,758.[3] لميساحة ديال لجيهة هي 140,018 كم².[4]

السكان ولأقاليم[بدل | بدل لكود]

السكان فلأقاليم ديال لجيهة[بدل | بدل لكود]

هاد لجدوال كايبين لأقاليم ديال لجيهة والسكان ديالها:[3]

لأقاليم أولا لعمالات شحال دلفاميلات شحال دالسكان
إقليم بوجدور 10,186 50,566
إقليم السمارة 11,614 66,014
إقليم لعيون 53,561 238,096
إقليم طرفاية 3,393 13,082
جهة العيون الساقية الحمراء 78,754 367,758

التطور ديال شحال دالسكان[بدل | بدل لكود]

جدول كايعطي التطور ديال شحال دالسكان فلجيهة.[5]

1994 2004 2014
215,395 align=center| 316,578 align=center| 367,758
1994 و2004 و2014: إحصاء رسمي ديال الدولة.

لجغرافيا ولموناخ[بدل | بدل لكود]

جهة العيون الساقية الحمراء محاديها من الشمال جهة ݣلميم واد نون ومن لجانوب جهة الداخلة وادي الذهب. هاد لجيهة فيها خصائص لجغرافية بحال أنها كاتميز بلميساحة الصحراوية لكبيرة، مع شوية دلغابات ديال لحلفا والربيع الصحراوي. لميساحة ديال لجيهة واصلة لـ140,018 كم². لموناخ ديال لجيهة بارد ومعتادل فلمناطيق حدا لبحر، وسخون وبعض لمرات بالشرݣي فالداخل. هاد لجدوال كيعطي لمعلومات على لحرارة والشتا فمدينة لعيون اللي هي لعاصيمة ديال لجيهة.

لموناخ ديال لعيون
الشهر يناير فبراير مارس أبريل ماي يونيو يوليوز غشت شتنبر أكتوبر نونبر دجنبر
أكبر درجة دلحارارة تسجلات بـ C° 28 33 37 41 38 37 43 47 40 38 33 30
معدّال لحرارة لعليا بـ C° 20 20 22 22 22 24 26 28 27 24 24 20
معدّال لحرارة بـC° 16 17 19 18 20 21 21 25 24 22 20 17
معدّال لحرارة السفلانية بـC° 12 13 16 15 16 18 20 20 20 18 16 13
أدنى درجة دلحارارة تسجلات بـC° 5 6 8 10 11 11 12 16 16 8 2 6
معدّال الشتا فالشهر بلميليميتر 17.9 18.5 6.7 2.5 3.2 0.3 0 0 1.2 7.4 16.9 18.6

لبينية التحتانية[بدل | بدل لكود]

الدخلة ديال لمطار دالعيون

مطار العيون الدولي (مطار لعيون لحسن اللول) هو مطار كاين فمدينة لعيون لجيهة ديال العيون الساقية الحمراء. كيبعد لمطار على الصونطرڤيل ديال لمدينة بـ2 دلكيلوميتر، وقريب من الطريق لوطنية اللولة. كيتعتابر تاسع أكبر مطار فلمغريب من ناحية عدد لمسافرين، وكايقدر يهز 300.000 مسافر.

ماكاينينش أوطوروطات فهاد لجيهة، ولاكين دايزين فيها بزاف ديال الطرقان لوطنية:

ليقتيصاد[بدل | بدل لكود]

لفلاحة[بدل | بدل لكود]

قصر فمدينة لعيون

لفلاحة فلجيهة ديال لعيون الساقية لحمرا ماشي موهيمة حيتاش لميساحة اللي صالحة ليها مافايتاش 7500 هيكتار أولا 0.054% ديال لميساحة دلجيهة، ؤواحد 100 هيكتار هي اللي كاتسقى وكايتزرع فيها لعلف، اللي وصل لينتاج ديالو ل365 طن ف2016 فإقليم لعيون، وشي شوية ديال لخضرة بحال لقزبور ولمعدنوس ولكرافس وخيزّو ولفجل ولخرشوف.[5] فلكسيبة كانت فلعام د2016 شي 302 ألف ديال لمعيز و206 آلاف راس دلغنم و105 آلاف دالجمال و1847 راس دلبݣر.[5] فنفس لعام تنتجات مليون و722 ألف إيطرو ديال لحليب و5 دلمليون و127 ألف إيطرو ديال اللبن و67 ألف و350 كيلو ديال الزبدة.[5] كاينة فلجيهة 575 كيلوميتر ديال لبحر، وفيه تلاتة ديال لمراسي فطرفاية ولعيون وبوجدور. تنتجات 464 ألف طن ديال لحوت اللي لقيمة ديالو وصلات ل727 مليون درهم، زيادة على الطحالب اللي تجمعات منها 260 طن واللي وصلات لقيمة ديالها لـ2 دلمليون ديال الدرهم.[5]

الصيناعة[بدل | بدل لكود]

صورة ديال الصمطة اللي كانت ومازال كاتدي لفوصفاط من بوݣراع للمرسى دلعيون

وصلات لارقام ديال لوحادات الصيناعية فلجيهة ديال لعيون الساقية لحمرا لـ395 لأغلبية ديالها فلعيون اللي فيه 72.4% ديال لوحادات، عاد باش بوجدور بـ16.2%، وعاد باش السمارة اللي فيها%، ومن موراهوم طرفاية اللي فيها 14.8% ديال هاد لوحدات.[5] الصيناعة هنايا واقفة على الصيناعة التحويلية (لوزينات ديال السرديل)، الصيناعة ليستيخراجية (لوزينات ديال لفوصفاط)، لبني والطرابوبليك وحتى ليسيرڤيس. هاد لجدوال كايعطي كيفاش مفرقة هاد لوحادات على حساب لإقليم ولمجال:

لقيطاع لأقاليم
لعيون بوجدور طرفاية السمارة
الصيناعة التحويلية 141 33 6 3
الصيناعة ليستيخراجية 22 - 2 1
لبني والطرابوبليك 41 25 4 11
ليسيرڤيس 45 6 3 8
مجالات خرين 37 - 4 3
لمجموع 286 64 19 26
لمصدر: [5]

السياحة[بدل | بدل لكود]

كاسمار فطرفاية وقت لغروب.

كاين بزاف ديال لمواقيع اللي إيقدرو يجيبو السياح لجيهة لعيون الساقية لحمرا، بحال لبحر ديال لعيون وضاية النعيلة اللي هي محمية طبيعية، واحة لمسيد اللي جات مابين لعيون والسمارة، اللي فيها بزاف ديال النخيل، سبخة الطاح اللي كاينة فمدينة الطاح واللي كاينة 55 ميترو تحت لمستاوى ديال لبحر، وفيها طبقات ديال لملحة ولغيس لمرمّل.[5] فلبحر ديال طرفاية كاينة واحد لقصبة بناها تاجر نݣليزي سميتو روبرت ماكينزي فـ1880. فهاد لجيهة كاينة 35 أوطيل مصنف بـ1996 فراش و14 أوطيل مامصنفش بـ306 دلفراش. فـ2016 جات 41 ألف سايح تقريبا و77% منهوم مغاربة.

شوف حتى[بدل | بدل لكود]

عيون لكلام[بدل | بدل لكود]

Wikimedia Commons تقدر تزيد شوف بزاف د صور و معلومات ديال Laâyoune-Sakia El Hamra ف ويكيميديا كومنز.