جهة ݣلميم واد نون
كلميم-وادي نون (ar)
ⵜⴰⵙⴳⴰ ⵏ ⴳⵓⵍⵎⵉⵎ ⴰⵙⵉⴼ ⵏ ⵏⵓⵏ (zgh) | ||||
|
| ||||
| ||||
| التقسيم لإداري | ||||
| لبلاد | لمغريب | |||
| لعاصيمة | ڭلميم | |||
| لأقاليم | ||||
| التأسيس | 2015 | |||
| تسمات على | ڭلميم و واد نون | |||
| لجغرافيا والسكان | ||||
| لميساحة | 46,108 كم² | |||
| لبلاصة طايحة | لمحيط لأطلسي (0 م) | |||
| محادية معا | جهة سوس ماسة جهة العيون الساقية الحمراء | |||
| شحال دالسكان | 433,755 (2014) | |||
| معلومات خرى | ||||
| التوقيت | ڭرينيتش + 1 | |||
| اللوغات | ||||
| السيت الرسمي | لموقع الرسمي[1] | |||
| كود إيزو 3166-2 | MA-10 | |||
| خريطة لجيهة | ||||
| ||||
جهة ݣلميم واد نون (بلأمازيغية: ⵜⴰⵙⴳⴰ ⵏ ⴳⵓⵍⵎⵉⵎ ⴰⵙⵉⴼ ⵏ ⵏⵓⵏ، بالفرانساوية: Guelmim-Oued Noun) وحدة من لجيهات ديال لمغريب اللي تصايبو عام 2015، من مورا ما نقصو عدد لجيهات من 16 لـ 12.[2] لجيهة كاينة فشمال لأقاليم لجانوبية ديال البلاد، و لعاصيمة ديالها هي ݣلميم، و مابين لمدون اللي كاينين فلجيهة: سيدي إيفني وطان طان وأسا-الزاݣ ولخصاص وبويزاكارن. عدد السكان على حساب لإحصاء اللي تدار فـ2014 وصل فهاد لجيهة لـ433,755.[3] لميساحة ديال لجيهة هي 46,108 كم².[4]
هاد لجدوال كايبين لأقاليم ديال لجيهة والسكان ديالها:[3]
| لأقاليم أولا لعمالات | شحال دلفاميلات | شحال دالسكان |
|---|---|---|
| إقليم أسا الزاݣ | 5,208 | 44,124 |
| إقليم ݣلميم | 40,214 | 187,808 |
| إقليم سيدي إيفني | 25,308 | 115,691 |
| إقليم طانطان | 19,472 | 86,134 |
| جهة ݣلميم واد نون | 90,202 | 433,757 |
هاد لجدوال كايعطي التطور ديال شحال دالسكان فلجيهة:[5]
| 2004 | 2014 | ||||
|---|---|---|---|---|---|
| 408,147 | 433,757 | ||||
| 2004 و2014: إحصاء رسمي ديال الدولة | |||||
جهة ݣلميم واد نون محاديها من الشمال جهة سوس ماسة ومن لجانوب جهة العيون الساقية الحمراء. هاد لجيهة فيها بزاف ديال لخصائص لجغرافية بحال أنه دايز منها جبال لأطلس الصغير ؤويدان بحال واد نون وواد درعة و وسهول خصبة وسهول صحراوية. لميساحة ديال لجيهة واصلة لـ46,108 كم². لجيهة ديال ݣلميم واد نون غالب عليها لمووناخ الصحراوي، بحيت أغلب لأراضي ديالها ماكاتفوتش التساقوطات فيها 120 ملم، وزيادة على الريح ديال الشرݣي اللي كايجي من الصحرا لكبيرة. هاد لجدوال كيعطي لمعلومات على لحرارة والشتا فمدينة ݣلميم اللي هي لعاصيمة ديال لجيهة.
| لموناخ ديال ݣلميم | |||||||||||||
|---|---|---|---|---|---|---|---|---|---|---|---|---|---|
| الشهر | يناير | فبراير | مارس | أبريل | ماي | يونيو | يوليوز | غشت | شتنبر | أكتوبر | نونبر | دجنبر | |
| معدّال لحرارة لعليا بـ C° | 18.9 | 20.1 | 21.7 | 22.9 | 24.4 | 25.9 | 27.6 | 28 | 26.9 | 25.6 | 22.5 | 19.5 | |
| معدّال لحرارة بـC° | 13.8 | 14.7 | 16.7 | 18 | 20 | 21.6 | 23.2 | 23.6 | 22.5 | 20.7 | 17.5 | 14.5 | |
| معدّال لحرارة السفلانية بـC° | 8.8 | 9.4 | 11.7 | 13.2 | 15.7 | 17.3 | 18.9 | 19.2 | 18.1 | 15.9 | 12.6 | 9.6 | |
| معدّال الشتا فالشهر بلميليميتر | 18 | 16 | 11 | 9 | 2 | 1 | 1 | 1 | 5 | 10 | 19 | 26 | |
مطار ݣلميم الداخلي هو مطار كاين فمدينة ݣلميم وكايسيرڤي لجيهة ديال ݣلميم واد نون. كيبعد لمطار على الصونطرڤيل ديال ݣلميم بـ4.2 كيلوميتر، وقريب من الطريق لوطنية 1 و الطريق لوطنية 21. كيتعتابر هاد لمطار فلمغريب مطار داخلي، ومنو كايمشيو بزاف ديال الرحلات فالداخل مدنيا وحتى على مستوى لعسكر وكايقدر يهز 700.000 مسافر.
مطار طانطان الداخلي (مطار طانطان الشاطي لبيض) هو مطار كاين فمدينة طان طان. كيبعد لمطار على الصونطرڤيل ديال طان طان بـ8 كيلوميتر، وقريب من لملاݣية ديال الطريق لوطنية 1 والطريق لوطنية 14. كيتعتابر مطار مغريبي داخيلي، ومنو كايمشيو بزاف ديال الرحلات فالداخل اللي إيما مدنية أولا ديال لعسكر، وكايخدم بزاف فوقيتة لموسم ديال طانطان.
ماكاينش شي أوطوروت كادّوز فلجيهة، والاكين كاينين 4 ديال الطرقان لوطنية اللي دايزة وهي الطريق لوطنية 1 والطريق لوطنية 14 والطريق لوطنية 17 والطريق لوطنية 21.
كاينة 200 ألف هيكتار فلجيهة ديال ݣلميم واد نون صالحة للزيراعة[6][7]، زيادة على هادشي كاينة 4 دلمليون هيكتار ديال لكسيب ديال الجمال ولماعز ولبݣر ولغنم. كاين فلجيهة الشجر ديال أرݣان والنخيل وحتى لكرموس. الصيد لبحري مزيان فلجيهة وكاين فلبحورة ديال سيدي إيفني (11.669 طن فـ2013) وطان طان (79.989 طن فـ2013)، واللي فيهوم واحد التروة كبيرة ديال لحوت.
لقطاب ديال الصيناعة لكبار فلجيهة هوما لمرسى ديال طان طان ولمدينة ديال ݣلميم، أما باقي لأقاليم فمافيهومش بزاف ديال الصيناعة بسباب ليستيتمارات اللي ماكاينينش. لينتاج ديال زيت لحوت والدݣيݣ هوما باش معروفة طان طان. مدينة سيدي إيفني معروفة بلمصانيع ديال لمواد دلبني. كاينة 33 وحدة صيناعية فلجيهة اللي مخدمة 3.104 دلپيرصونيل.[8]
_%D0%B2_%D0%A2%D0%B0%D0%BD-%D0%A2%D0%B0%D0%BD%D0%B5_(%D0%9C%D0%B0%D1%80%D0%BE%D0%BA%D0%BA%D0%BE).jpg)
التنوع ديال الطبيعة والتقافة هو اللي مخلي لجيهة تولي قبلة ديال السياح سوا من لمغريب أولا من برّا ديالو. فـ2016 جات 20.206 ديال السياح لجيهة، وتسجلات 34.576 ليلة ديال لمبيت. الناس ديال برّا جات من فرانسا والصبليون وبلايص خرة من أوروپا. لعادات والتقاليد ديال لجيهة والسوق ديال امحيريش ولموسم ديال طانطان كايجيبو السياح، ومع واحد لبحر اللي فيه 200 كيلوميتر فالطول بالرملة ديالو خصوصا فسيدي إيفني. لجيهة فيها لعيون اللي جارية وسط لواحات ولهضاب ديال الصحرا، ولكهوف ولحجر اللي تنقش هادي تلتالاف عام ولحامات اللي كاينين فجوايه ݣلميم وأسا-الزاݣ.[9][10]
- ^ guelmiminvest.ma…
- ^ "le maroc compte desormais 12 regions (بلفرانساوية)". مأرشيڤي من لأصل ف 5 يونيو 2015.
- ^ a b "لجريدة الرسمية عدد 6354 بتاريخ 23 شهر 4، 2015 - الصفحة 3" (PDF). مأرشيڤي من لأصل (PDF) ف 2021-09-25. تطّالع عليه ب تاريخ 2020-10-02.
- ^ "قائمة جهات لمغريب ولعواصيم ديالها ولميساحات ديالها - موقع sport-histoire.fr". مأرشيڤي من لأصل ف 2023-06-08. تطّالع عليه ب تاريخ 2020-10-07.
- ^ "الدينامية الديموغرافية والوضعية الاجتماعية والاقتصادية لجهة كلميم واد نون - 03.01.2017". مأرشيڤي من لأصل ف 2017-01-03. تطّالع عليه ب تاريخ 2020-10-02.
- ^ "الدينامية الديموغرافية والوضعية الاجتماعية والاقتصادية لجهة كلميم واد نون - أرشيف: 03 يناير 2017". مأرشيڤي من لأصل ف 3 يناير 2017.
- ^ "جهة كلميم واد نون في أرقام - تاريخ أرشيف: 22.07.2017". مأرشيڤي من لأصل ف 22 يوليوز 2017.
- ^ "لمونوغرافيا ديال جهة كلميم واد نون (بلفرونصي)" (PDF). مأرشيڤي (PDF) من لأصل ف 2022-01-20. تطّالع عليه ب تاريخ 2020-10-02.
- ^ "جهة كلميم وادنون..منتوج سياحي متنوع - 26.07.2017". مأرشيڤي من لأصل ف 2021-09-24. تطّالع عليه ب تاريخ 2020-10-02.
- ^ "بطاقة تعريفية عن جهة كلميم وادنون - وزارة الشباب والرياضة". مأرشيڤي من لأصل ف 2023-02-04. تطّالع عليه ب تاريخ 2020-10-02.
|
تقدر تزيد شوف بزاف د تّصاور و لمعلومات ديال Guelmim-Oued Noun ف ويكيميديا كومنز. |
