تازناست
تازناست
| ||
| النوع | لوغة | |
| تخدام | ||
| كايتهضر بيها ف | لمغريب | |
| لفاميلة داللوغات | ||
| لوغة د بنادم لوغات أفرو-أسيوية لوغات أمازيغية لوغات أمازيغية دالشمال لوغات زناتية | ||
| لخاريطة | ||
| ||
| لكواض لي كايعرّفو اللوغة | ||
| ڭلوطولوڭ | beni1249 | |
| لوغات مهددة | 283 | |
تزناست أولا أمازيغية بني يزناسن هي لهجة ريفية من لفرع الزناتي ديال اللوغات لأمازيغية دالشمال. كايهضرو بيها الناس فلحد ديال الشمال الشرقي دجهة الشرق فلبلاد دلمغريب. هاد لمينطاقة كاتسمى مينطاقا د جبال بني يزناسن (فالشمال دإقليم بركان وإقليم وجدة) وجاو الناطقين ديالها فبلاصة مابين تاريفيت والزناتية دغرب الدزاير. وصل لعدد دالناس اللي كايهضرو بيها ل100 ألف ف2013 على حساب داكشي اللي ݣال مارتين كوصمان.[1]
فمدينت بركان كيلغاولها بداريحة "الشلحا" يݣولو: واش تعرف الشلحا ؟
ولكين اللي يهدرو بيها يسميوها تمازيغت يقولو: تساوالذ تمازيغت؟ وتعني هل تتحدث بالامازيغية.
طوپونيميا الأصل ديال السميا
ختالفو بزاف ديال الباحثين على اصل سميت يزناسن ولكن يقول الباحث عبد الله لحسايني فكتاب "بنو يزناسن القصة الكاملة" بأن الأقرب للمنطق واللي شايع أنها جاية من زناتة لي هي قبيلة ماين ديالت ايمازيغن ( بحال ايصنهاجن وكتاما وغيرهم). وعلى هاذ الشي فيزناسن جاية من إيزناسن لي تعني الزناتيين يعني ولاد زناتة.[2]
لوغة غادية للانقراض
على حساب ليونسكو لوغت بني يزناسن راها غادية وتقلال وغادية للانقراض . وعلى حساب استقصاء ديال كتاب "بنو يزناسن القصة الكاملة" فثايزناسنيت بقات تقريبا غير فالنواحي القروية ديال بركان بحال فأكليم وشراعة وتافوغالت.[2]
لبلايص داللوغة
كاينة ناس كاتهضر بلوغة تايزناسنيت فبركان وبعض لبلايص اللي دايرين بيها، بحال أكليم وتافوغالت وزݣزل والشويحية والشراعة وبني عطية ورسلان وسهل تريفة. كانت واحد لإشاعة فالتمانينات باللي الناس اللي كاتهضر بليزناسية متخلفين واللي كايهضرو الدارجة هوما اللي متقدمين. هادا ماشي السبب اللول اللي خلّا اللوغة تبدا تنقارض. اللي خلّا اللوغة تبدا تضيع مابين الناس وتنقارض فبعض لحالات هو حيتاش كايعتابروها لوغة لبلاد ومايمكنش لجوج دالناس ماكايعرفوهاش بجوج يهضرو بيها.[2]
لمفاهمة
ݣال لعالم داللوغات لفرانساوي إدموند ديستاين باللي الناس اللي كايهضرو تايزناسنيت كايفهمو الناس اللي كايهضرو باللهجة دالزكارة، وبني بوزݣو وبني بوسعيد وأمازيغية بني سنوس والناس اللي كايهضرو بأمازيغية فيݣيݣ وتمازيغت دآيت سغروشن. هاد لمفاهمة كاتولّي صعيبة مع الناس اللي كايهضرو بتاريفيت، واخّا الناس اللي كايهضرو بالريفية كايفهموهوم. لمفاهمة كاتقدر تولّي مستحيلة مع الناس ديال سوس اللي كاتهضر غالبيتهوم بتاشلحيت.[3] من هاد لكلام لهضرة ديال بني يزناسن قريبة بزّاف لجّيران ديالهوم فلجانوب ولجانوب الشرقي برّا الريف: أمازيغية بني سنوس فلحدود معا دزاير، تمازيغت دآيت سغروشن وتمازيغت دآيت واراين.[3]
لقواعد
- على عكس تاريفيت، لحرف ديال التا كايوّلي حرف لها فتايزناسنيت (نتنين ⇐ نهنين هوما).
- لكاف ديال تاريفيت كايولّي حرف دليا (أكسوم ⇐ أيسوم لحم).
- لحروف ديال لحا ولعين ماكاينينش، ويلا كانو كايتلقاو فكلمات اللي تخادو من لوغات أمازيغية خرة، أولّا من لعربية.[2]
شي قواعد ديال الصرف والتحويل
لوغت بني يزناسن مكتستعملش الهمزة ديالت التعريف "أ" مشي بحال الشلحة ديال صنهاجة [2] بحال:
| الكلمة باليزناسنية | بالصنهاجية | بالعربية |
| يور Yur | أيور Ayyur | القمرة |
| باو Baw | أباو Abaw | الفول |
| يازيض Yaẓid | أيازيض Ayaẓid | دجاج |
| فود Fud | أفوذ Afud | ركبة |
| فوس Fus | أفوس Afus | يد |
| فيلو Filu | إيفيلو Ifilu | خيط |
وهاذو شي قواعد ديال الصرف والتحويل في ثايزناسنيت على حساب ما جاو فكتاب "بنو يزناسن القصة الكاملة":[2]
ضمائر الملكية في اليزناسنية:
(الملكية ديال ذكر واحد)
- ونّ ينو: ديالي ونّ نّغ: ديالنا
- ونّ نّك: ديالك (ذكر) ونّ نّوَن - ونّ نّوَم: ديالكم
- ونّ نّم: ديالكم (للنسا) ونّ نّوَمث : ديالكم للنسا
- ونّ نّس: ديالو ونّ نّسن : ديالهم
- ونّ نّسنت: ديالهم للنسا[2]
(الملكية للنسا للوحدة)
- تنّ ينو: ديالتي تنّ نّغ: ديالتنا
- تنّ نّك: ديالتك (ذكر) تنّ نّوَن - تنّ نّوَم: ديالتكم
- تنّ نّم: ديالتكي (مؤنث) تنّ نّوَمث : ديالتكم للنسا
- تنّ نّس: ديالتو تنّ نّسن : ديالتهم
- تنّ نّسنت: ديالتهم للنسا[2]
لأمثيلا ل كلمات بثايزناسنيث
هاذ لأمثيلا من كتاب بنو يزناسن القصة الكاملة:[2]
- مانابريد كيد توسيد؟ منين جيت
- ماين يوغين؟ شنو خصك
- ماين ينا ؟ شنو ݣال ؟
- ماين تقّارد؟ شنو تݣول؟
- ماين دين؟ شنو تما؟
- ماين خف يتّرو؟ مي خفي يترو ؟ علاش راه يبكي؟
- مان وَن يفّغَن؟ منشكون لي خرج؟
- ما نتن يرشلن؟ شكون هي لي تزوجت؟
- ماينما دي تنيد اور داك تيمنغ. وشما كلتلك متيقنيش.[2]