ويكيپيديا:لبرلمان/أرشيڤ 2

من ويكيپيديا
أرشيف هاد لپاج راها أرشيڤ. عافاك ماتبدّلش فيها. باش تزيد تعليقات جداد عافاك سير ل للپاج د النقاش لوريجين.


صفحة د لقرارات د إمغارن

سّلام دّراريات، على ما يتّبتو سّياسات و صّفحات لعملياتية ديالها، را درت صفحة ديال لقرارات لإدارية غادي تلقاوها هنا. بيدما نديرو لحْكام ديال لقرارات، را كاملين بيكوم يمكن تشاركو ف لقرارات ولا تفتحو نيقاشات تمّا. --Tifratin (نقاش) 16:54، 3 شتنبر 2020 (+01)[ردّ]

no مسدود  طبقّات

الجلالب و لقوالب

سلام دّراريات،ف صّفحة د دّوزان را مجمّعين لقوالب و الصّنادق اللي كاينين و تا لّي خاصّنا نديروهوم ب الزربة (خصوصا هادوك اللي بانو ف الخدمة د لحكام). هاكدا تكون عندنا بلاصة مجمّع فيها كولّشي و مانتلفوش. نداء للدراري اللي عندهوم معا لقوالب :) رضا، سمير تامر، Iliass.Aymaz عافاكوم يلا قدرتو تصاوّبو هادوك اللي ب لحمر. و نداء ل دّراريات كاملين أناس، إيديوفاجوس، آفاييل، مهدي، رضا، سمير تامر، Iliass.Aymaz، دام سام، أناس صديقي، دام سام، شاري إكس يلا بانتليكوم شي حاجة مفيدة تدارت و نسيناها زيدوها عافاكوم. و لّي لقا شي حل لشي كوموند نبقاو نطاگيو بيها كولّشي غايدير خير كبير :).Tifratin (نقاش) 02:40، 12 شتنبر 2020 (+01)[ردّ]

no مسدود  طبقّات لحاصول، لعزّ ل تامر على لمجهود لخرافي و لّي صاوب لقوالب كاملة ف نهار واحد و شكرا ل رضا على تحيين التصنيفات. الله يعطيكوم الصحة أدّراري.Tifratin (نقاش) 15:01، 13 شتنبر 2020 (+01)[ردّ]

لْحْركات

سلام دّراريات، مشاريع لْحْركات را عندهوم صفحة ديالهوم هنا. لْحْركة الرسمية لّولا (في حقبة ما بعد لحاضنة) غادي تكون على لمعاليم د لمغريب. لموضوع تّختار ف جتيماعات دازت هاد سّيمانة ما بين لمساهمين د لموسوعة و خّوتنا د ويكيميديا لمغريب. لّي زوين هاد لمرة هو أن لحركة غادي تكون مع فعاليات ويكي كاتبغي لمعاليم د هاد لعام، و يمكن تشمل تا واحد لمشروع ويكيميدي مدعوم من عند ويكيميديا لمغريب لّي هو مدينة ستوريز. لحركات غادي يخلّيونا نسرّعو الريتم د النمو د لموسوعة و نخدمو مجموعين و نقيسو بزّاف ديال لمواضيع. الصّفحة د لمشروع راها مفتوحة و يمكن ليكوم تقتارحو إخراج جديد ديالها ف صفحة نّيقاش ديالها. إشارة ل عبدالرحمان، رشيد أورقية، رضا، أناس، سمير تامر، إلياس، إيديوفاجوس، آفاييل، مهدي، صديقي، دام سام، شاري إكس، و يسمحوليا لّي ماقدرتش نطاگيهوم. عبدالرحمان و رشيد أورقية يلا قدرتو عافاكوم تزيدو روابط ويكي تهوى المعالم د لميطا ولا لكومنز ف الصفحة د لحركة.Tifratin (نقاش) 19:17، 13 شتنبر 2020 (+01)[ردّ]

Tifratin راه زدت الرابط د ويكي تهوى المعالم. شكرا على الجدول لي درتي في انتظار نديرو لبلورا ديال أكبر عدد من المعالم المهمة ف المغرب. --Abdeaitali (نقاش) 07:39، 14 شتنبر 2020 (+01)[ردّ]
شكرا عبدو، نشاء الله نبلورو و نديرو التنزيل ديال اكبر عدد د لمعاليم :).Tifratin (نقاش) 09:19، 14 شتنبر 2020 (+01)[ردّ]

واش باغيين لْحكام ف لموسوعة ولا لا؟

السلام على الجميع. لموسوعة ديالنا فيها واحد قلة المسؤولية اللي مابقاتش مقبولة و سمحوليا نسميها تبرهيش. كنا درنا اجتماع شحال هادي و كنا قررنا أننا نأجلو التواصل على لموسوعة إلى غاية تحقق جوج ديال الأمور ضرورية: 1- السياسات و الصفحات المسطرية ديالها. 2- نوصلو ل 5 آلاف مقالة. و تدارو جداول ديال الأشغال الضرورية اللي خاصّها تدّار و درنا الأغلبية ديالهوم و كاينين دراري تبارك الله اللي دارو مجهودات خرافية ف المسائل التقنية و التحرير. غير هو الي مامقبولش هو أن اللي حيحو على السياسات ما شاركوش بزاف ف لخدمة ديال لبني ديالها و حتا ف النقاشات ديال التصويت و كاينين اللي واخدين مسؤولية الإدارة و ما كايديرو والو. العذر ديال أننا كاملين غير متطوعين مابقاش مقبول حيت المتطوع ما كايديرش الطيارة ل لخرين باش يخدمو ف بلاصتو و من بعد ما يخدمو يبقا يتشرط و يقلب على المشاكل ف لحلول اللي قتارحوها.

دابا عندنا واحد لموشكيل: درنا سياسة ديال التبديلات الهيكلية اللي فيها سياسة النقل. و أنا متأكّد أنها قراوها غير شي 2 د الناس، فيها قاعدة ديال أن النقل خاصّو يحبس و يتناقش قبل ما يدّار، و أسباب النزول ديال هاد لقاعيدة هي أن لقواعد ديال عناوين لمقالات و النكرة والمعرفة مازال ما تابتينش (و لّي للتذكير الإداريين اللي قالو أنهم غايتكلفو بيها ناعسين عليهوم).

الأخ شاري إكس دار نقل و أنا قلتليه راها ضد السياسات (عاود دارو اليوم)، و هادا من حقو حيت، كيف ما نبّهني رضا، أي واحد فايت واحد العدد د التعديلات يمكن يدير النقل.

هادا موشكيل، حيت يلا بغينا نطبّقو لحكام، خاص الأخ شاري إكس يتنبّه (ولا يتعاقب)، ويلا كانو لحكام لكبار فوق لحكام ديالنا خاصّكوم تعاقبوني أنا، و تحلّو حلقة نيقاش جديدة من أجل تحيين لقاعيدة.

لموهيم، مزيان تكون الطموحات كبيرة (كيف ما كاتعبّرو عليها ف التيليگرام و لجتيماعات) والاكين خاصّكوم تقدّو بيها و خصوصا لإداريين، حيت يلا بقينا غاديين ب هاد الريتم، هاد لموسوعة غادية بثبات باش تولّي أضحوكة ديال لموسوعات.

عبدالرحمان، رشيد أورقية، رضا، أناس، سمير تامر، إلياس، إيديوفاجوس، آفاييل، مهدي، صديقي، دام سام، شاري إكس و يسمحوليا لّي ماقدرتش نطاگيهوم


Tifratin (نقاش) 15:27، 16 شتنبر 2020 (+01)[ردّ]

شوف آسي Tifratin، لموشكيلة ماشي مشكلة حكام، لمشكلة مشكلة شكون غايصوت. لعدد ديال لمساهمين قليل بزاف وقرب يولي منعدم. أنا معاكم فمعضم لحكام اللي كاتجيب الشرعية ديالها من لحكام لعالمية اللي كايتشاركوها ݣاع لموسوعات، واللي كان محلي ديك الساعات ندويو فيه، بحال فاش تناقشنا على النكرة ولمعرفة وألف واللام. كنضن باللي داكشي واقيلا سدينا لموضوع ديالو بلوساطة ديال لموشكيل التقني. واخا هاني غانمشي ݣاع ونحل حلقة على النقل نيابة على كولشي ونطلب النقل دجميع الصفحات اللي فيها التشكيل والنكرة وداكشي اللي متعلق، ولكن شكون هدا اللي غايصوت؟ ها أنا ݣاع غانمشي نجرب ونشوفو ديك الساعات. --سمير تامر (نقاش) 15:42، 16 شتنبر 2020 (+01)[ردّ]
السي Tifratin، ماعرفتش شنو هي المقالة التانية اللي حولتها حتا هي، اللولة "حوّلتها" بلا ماعرفت واش درتو شي حكام على هاد القضية، أصلا زعمت نبدلها غير حيت أنا اللي كتبها ف لاصل و ضنّيت بلّي إدن من حقي نبدلها، أمّا مانقيصش شي حاجة دارها وحداخر، و جاني التنبيه ديالك و طلبت العتيدار حيت ماكنتش عارف هاد الحكام، ماعرفتش واش زدت حوّلت شي مقالة وحداخرا و نسيت، قلبت ف ليسطوريك ديال المساهمات ديالي و ما بانش ليا واش بصّح عاودتها، المهم المرة الجاية غانكون حريص كتار و سمحولنا إلا تجاوزت الحدود.

أما بخصوص هاد القضية واش ماكاينش خيار أنكوم تمنعو على المستخدمين لاكسي/l'accès باش تجنبو هاد المشاكيل؟ --SharryX (نقاش) 15:49، 16 شتنبر 2020 (+01)[ردّ]

رأي شخصي ديالي آسي Tifratin هو أنه ماشي مسألة شكون خصو يتعاقب ب لقدر لّي كايهم هو أننا نزيدو ب لموسوعة لقدّام وماحد مازال لموسوعة كاتجرب شنو لي مناسب ف سياسات. إلا كان خلط بين لحكام لعالمية ولحكام ديال الدارجة نبدلو لحكام ديال هنا. كانقتارح نخليو لواحد يحول بدون نقاش إلا كانت ويكيپيديا كاتعطيه هاد لحق (مستخدم مؤكد تلقائيا) ولي مازال مايمكنلوش يحول يدير طلب تحويل ويقدم لأسباب. ويمكن يتحل نقاش ديال تّحويل ف صفحات لي فيها مشاكل. Iliass.Aymaz (نقاش) 20:04، 16 شتنبر 2020 (+01)[ردّ]

شكرا سمير تامر و SharryX على التفاعل ديالكوم. صافي ما وقع والو، أنا غادي بحالي، واقيلا ماشي مرغوب فيا ف هاد لمشروع. تهلاو ف راسكوم و تشرفت ب المعرفة ديالكوم.Tifratin (نقاش) 01:25، 17 شتنبر 2020 (+01)[ردّ]

Tifratin رأي شخصي ولكن ماكانش عليك تدير هاد لوجيست. لموسوعة محتاجة لناس بلكرم ديالك. ولكن هدا كيبقى قرار شخصي ديالك ونتا حر فيه. على أي فوقاش ما رجعتي مرحبا بيك راك كتبقى من لمؤسسين.--سمير تامر (نقاش) 12:27، 17 شتنبر 2020 (+01)[ردّ]

لخدمة لّي خاصّها تكمل ف لحكام د لموسوعة

السلام ل جميع الدراريات عبدالرحمان، رشيد أورقية، رضا، أناس، سمير تامر، إلياس، إيديوفاجوس، آفاييل، مهدي، صديقي، دام سام، شاري إكس، و بحال ديما يسمحوليا اللي ما مطاگيينش.

سمحوليا نعاود نبرزطكوم ب لقضية ديال لحكام. باش نسهّل تسريع عملية لخدمة ديالهوم و المصادقة عليهوم، لّي مازالا للأسف غادية ب بطء شديد.

تجدون أتحته :) جدول تفصيلي ب لحالة ديال لحكام لّي تدارو و لّي خاصّنا نديرو زيادة على أشغال مسطرية و إدارية عاجلة.

غانشارك معاكوم لمخاطر Risques لّي كايبانولي أننا غانواجهوهوم يلا نعسنا على هاد لخدمة. يمكنليكوم تزيدو وحدين خرين من المنظور ديالكوم. أي واحد فيكوم بغا يزيد مخاطر ولا خدمات آخرين يكتبها ف تعليق و أنا غادي نقوم ب تحيين الجدول، و هاكدا نضمنو توثيق يعاون اللي يخدمو على السياسات باش يقتارحو حلول عملية ل حل المشاكل.

تهلاو :) Tifratin (نقاش) 02:21، 20 شتنبر 2020 (+01)[ردّ]

واخا، ماشي موشكيل خاي Tifratin. دابا فين غايمكن ليا نشارك فالتصويتات، وكيفاش غايمكن ليا ندير الصياغات؟ أنا كنت كنفكر فطريقة خرى: نديرو طريقة لبرلمان دلمغريب كاتبان ليا ساهلة. نديرو مشاريع قوانين ونصوتو عليهوم ويلا كان شي تغيير نديروه، فوقت محدد. إلا سالات لمهلة بتصويت أولا بلا تصويت كيتطبق لقانون. من مورا لقانون كانديرو قوانين فرعية أولا "لأحكام التنضيمية دلقانون". هكا أنا كايبان حسن. علأقل كاتكون واحد التراتبية فلأولاويات. --سمير تامر (نقاش) 13:12، 20 شتنبر 2020 (+01)[ردّ]
سمير تامر شكرا على التفاعل ديالك. الطريقة والمسطرة اللي قترحتي را هي اللي كاينة دابا، كاينين "مشاريع القوانين" ف صفحات مستقلة (و راهوم منقولين هنا ف هاد الصفحة) .Tifratin (نقاش) 16:15، 20 شتنبر 2020 (+01)[ردّ]
شكرا با أمين علا هاد طابلو ديال تنسيق. كيما كاتشوف هاد ساعة جّماعة مازالة قليلة بزاف يعني حتا تفاعل ماغاديش يكون بداك لمستوى لمطلوب. لمهم، دقة دقة غادي يوصلو لأهداف لي محطوطة و نساليو معا لحكام و إلا بانو شي حوايج فطريق نعاودو نلونصيو نيقاشات عاوتاني. تحياتي. --Reda benkhadra (نقاش) 16:25، 20 شتنبر 2020 (+01)[ردّ]
صافي مزيان السي أمين. مللي خدامين هاكدا راه حسن حيتاش كيبانو لأولويات. آه وكيما ݣال لأخ رضا ماتوقعش شي تفاعول نيييت حيتاش راه حنا باقي قلال. --سمير تامر (نقاش) 19:15، 20 شتنبر 2020 (+01)[ردّ]
شكرا السي أمين على هاد لجدول اللي ف لحقيقة كيلخص كلشي و كينفع بزاف ف لمتابعة. انا من جيهتي غادي نحاول نخدم على أي نقطة نقدر عليها و لكن أياخد مني داكشي شويا د لوقت مع هاد لحكام تبارك الله وافبة و مهمة هههه. نتمناو إن شاء الله تا الدراري لإداريين لمهدي و الصديقي يتفاعلو فهاد لخدمة باش نزيدو نتقدمو كتر :) -- Anass Sedrati (نقاش) 19:57، 20 شتنبر 2020 (+01)[ردّ]
لخدمة لحالة ديالهوم كاين أمغار كاينسّقهوم* مخاطر
مطبّقين؟ تعرضو للنقاش العام؟ شحال من واحد ناقشهوم تدارت صفحة مستقلة؟ صفحات مسطرية؟
*: التنسيق كايعني، الإشراف على النقاش، وتأطيره و تحيين النصوص حسب الملاحظات. ل تسهيل لعملية من لأحسن يتطرحو الصيغ للتصويت كلما كبرو ب شكل نوعي
كيفاش كايتدارو لحكام و كايتبدّلو لا نعم - من غشت 2020 0 لا لا رضا - كاتضرب ف الزيرو الشرعية د هاد التمرين من الأساس.

- خاص تحفيز المساهمين يشاركو.

  • فتح الصفحة بالصيغة اللي كاينة - شكون غايديرو: مازال مامحدد - آخر أجل باش تدّار: مازال مامحدد - الحالة: ماتدارش.
  • تنسيق نقاش هاد لحكام اللي كاين ديجا ف لبرلمان (ولا تّفتح حلقة جديدة) - شكون غايديرو: مازال مامحدد - آخر أجل باش تدّار: مازال مامحدد-الحالة: ماتدارش.
  • إنشاء آليات إخبار ف صفحات الزملاء: قالب د رسالة الأسبوع فيه الطابلو ديال الأحداث الجارية اللي كاينة ف "بوابة المجتمع" - شكون غايديرو: مازال مامحدد - آخر أجل باش تدّار: مازال مامحدد-الحالة: ماتدارش.
لْحكام لكبار د ويكيپيديا لا نعم - من غشت 2020 2 لا لا رضا - شنو لمعمول يلا ما بغاش المجتمع يطبّقهوم؟
  • فتح الصفحة بالصيغة اللي كاينة - شكون غايديرو: مازال مامحدد - آخر أجل باش تدّار: مازال مامحدد - الحالة: ماتدارش.
  • تنسيق نقاش هاد لحكام اللي كاين ديجا ف لبرلمان (ولا تّفتح حلقة جديدة) - شكون غايديرو: مازال مامحدد - آخر أجل باش تدّار: مازال مامحدد-الحالة: ماتدارش.
لْحكام د لمحتوى - لّوغة نعم نعم - من غشت 2020 0 نعم نعم Tifratin - 0 مشارك ف التصويت، ماعندهومش شرعية كبيرة

- الناس لّي نشيطين ف ميزان لكلام و قتارحو مبادرات مزيانة ماشاركوش ف الصياغة

- كنّاش لكلمات الجداد ما فيهش نشاط واخّا كاين نشاط كبير ف بناء لكلمات من عند لمساهمين

  • تنسيق وإغلاق النقاشات المفتوحة ف ميزان لكلام و نقل لقواعد لّي تصادق عليها ل كناش لقواعد - آخر أجل باش تدّار: إلى حدود 14 أكتوبر 2020 تا شي نقاش ما محلول - الحالة: تدارت.
  • تنشيط صفحة كناش لكلمات الجداد، ب شكل تجريبي و بيداغوجي عبر أمتيلة من لكلمات الجداد اللي بناوهوم لموساهيمين ف لمقالات ديالهوم، يتقتارحو نيقاشات ف ميزان لكلام عليهوم - آخر أجل باش تدّار: مازال مامحدد - الحالة: ماتدارش.
لْحكام د لمحتوى - عناوين لمقالات نعم نعم - من غشت 2020 4 نعم نعم أناس - لغياب ديالهوم يؤثر على مشكل النقل

- لحد الآن غير مربوطة ب لقواعد اللي كاتأثر على لعناوين (النكرة و المعرفة متلا)

  • فتح الصفحة بالصيغة اللي كاينة - شكون غايديرو: Tifratin - آخر أجل باش تدّار: 11 أكتوبر 2020 - الحالة: تدارت.
  • تنسيق نقاش هاد لحكام اللي كاين ديجا ف لبرلمان (ولا تّفتح حلقة جديدة) - شكون غايديرو: أناس - آخر أجل باش تدّار: 11 أكتوبر 2020 -الحالة: تدارت.
لْحكام د لمحتوى - لحكام د شنو يستاهل يكون ف لموسوعة نعم نعم - من غشت 2020 5 نعم نعم أناس - خاصّ فتح صفحة مسطرية لنقاش الملحوظية

- زوم على "نازلة المؤسسين": واش خاص قتيراح لمقالات ل لحذف ولا خاصّها تّحدف نيشان بلا نقاش؟

  • فتح الصفحة بالصيغة اللي كاينة - شكون غايديرو: أناس - آخر أجل باش تدّار: 11 أكتوبر 2020 - الحالة: تدارت.
  • فتح فقرة توثيقية داخل صفحة لحكام لتجميع قرارات الملحوظية اللي خرجات من عند الجّماعة (يمكن نكتفيو باش تكون ف طلبات الحذف سوا لمقبولة ولا لمرفوضة لّي مرتابطة ب لملحوضية ولا تدار صفحة مسطرية جديدة) - شكون غايديرو: أناس - آخر أجل باش تدّار: 11 أكتوبر 2020 - الحالة: تدارت.
  • تنسيق نقاش هاد لحكام اللي كاين ديجا ف لبرلمان (ولا تّفتح حلقة جديدة) - شكون غايديرو: أناس - آخر أجل باش تدّار: 11 أكتوبر 2020 -الحالة: تدارت.
لْحكام د لمحتوى - لمصادر نعم نعم - من غشت 2020 7 نعم نعم أناس -كاين مقالات يستشهد فيها ب فيديوهات يوتيوب و بلوگات بل حتا ب روابط تعليقات ف مواقع التواصل لجتيماعي
  • فتح الصفحة بالصيغة اللي كاينة - شكون غايديرو: Tifratin - آخر أجل باش تدّار: 11 أكتوبر 2020 - الحالة: تدارت.
  • فتح فقرة توثيقية داخل صفحة لحكام لتجميع قرارات لمصادر اللي خرجات من عند الجّماعة (طبيعيا غادي تكون ف نقاشات ف لبرلمان ولا عند إمغارن) - Tifratin - آخر أجل باش تدّار: 11 أكتوبر 2020 - الحالة: تدارت.
  • تنسيق نقاش هاد لحكام اللي كاين ديجا ف لبرلمان (ولا تّفتح حلقة جديدة) - شكون غايديرو: أناس - آخر أجل باش تدّار: 11 أكتوبر 2020 -الحالة: تدارت.
لْحكام د لمحتوى -لمحتوى د جّملة نعم نعم - من غشت 2020 2 نعم نعم Tifratin -لمساهمين اللي عندهوم خبرة تقنية و مؤهلين باش يكونو هوما اللي يديرو التبديلات ب الجّملة ماشاركوش ف النقاش و ف وضع المؤشرات
لْحكام د لمحتوى -معايير لجودة نعم نعم - من غشت 2020 3 نعم نعم Tifratin -ناقصين صفحات مسطرية لتدبير لمحتوى لمزيان ف لموسوعة اللي كايبان ف الصفحة اللولا (بزّاف د لفقرات ماكايناش ل حد الآن صفحات مسطرية ديالهوم)

- نسينا مساطر تغيير شكل و مضمون الصفحة اللولا

  • فتح نقاش ف لبرلمان على شي صيغة د لحكام ديال الشكل و لمحتوى ديال الصفحة اللولا - شكون غايديرو: مازال مامحدد - آخر أجل باش تدّار: مازال مامحدد - الحالة: ماتدارش.
  • فتح الصفحة ب صيغة أولية - شكون غايديرو: مازال مامحدد - آخر أجل باش تدّار: مازال مامحدد - الحالة: ماتدارش.
  • حل المشاكل التقنية: كيفية إظهار عينة من المدخلات (عشوائية؟ وفق منطق معين؟) - شكون غايديرو: مازال مامحدد - آخر أجل باش تدّار: مازال مامحدد - الحالة: ماتدارش.
  • فتح الوصلات الحمراء لّي كاتبان ف الصفحة اللولا - شكون غايديرو: مازال مامحدد - آخر أجل باش تدّار: مازال مامحدد - الحالة: ماتدارش.
لحكام د لمحتوى - تّبديلات لهيكلية د لمحتوى نعم نعم - من غشت 2020 2 نعم نعم Tifratin - معايير النقل خاصّ التحيين ديالها، المعيار الحالي ماشي عملي

- صلاحية الأمغار باش يحذف دون نقاش عليها تحفظات.

- التحفظات كايطرحو إشكال ديال صلاحية الأمغار ف حدّ ذاتها و مشكل تراتبية السياسات في المشاريع و حتا لمشكل العملي في حالة الضغط.

  • فتح نقاش ف لبرلمان الصفحة د لحكام على التعديلات ف لحكام د النقل - شكون غايديرو: Tifratin - آخر أجل باش تدّار: 16 أكتوبر 2020 - الحالة: مفتوح.
  • فتح نقاش ف لبرلمان الصفحة د لحكام على التعديلات ف صلاحية لأمغار أنه يحذف بلا نقاش - شكون غايديرو: Tifratin - آخر أجل باش تدّار: 16 أكتوبر 2020 - الحالة: مفتوح.
  • فتح نقاش ف لبرلمان الصفحة د لحكام على التعديلات ف مستوى و تسميات الصلاحيات ف هاد لحكام - شكون غايديرو: Tifratin - آخر أجل باش تدّار: 16 أكتوبر 2020 - الحالة: مفتوح.
لحكام د الجّماعة - الصلاحيات لا مازال 0 لا لا مامحدّدش - دابا حنا ف حالة ديال كاينين غير 3 د لإداريين فعليين، و كاين قصور ف اتخاذ القرار بالشكل و التوقيت المناسبين، و الخلافات وصلت درجة تهدد quorum حلاقي النقاش والتصويت والشرعية ديالها. ما العمل؟

- خاصّ إعادة النظر ف معايير الترشح للإدارة، تفاديا لوصول ناس بحالي للإدارة :) (طلب عبّر عنه في أحد النقاشات ومسؤوليتي تحتّم علي إيصال كل الأصوات)

- شنو المعمول يلا كانو إداريين خاملين في أشغال إدارية ضرورية؟

- ما قيمة تصويت مستند على مغالطة مثبتة؟ هل يلغيه أو يشطبه منسق النقاش؟

- التحكيم هل المقصود به "تشكيل لجان خبراء في مجالات معينة"؟ أو "مناولة صلاحية الإدارة بشكل مؤقت" ؟ أو "شيء شبيه بصلاحية المراجع في مشاريع شقيقة"؟ أو تحكيم مستخدمين بصلاحيات عليا بين المشاريع؟

- ماهي قوة نفاذ طلبات التحكيم داخل المشروع؟

- واش ماخاصّناش نديرو آجال نهائية ل أي نقاش ولا تصويت محلول؟

- واش كاينة مسطرة د اختيار إداري الواجهة؟ يلا كانت و كان التصويت ديالها، خاصّو يتحطّ ف لبرلمان ولا ف صفحة مسطرية واضحة. حسب الممارسات الصحية، خاصّ يكونو عل لأقل 2 كيف ما كاتنص عليه السياسات ف مشاريع شقيقة.

- شنو كايدّار يلا كان إداري الواجهة قاصر في العمل ديالو؟

- كيفاش نحميو لموسوعة من ظواهر التكتلات و "لكليكات" و نقتل أسطورة "المؤسسين" اللي ماشي صحية.

- روابط نقاشات وتصويتات وطلبات الميطا مابايناش/مامعروفاش لكل المساهمين.

- إذا ختارت الجّماعة قنوات تواصل خارج المشاريع، خاصّها تتوثّق و تكون شفافة إلى أقصى حد ممكن.

- يجب منع تهريب النقاشات وصنع القرارات خارج الموسوعة ومرافقة المبدأ بأحكام زجرية.

- في النص المقترح ف لحكام، كاينة صلاحية "محرر"، واش تقنيا عندنا دابا؟ عندنا صلاحيات آخرا بحال رفع الصور مثلا؟

- واش لحكام د الصلاحيات غادي يكونو علا حساب المتوفر disponible ولا المتمنى souhaitable؟

- لمنع: يمكن يكون مباشر ف حالات التخريب لكتير ب الجّملة: يدّار نيشان ل مدة قصيرة و أي واحد طعن فيه و طلب أنه يرجع للتصويت كايتلغا و نعودو نصوتو عليه.

لحكام د الجّماعة - المنع و التّبدال د الصلاحيات لا مازال 0 لا لا مامحدّدش
لحكام د الجّماعة - التحكيم لا مازال 0 لا لا مامحدّدش
  • فتح نقاش ف لبرلمان على هاد لحكام - شكون غايديرو: مازال مامحدد - آخر أجل باش تدّار: مازال مامحدد - الحالة: ماتدارش.
  • فتح صفحة مستقلة ل هاد السياسات - شكون غايديرو: مازال مامحدد - آخر أجل باش تدّار: مازال مامحدد - الحالة: ماتدارش.
  • فتح الصفحات المسطرية د هاد الجزء من السياسات - شكون غايديرو: مازال مامحدد - آخر أجل باش تدّار: مازال مامحدد - الحالة: ماتدارش.

قتراح تعديل قالب "فقرة مازالا خاوية ولا ناقصة"

مقارنة تّعديل

كانقتارح تّعديل ديال لقالب {{فقرة مازالا خاوية ولا ناقصة}}.

لمشكل لي لاحظت:

ف مقالة لي فيها بزاف د لفقرات خاوين، كايجي لإعلام شوي ف لوسط ديال صّفحة وكبير.

لقتراح ديالي:

  • تصغير لخط ل7.5pt
  • تغيير لّون لخلفي ل #FBFBFB
  • تصغير لإطار باش يولي غي ف جنب وإزالة خاصية center.
  • تغيير ل padding.

نّتيجة مع لمقارنة:

شوف تصويرة

--Iliass.Aymaz (نقاش) 14:21، 20 شتنبر 2020 (+01)[ردّ]

معا صافي حتى هاكدا مزيان. --سمير تامر (نقاش) 14:43، 20 شتنبر 2020 (+01)[ردّ]
سلام شباب @Iliass.Aymaz و سمير تامر: ماحدكم جبدتو نيقاش علا هادشي ديال لقوالب، شنو بالليكم ف أنه نبدلو شكل ديال قوالب د صيانة لي كيبانو مكدسين و واخدين ميساحة كبيرة من لمقال. ها هو واحد لميتال لي نقدرو نعتامدو عليه. و بخصوص ديك لقضية ديال فقرة خاوية ولا ناقصة، نقدرو نديرو بحال لي كاين ف ويكيپيديا ب لفرانساوية لي دايرين فيها سطر صغير و ماواخدش ميساحة بزاف. تحياتي ليكم. --Reda benkhadra (نقاش) 15:43، 20 شتنبر 2020 (+01)[ردّ]
صافي واخا السي رضا اللي بان ليك. أصلا التصميم اللي درت هو أولي وقابل للتغيير إلا ماجاش مناسب مع لمقالات. غير هو ݣاع لقواليب خاص يكونو بتصميم واحد ولألوان كيما كانو باش يكون واحد لمقاربة ديال (متلا لحمر هو تنبيه، الدهبي ديال لمقالة المختارة، لݣري ديال لجيدة وهاكدا دواليك). --سمير تامر (نقاش) 15:54، 20 شتنبر 2020 (+01)[ردّ]
Iliass.Aymaz سمير تامر و رضا شكرا على لمجهودات ديالكوم ف التصميم د لقوالب و التحسين ديالها، غير بدلوهوم ب الشكل اللي كايبانليكوم أفضل، و ف نظري هاد لقضية ماتحتاجش تصويت باش ماتعدبوش راسكوم. نتوما ضابطين هاد المسألة التقنية و عندكوم شرعية باش تحسّنو لقوالب باستمرار. يلا شفتو أن شي شكل خاصّو يتحتارم يمكن لينا من بعد نحميهوم من التعديل ولا نديرولهوم حكام خاصين. غير زيدوهوم ف صفحة الدوزان يلا كانت شي حاجة جديدة باش يسهال على الجّماعة تلقاهوم و تفهمهوم.Tifratin (نقاش) 16:24، 20 شتنبر 2020 (+01)[ردّ]
شكرا علا لقتراح @Reda benkhadra:. تا أنا جاني لموضيل ديال ويكيپيديا ب لفرانساوية خفيف حيت فيه لكونتور صغير وماباينش وماكاياخدش بزاف. وهوكا نقدرو متلا نبدلو لون دلكنتور ونصغّروه ونردو لألوان لخلفية باهتة. -Iliass.Aymaz (نقاش) 18:01، 20 شتنبر 2020 (+01)[ردّ]

قتراح

آش بان ليكم نبدلو لعنوان ديال فقرة لأرتيكل لمزيانة ديال ليوم و تصويرة لمزيانة ديال ليوم ل لأرتيكل ديال ليوم و تصويرة ديال ليوم.Ali ahmed andalousi (نقاش) 17:20، 22 شتنبر 2020 (+01)[ردّ]

السلام عليكم السي علي. أنا جاتني مزيانة تتحيد لكلمة ديال "لمزيانة"، ولكن كانضن تا لكلمة د "لاركيتل" ماشي بلان و حسن تكتب لمقال ولا لمقالة. فهاد لحالة أتكون: لمقالة ديال ليوم و تصويرة ديال ليوم. لمهم هي فكرة زوينة و نتمنا نحيدو لكلة ديال لمزيانة و عاد نتافقو على الصيغة لاخرا. مع التحيات. -- Anass Sedrati (نقاش) 21:27، 22 شتنبر 2020 (+01)[ردّ]

بالنسبة لتصانيف

أهلا لخوت، واش يمكن لينا نزيدو ديك لاضافة ديال منشئ تصانيف لكاينة عند لعرب، حيث راه شفت سكريبت ديالها (ميدياويكي:Gadget-CatMaker.js) وجاني ساهل باش نترجموه ونخليوه يخدم هنايا وغادي يسهل علينا لخدمة ديال تصانيف بزاف.Ali ahmed andalousi (نقاش) 18:45، 24 شتنبر 2020 (+01)[ردّ]

اشارة لخوت: Anass Sedrati، Iliass.Aymaz، Tifratin، Omar2040.
أهلا السي علي. انا من جيهتي جاتني فكرة مزيانة وانا معاها، خاص غي شكون يقدر يديرها. زدت الطاكّ للدراري لاخرين باش تاهوما يشاركو معانا فالنقاش. عبدالرحمان، رشيد أورقية، رضا، سمير تامر، إيديوفاجوس، آفاييل، مهدي، صديقي، دام سام، شاري إكس. مع التحيات. -- Anass Sedrati (نقاش) 18:51، 24 شتنبر 2020 (+01)[ردّ]
لخوت علي و أنس، راه ترجمت هاد منشئ التصانيف. الترجامة غاتلقاوها هنا. إلا توافقتو على هادشي (و أنا معا أي حاجة تسهل لخدمة فلموسوعة) غير ديرو ليه كوپي كولي. --سمير تامر (نقاش) 19:12، 24 شتنبر 2020 (+01)[ردّ]
معا .فكرة مزيانة بزاف و أول مرة غانعرف كاينة هاد لإمكانية. تبارك الله عليكوم علي و تامر على التطبيق السريع. كاينة إمكانية نزيدو "المصناف الفوري" بحال ويكيبيديا العربية؟Tifratin (نقاش) 20:46، 24 شتنبر 2020 (+01)[ردّ]
Tifratin بطبيعة لحال امكن وساهلة هي هو خاص نصاوبو واحد صفحات خاصة كبداو ب ميدياويكي:وباش تصاوب هاد صفحات خاصك صلاحية داخلة فصلاحية أمغار و إداري د لواجهة.Ali ahmed andalousi (نقاش) 21:27، 24 شتنبر 2020 (+01)[ردّ]
معا فكرة مزيانة --Abdeaitali (نقاش) 20:52، 24 شتنبر 2020 (+01)[ردّ]
معا لفكرة مزيانة وغاتسرع لمصايبة ديال تّصانيف. Iliass.Aymaz (نقاش) 21:18، 24 شتنبر 2020 (+01)[ردّ]
  • مزيان تافقنا، هادشي باش اطبق خاصنا (interface administrator) تكون عندو خبرة وأنا كرشح لأخ Omar2040 لهاد دور لقبل ياخدو حيث عندو خبرة كبيرة واش متافقين؟؟؟.Ali ahmed andalousi (نقاش) 21:45، 24 شتنبر 2020 (+01)[ردّ]
معا فيكرة مزيانة بزاف. ديك صلاحية د مدير د لواجهة (IA) راه عندي إلا بغيتو بيها نطبقو هاد تبديلات. --Reda benkhadra (نقاش) 22:01، 24 شتنبر 2020 (+01)[ردّ]
خويا رضى إلا كانت عندك لخبرة فهادشي وقاد تصاوبو ف صاوبونا الله يجازيك بخير.Ali ahmed andalousi (نقاش) 22:43، 24 شتنبر 2020 (+01)[ردّ]
أهلا سي @Ali ahmed andalousi: صراحة ماعنديش تجريبة فهادشي والاكين نقدر نحط داك طيسط لي دار سمير تامر باش نشوفو كيفاش غادي يخدم. لمولاحضة لي عندي هو أنه هاد توول ماغاديش تسهل لخدمة باش تزيد لمقابل ف ويكيداتا (خاص ضروري دار يدويا كيما هنا) --Reda benkhadra (نقاش) 00:21، 25 شتنبر 2020 (+01)[ردّ]
Reda benkhadra ساهلة فلول غادي نربطوها يدويا من بعد غادي يكون بوت لي غادي يربطها ويضيفها لزارتيكل لي مرتبطة بها بالمقابل لإنجليزي وفرنسي.Ali ahmed andalousi (نقاش) 00:30، 25 شتنبر 2020 (+01)[ردّ]
@Ali ahmed andalousi: لا، ماحدك كاتدخلها يدويا ف راه ڭاع لمقابلات د ويكيداتا كيخرجو نيشان (ماكاين لابوت لاوالو)، لي كانسول هي واش كاينة شي طريقة باش هاد منشئ تصنيفات يدير ديك لخدمة ليدوية. --Reda benkhadra (نقاش) 00:38، 25 شتنبر 2020 (+01)[ردّ]
Reda benkhadra كنقتارح عليك تمشي لويكي عربية وتجربها فشي 10 تصانيف وعطينا رأيك.Ali ahmed andalousi (نقاش) 00:52، 25 شتنبر 2020 (+01)[ردّ]

أوديو قبل لقالب ولا لقالب قبل لأوديو؟

السلام عليكم،

بما أنني كانشجل بزاف د لمقالات أوديو، وحلت باش نعرف واش لأوديو خاص يبان ف لفوق د لمقال و لا لتحت. لموشكيلة إلا درت لأوديو تحت لقالب، هي باللي إلا كان لقالب الشخصي كبير، بحال ف هاد لمقالة، تا واحد ما غايهبط للتحت ڭاع باش يسمع لأوديو. عليها كانقتارح نتافقو واش نبداو نديرو لأوديو فوق لقالب التعريفي باش يكون باين و مسموع؟ و لا مامتافقينش على هاد لقضية؟

طاڭ لڭاع الناس النشيطين هنايا مرحبا بآرائكم. Tifratin، عبدالرحمان، رشيد أورقية، رضا، سمير تامر، إلياس، منير، آفاييل، مهدي، صديقي، دام سام، شاري إكس

مع التحيات -- Anass Sedrati (نقاش) 10:34، 30 شتنبر 2020 (+01)[ردّ]

لأوديو من لأحسن يبقا ديما لفوق. من لأحسن ينقص شوية الحجم ديال لقالب باش يكون غير قياس 2 سطورا و علاش لا يدار لفوق ف لوسط د الصفحة (بحال لقوالب د الصيانة).Tifratin (نقاش) 11:19، 30 شتنبر 2020 (+01)[ردّ]

آه متافق مع داكشي اللي گالو السي التيفراتين، من لموفضل يكون لفوق باش بلا مايهبط لواحد للتحت ويمشي يقلب عليه.--سمير تامر (نقاش) 12:47، 30 شتنبر 2020 (+01)[ردّ]
متافق يكون لفوق -- Abdeaitali (نقاش) 13:04، 30 شتنبر 2020 (+01)[ردّ]

شكرا بزاف Tifratin، سمير تامر و عبدالرحمان. أنستنا شويا لجواب من الدراري لاخرين، ويلا اتافقو أنطلّغ كلشي للفوق و الله يخليكم تا نتوما لفوق لفوق هههه. -- Anass Sedrati (نقاش) 14:49، 30 شتنبر 2020 (+01)[ردّ]

أهلا @Anass Sedrati: لي معمول بيه تقريبان ف ڭاع نسخ لخرين د ويكيپيديا هو لقالب د مقال مهضور كيجي من بعد صندوق لمعلومات. إلا بغيتو نقدرو نحسنو لمضهر د داك لقالب، و نردوه بحال لي كاين ف لهولاندية (لبارة د صوت كاتجي لفوق ڭاع). --Reda benkhadra (نقاش) 15:51، 30 شتنبر 2020 (+01)[ردّ]
شكرا @Reda benkhadra: على لجواب ديالك. كانضن آه شي حاجة يحال النسخة لهولاندية أتكون مخيرة بزاف حيت را مهم الناس يعرفو لمقالة متوفرة صوتيا و عليها مزيان الصوت يبان لفوق. يمكن لقالب لاخر يبقا لتحت لا شي واحد بغا تفاصيل بحال تاريخ التسجيل و لا يشوف التصنيف. واش تقدر تدير ديك لقالب لهولاندي الصغير؟ لا قدرتي أتكون حاجة مخيرة و أنبقا ديما نخدم عليه، شكرا بزاف؟ -- Anass Sedrati (نقاش) 19:26، 30 شتنبر 2020 (+01)[ردّ]
سلام ، أنا متافق مع رّاي ديال رضا باش تكون غي شي إشارة صغيرة ل لأوديو فوق لمقالة وتكون صغيرة باش مايأترش علا لمحتوى ويجي لقالب لكبير من بعد تحت لمحتوى. Iliass.Aymaz (نقاش) 21:02، 30 شتنبر 2020 (+01)[ردّ]
أنا متافق يكون القالب لفوق، داك لقالب ديال ويكيبيديا لهولاندية مزيان--Mohamed.mdb (نقاش) 20:09، 3 أكتوبر 2020 (+01)[ردّ]
متافق أن لْقالب ديال لأوديو يكون لفوق ديال لمقال، حيت ساهل يزڭلو بنادم يلا كان لتحت --Ideophagous (نقاش) 14:55، 18 أكتوبر 2020 (+02)

سلام شباب @Anass Sedrati, Abdeaitali, Iliass.Aymaz, Mohamed.mdb, سمير تامر, و Ideophagous: راه قاديت هاد لقضية دابا. تشجيل ؤديو ولا كيبان دابا لفوق ڭاع. --Reda benkhadra (نقاش) 01:39، 22 يناير 2021 (+01)[ردّ]

السلام عليكم @Reda benkhadra: وشكرا بزاف على لمجهود ديالك. عافاك إلا كان ممكن واخا تزيد ف لعرض ديالها باش تولي قد لعرض ديال لقالب اللي تحت منّها؟ حيت دابا تاتبان صغيرة بزاف و كاين اللي يقدر ما يشوفهاش. و لا شنو بان ليكم؟ -- Anass Sedrati (نقاش) 09:39، 22 يناير 2021 (+01)[ردّ]
سلام @Anass Sedrati: حاولت نكبرها شوية باس تزيد تبان. والاكين إلا زدنا كبرناها كتر غادي غير تخصر لمنضر ديال لمقالة و صافي. --Reda benkhadra (نقاش) 15:18، 22 يناير 2021 (+01)[ردّ]
شكرا بزاف @Reda benkhadra:. هاكدا را مزيان و باين حسن بزاف :) -- Anass Sedrati (نقاش) 19:17، 22 يناير 2021 (+01)[ردّ]

صفحة رسمية ديالنا ف الفايسبوك

السلام ل جميع الزملاء. ف فايسبوك كانت بانت واحد الصفحة ب سميت ويكيپيديا ب الدارجة، و اللي كان شار ليها Ali ahmed andalousi ف هاد السؤال ف نقاش الصفحة اللولة. كنت حاولت ندخل ف اتصال معاهوم و لكن ما جاني تا شي جواب (أستنتج أن الناس اللي دايرينها ما يمكنش يكونو من الجماعة ديالنا). صاوبت صفحة جديدة على أمل تكون هي الصفحة الرسمية ديالنا. اللي بغا فيكوم يساهم ف التنشيط و الإدارة ديالها مرحبا بيه. كانقتارح عليكوم نفكرو من بعد ف حكام خاصين ب قنوات التواصل ف شبكات التواصل الاجتماعي ب شكل احترافي و اللي يخدم المشروع. ب طبيعة الحال يلا كنتو مامتافقينش على المبادرة، نحذف الصفحة مباشرة.

الفكرة هي تكون قناة تجرّ مساهمين ياخرين و يكونو فيها محتويات مفيدة بحال فيديوهات تعليم التحرير، Edit-a-thons، و تعريف ب لحوايج اللي كاتميز المشروع (المقالات الصوتية متلا) وعلاش لا تكون تا مرجع د النقاشات اللغوية و التعريف ب الجماليات و البلاغة د اللسان المغربي (خصوصا المعلومات اللي كانكتشفوهوم ف التحرير د المقالات). الموهيم، كاين ما يدّار :). إشارة ل عبدالرحمان، رشيد أورقية، رضا، أناس، إلياس، إيديوفاجوس، آفاييل، مهدي، صديقي، دام سام، علي، Sami At Ferḥat، ، Sami At FerḥatMohamed.mdb، SharryX، سمير تامر.

Tifratin (نقاش) 10:48، 12 أكتوبر 2020 (+01)[ردّ]

السلام عليكم السي أمين وشكرا على لمبادرة ديالك. ف لحقيقة هاديك الصفحة اللولا كانو داروها الناس اللي بداو ويكيبيديا الدارجة ب لحرف اللاتيني ف 2008، و كمن هضرت معاهم ف 2012 و عطاوني لمشاركة فيها تانا، و لكن ماشي أنا مولاها. إلا بغيتيو، نقدرو نديرو دمج للصفحات بجوج باش يتزادو لمتابعين ديالهم بجوج. هنايا كيشرحو كيفاش كيدّار الدمج. أحسن حاجة هي شي واحد (رضا؟) يكون إداري فيهم بجوج و هو يدير الدمج.
أنا مستاعد نعاون فالصفحة الجديدة و هاد لأفكار كلها مزيانة بزاف. تبارك الله عليك السي أمين و شكرا. -- Anass Sedrati (نقاش) 12:29، 12 أكتوبر 2020 (+01)[ردّ]
أناس الصفحة بدات ف 2012 و على ضوء هاد المعلومات اللي تفضلتي بيها، استنتج أن الناس اللي دايرينها ماكاينينش معانا هنا ف المشروع (اللهم يلا بان شي واحد) حيت يلا كانو معانا هنا را موشكيييلة :). بما أن تا واحد "فينا" ما إداري ف ديك الصفحة، المنطقي بالتالي هو نتجاهلوها و ما يكون دمج معاها و الله يعاونهوم (ما دام تجاهلو محاولة التواصل معاهوم). على العموم، ديك الصفحة ما فيهاش إقبال كبير و كاينقلو غير المقالات، دون أي تنشيط فعلي. عندي ثقة أن حنا يمكن نديرو صفحة ديالنا كاملين ب سياسة تواصلية شفافة و محطوطة هنا ف لحكام ديالنا و نتعاونو كاملين ف التنشيط ديالها ب طريقة ذكية اللي تحبّب الناس ف المشروع. يلا الإخوان مشاو مع هاد الفكرة نحلو صفحة د حكام بسيطة يكون محطوط فيها شكون عندو الإدارة (يمكن نديرو تناوب) و مخطط نشر د الصفحة. Tifratin (نقاش) 12:46، 12 أكتوبر 2020 (+01)[ردّ]
@Tifratin: صافي أنا متافق على هاد الخطة و لإستراتيجية و فعلا مزيان ننشطو الصفحة حاجة مهمة. لمهم نشوفو الدراري لاخرين شنو أيقولو و نديرو فريق يخدم على هاد التواصل. -- Anass Sedrati (نقاش) 13:32، 12 أكتوبر 2020 (+01)[ردّ]
هاد الصفحة كانت بانت ليا شحال هادا، وكان يحساب ليّا نتوما اللي درتوها. على أي مزيانة تكون عندنا صفحة ديالنا على ودّيت نعرفو الناس بلمشروع.--سمير تامر (نقاش) 13:38، 12 أكتوبر 2020 (+01)[ردّ]
السلام السي أمين أنا متافق مع الفكرة غير إلى كان ممكن خاصنا نحجزو نفس السمية فالمنصات لاخرين باش تكون السمية موحدة--Mohamed.mdb (نقاش) 20:09، 12 أكتوبر 2020 (+01)[ردّ]
سّلام خاي أمين. مبادرة زوينة هادي لّي درتي. يلا بغيتي تزيدني أدمين فيها راه نقدر نعاون، حيت ديجا كنت سيرت عدد ديال لپاجات ف فيسبوك. ب نّسبة ل دّمج، كتبان ليّا فيكرة مزيانة يلا دّارت. --Ideophagous (نقاش) 13:19، 18 أكتوبر 2020 (+02)
Ideophagous مرحبا خويا، الأولوية لذوي الخبرة :). باش ننظمو الأمور نقترح عليكوم نحلو سياسة د التواصل ف شبكات التواصل الاجتماعي تكون باينة ل كولشي و معروفين الناس اللي خدامين عليها و فيها الجماعة تختار شكون يسير الصفحات و يحرر فيهوم و تكون مكتوبة تا القواعد د سياسة النشر فيهوم، باش نبقاو شفافين و معقولين. ب النسبة ل الدمج، أنا الرأي ديالي هو نتجاهلو ديك الصفحة انطلاقا من مبدأ "الخابية ما كاتّسخرش ل الغرّاف" :) Tifratin (نقاش) 13:10، 18 أكتوبر 2020 (+01)[ردّ]

لكتبة اللي كاينة لفوق هي أرشيڤ د نقاش أولّا تصويت قديم، وكاين هنا غير باش يتشاف. عافاك ماتبدّلوش.