لمداكرة د لخدايمي:Tifratin

أهلا سي Tifratin. لاحظت بلي راك كاتحذف صفحة ديال أمين التيفراتين من لموسوعة وتال دبا جوج مرات بعدما رجعها لإداري أناس. كانظن بلي راه معروف بلي صفحات ديال لبوغرافيا شخصية كاتخضع لنفس لقواعد ديال صفحات لوخرين، بغص نظر على واش كاتهم شي مستعمل ولا لا.خاص لجماعة هي لي تقرر بعد نقاش لحدف واش صاحب لبيوغرافيا كايخضع لشروط لملحوضية ولا لا. هدا مجرد تعقيب علا واحد لحركة لي بانتلي ماشي موسوعية وماعندوش علاقة مع لعلاقة لي كانت بيناتنا من قبل ولا مع لمساهمات ديالك لغنية ل لموسوعة.

كانتمنا مايكونش لحدف ديال لمقالة مجرد حركة ستغلال ديال صلاحيات لإدارية ضد لموسوعة.

تحياتي وعشية مبروكة ومرحبا بيك مجددا فكل وقت. نتلاقاو من جديد. Iliass.Aymaz (نقاش) 18:25، 17 شتنبر 2020 (+01)

Iliass.Aymaz بلا ما تلعب عليا العشرة :). غريب هاد الاهتمام المفاجئ بالسياسات. على أي المقالة ماشي موسوعية (أنا مجرد إنسان حقير ما عندي ملحوظية) وفيها معلومات شخصية عليا وعلى حساب السياسات اللي كاينة را عند الإداري سلطة تقديرية ف خذف المقالات. عاود قراهوم. على أي غادي نحطّ طلب أسيدي ف الصفحة ديال طلبات الحذف.Tifratin (نقاش) 18:49، 17 شتنبر 2020 (+01)

Tifratin معلوم راني مهتم، باش عرفتي أني مامهتمش أولا لي توصفو ب تّبرهيش مامهتمينش؟ ربما لمساهمين مشغولين بحاجات آخرين ف لحياة لويمية (بحالي أنا) وهاتشي لي كايديرو هو فقط مساهمة من وقتهوم ب دون مقابل إطلاقا، وربما لعدد ديال لمساهمين ولي عندهوم مع لموسوعية وهتمام ب الدارجة قليل تال دبا؛ لكن راه غايكون إجحاف أننا نوصفو هاد ناس ب تبرهيش ونصورو أن تاواحد ماكايدير تاحاجا فقط حيت ظاهريا ماكاينش تفاعل سريع. كانظن، وهادا رأيي، أنو باقي لوقت على تصويت نهائي علا لحكام عموما حيت 1. لعدد د لمقالات باقي قليل 2. لعدد د لمساهمين باقي تاهو قليل وب تالي أي حاجة صوتنا عليها ودوزناها ك حكام ماغاتكونش كاتمتل لأغلبية ديال لمساهمين ف لمستقبل. لحل ديالي هو يبقاو لحكام محلولين كيما كانو ف لول و ديما خاضعين ل تّطور ماحد لمجتمع كايكبر ويتزاد ونّاس تساهم ف لحكام تشاركيا. لخلاصة سّريعة ديال لي باغي نقول هو لإجتهاد مزيان لكن تّسرع يقدر يهرس كاع داكشي لّي تّبنا. تحياتي وهدا نقاش آراء وتصرفات وماشي نقاش أشخاص. Iliass.Aymaz (نقاش) 19:45، 17 شتنبر 2020 (+01)

السي إلياس هادشي كتبو ف صفحة النقاش اللي راها ديجا محلولة و بقا تهدر على نقط محددة. هادشي اللي كتبتي كامل راه ماشي جواب على الأسئلة اللي حطيت تمّا را غير كاتضيع ليا وقتي وكاتضيع وقتك.Tifratin (نقاش) 22:09، 17 شتنبر 2020 (+01)

كاتقصد ف نقاش لحذف لي تدار مؤخرا؟ نقاش لحذف د شي مقالة ماشي ديال لمبادلات شخصية لي بدات هنا. Iliass.Aymaz (نقاش) 22:21، 17 شتنبر 2020 (+01)

إلياس، راك جيتي عندي درتي فيا و أنا مشيت نحلّ نقاش تطبيقا للملاحظة ديالك (واخّا مامقتانعش بيها)، ماعندها معنى نبقاو نتناقشو أنا وياك هنا و تبقا تعاود ليا نفس الخطاب، لّي فيه غير بديهيات أنا عارفها. بلا غنان عافاك، سير ل الصفحة د نقاش الحذف و قدّم الدفوعات ديالك و جاوب على الأسئلة ديالي.Tifratin (نقاش) 22:26، 17 شتنبر 2020 (+01)

مرحبا من جديد

مرحبا بيك عاود أ السي أمين وشكرا على العطاء ديالك لعظيم لويكيبيديا الدارجة :) إن شاء الله بمزيد من التألق و تهلا ف راسك. مع التحيات. -- Anass Sedrati (نقاش) 16:27، 24 شتنبر 2020 (+01)

مقالات لعناصر

تحياتي السي أمين. أش بان ليك إلا جات على خاطرك نخليو إضافة لقوالب حتى نديرو إعادة كتابة للمقالات بطريقة نصية؟ إقدر غدا إلا كانت وقت نصاوب شي نمودج ونحطو فالتجاريب عندي.--سمير تامر (نقاش) 00:22، 3 أكتوبر 2020 (+01)

مزيان با تامر، دونك نكمل غير الربط مع ويكيداتا وبلا ما نقيس لمقالات ياك؟ باش نّيت ندوزهوم مرة وحدة، عييت :) Tifratin (نقاش) 00:27، 3 أكتوبر 2020 (+01)

صافي واخا إلا قدرتي كمّل الربط وغدا يكون خير. صراحة هادشي كايعيّي (خصوصا هاد ليام اللي خدمت فيهوم الطرقان ولجيهات هههه). ما علينا وقتاش مّا قاديت النمودج نطاݣيك. ليلة سعيدة.--سمير تامر (نقاش) 00:31، 3 أكتوبر 2020 (+01)

لعزّ با تامر، دمت ذخرا وملاذا للموسوعة. تصبح على خير.Tifratin (نقاش) 00:36، 3 أكتوبر 2020 (+01)

السي أمين مسعد النهار. النموداج اللي هضرنا عليه لبارح ها هو وجد وغاتلقاه هنا. لمصادير اللي حطيت راه هوما منين تقدر تجيب لمعلومات إلى كنتي غاتقاد لمقالات بنفس الطريقة اللي كنتي ݣلتي.--سمير تامر (نقاش) 13:41، 3 أكتوبر 2020 (+01)

تبارك الله عليك تامر. مجهود رائع. خاصني دابا نزيد لمعلومات الإضافية اللي كاينة ف النموذج ف الجدول ف حقول إضافية و نزيد الجمل د الربط. يلا نجحنا ف هاد العملية نعاودوها ف مجالات خرين، غانبالي بيهوم هاد لويكند. لحاصول راك معلّم :).Tifratin (نقاش) 14:27، 3 أكتوبر 2020 (+01)

صافي واخا خود وقتك وراحتك حتى وكان تسالي. --سمير تامر (نقاش) 13:23، 4 أكتوبر 2020 (+01)

با تامر، سمحلينا على التعطيلة مرة أخرى. شوف الشكل الجديد ف مقالة هيدروجين و قولي كيجاك، لمقالات را واجدين على نفس الشكل. المعلومات ياخرا اللي ف الفقرة التالتة (على حسب الاقتراح ديالك) لقيت فيهوم مشاكل واختلافات على حساب جداول البيانات اللي عندي، داكشي مختلف على حساب النظائر و خفت نزيدو و يكون غالط. من الأحسن نخليو دوك التفاصيل يتزادو يدويا من عند زملاء متخصصين من بعد.Tifratin (نقاش) 00:00، 9 أكتوبر 2020 (+01)

صافي ماشي موشكيل خاي أمين. مزيان نيت إلى خديتي ليحطيات ودرتي هاكاك حيتاش ما تعرف تكتب شي حاجة غالطو ويجيو يݣولو علينا مصدر غير موتوق.--سمير تامر (نقاش) 12:37، 10 أكتوبر 2020 (+01)

رفع لملفات

تحياتي السي أمين. إلى جات على خاطرك واش ممكين تدير لعملية ديال تفعيل رفع لملفات. كاينة ملفات فويكيبيديا بلعربية عندها إدن شخصي عام ومفتوحة وفاش كانبغي نصدّرها لكومنز ماكايبغيش، بحال هاد لملف. إلا كان مومكين تقدر تخدم على الرفع؟ هو ساهل سير غير هنا وكتب هادشي: * PD-self|ملكية عامة. صافي هنا إمكن غايتحل لمنع.--سمير تامر (نقاش) 23:54، 10 أكتوبر 2020 (+01)

تامر، واخا ما فهمتش العملية :) شوف واش صحيحة.Tifratin (نقاش) 06:38، 11 أكتوبر 2020 (+01)

إييه خاي أمين دابا خدّام. مشكور بزاف. --سمير تامر (نقاش) 21:16، 11 أكتوبر 2020 (+01)

Request

@إيان Hello, please if you can help me translate an article in English, Thank you so much https://ary.wikipedia.org/wiki/%D9%85%D8%AD%D9%85%D8%AF_%D8%A7%D8%B1%D8%BA%D9%8A%D9%88%D9%8A m.ecriture (مداكرة) 14:18، 28 أكتوبر 2022 (+01)

مسابقة ويكيپيديا لمغريب 2023

مرحبا! حالياً كاتّقام مسابقة ديال ويكيپيديا على ود تطوير لمحتوى لمغريبي ف ويكيپيديا ب الداريجة، بلإضافة ل ويكيپيديا لعربية و لأمازيغية. يلا كنتي مهتم(ة) تقدر(ي) تطّالع(ي) على التفاصيل و لقواعد د لمسابقة هنا، و ماتنسا(ي)ش تقيّد(ي) راسك ف هاد الصفحة، و تشوف(ي) لمواضيع لي يقدر يعجبك تكتب(ي) فيهوم هنا. يلا عند سؤال ؤلا ملاحضة، ماعليك غير تسوّل(ي) واحد من أعضاء لجنة التنضيم ؤلا التحكيم. تهلّا(ي)!--PGVBot (مداكرة) 10:13، 17 ماي 2023 (+01)