ويكيپيديا:لحكام د لمحتوى - التبديلات لهيكلية د لمحتوى

من ويكيپيديا
هادي صفحة ديال لْحكام د لموسوعة. هاد صّفحة محمية و مايمكنش يبدل فيها غير مستخدم أمغار.

يلا بغيتي تقتارح شي تبديل ف لْحكام ديال تّبديلات لهيكلية د لمحتوى، حلّ شي حلقة د نّيقاش ف لبرلمان ولا حلّ شي حلقة ف صّفحة د إمغارن.

روابط نقاشات لمصادقة: 1 - 2: تعديلات أكتوبر 2020 -

التبديلات الهيكلية د لمحتوى كانقصدو بيها التبديلات اللي كاتبدّل البنية د لمقالات و يمكنليها تخلق اختلاف ف وجهات النظر بين المستخدمين:

  • التحياد: فاش كانقرّرو نحدفو شي مقالة ولا شي صفحة من لموسوعة.
  • ترجاع التحياد: فاش كانبغيو نرجّعو شي صفحة تحيدات.
  • النّقل: فاش كانبدّلو سّمية د شي صفحة، كانخلقو تحويلة كاتحوّل لمقالة من سّمية لقديمة ل الصيغة الجديدة.
  • الدّمج: فاش كانقرّرو ندمجو جوج مقالات.
  • الحماية: فاش كانصغّرو لمجال ديال شكون يقدر يبدّل ف شي صفحة.
  • الترجاع: فاش كايتّلغا شي تبديل و كانرجعو لڤيرسيون أقدم د الصفحة.
  • تخبية د التبديلات: فاش كانبغيو نخبيو شي تبديلات ولا تعليقات باش ما يبانوش ف لموسوعة.

كيفاش و فين كايتطبّقو هاد لحكام[بدل لكود]

لعملية ديالاش؟ شكون كايطبق عمليا
التحياد صفحة محتوى أمغار بوحدو لّي يقدر يتحيّد صفحة أي مستخدم (أمغار ولا قلّ من أمغار) يمكن يقتارح التحياد و خاصّو يتبع هاد لمسطرة:
  • زيد لقالب ديال "هاد صّفحة خاصّها تحيّد"و كتب السبب اللي يقدر يكون ف هاد الليستا:
    • ملحوظية: يلا عتابر أن المقالة ما تستاهلش تكون ف الموسوعة.
    • مشكل ف الجودة: يلا عتابر أن الجودة د المقالة عيانة بزّاف (مشاكل ف اللغة، تنسيق ضعيف بزّاف،...)
    • ب النسبة ل التحياد د الصيانة (صفحات معاودين، صفحات فيهوم التفلية ولا هدرة خاسرة)
  • يلا ما كانش لقالب كايدير الطلب أوتوماتيكيا، دخل ل صفحة "طلبات التحياد" و حلّ حلقة نيقاش عليه و قدّم لأسباب.
  • خاصّ النقاش ينسّقو شي أمغار.
  • النقاش خاصّو يحاول ما أمكن يصلح لمقالة، و الحد الأقصى باش يبقا هو سيمانة من تاريخ آخر تدخل جوهري.
  • يلا تقرّر التحياد، لأمغار كايدير لخلاصة ف صفحة الطلبات، كايسدّ النقاش و كايحيّد لمقالة.

لأمغار يمكن يحيّد نيشان شي نوع ديال صّفحات، بلا نقاش، يلا شاف أنهوم ماكايحتارموش لمينيموم ديال لحكام د لمحتوى ولا مرونين ب واحد شّكل لّي كايسيء ل صّورة د لموسوعة. واخّا هاكاك، خاصّو يوتّق أي تحياد كايديرو ف الصّفحة ديال طلبات التحياد ب خلاصة صغيرة.

ترجاع التحياد صفحة محتوى أمغار بوحدو لّي يقدر يرّجع صفحة محيّدة أي مستخدم (أمغار ولا قلّ من أمغار) يمكن يطلب ل ترجاع ديال صفحة محيّدة و خاصّو يتبع هاد لمسطرة:
  • دخل ل صفحة "طلبات ترجاع لمقالات لمحيّدة" و حلّ حلقة نقاش على الطلب و قدّم لأسباب.
  • خاصّ النقاش ينسّقو شي أمغار.
  • يلا تقرّر الترجاع، لأمغار كايدير لخلاصة ف صفحة الطلبات، كايسدّ النقاش و كايرجّع لمقالة.
النقل صفحة محتوى أي واحد عندو صلاحية فوق مؤكد تلقائي يقدر ينقل شي صفحة أي مستخدم عندو گراد اكبر من "مؤكد تلقائيا" يمكن ينقل سمية أي صفحة ف لموسوعة ف هاد لحالات:
  • لعنوان مكتوب ب شكل كايخالف لقواعد اللي مصادق عليها ف كناش لقواعد.
  • فيها شي غلط د لكتبة باين ولا بديهي (مايحتاجش نقاش)

توصيات:

لحالات لخرين، اللي يمكن يكونو السميات (لقديمة والجديدة) بجوجهوم مقبولين، من لأحسن (توصية ماشي إلزامية) باش لمساهم يقوم ب :

  • يعلم اللي سما الصفحة ف اللول ب القرار ديالو و يقدم تبريرات و يدار نقاش على النقل بيناتهوم.
  • يلا شاف أن النقل مرتبط ب خلق ولا تدريج مصطلحات جديدة، يحاول على قد جهدو يحل نقاشات ف ميزان لكلام باش يتوضعو قواعد جديدة و يزيد يكبر كناش لقواعد و كناش لكلمات الجداد، و هاكدا عملية النقل غادي تكون مفيدة ل الجماعة و يمكن تشمل بزاف د لمقالات.

ف الحالات لخرين (مستخدم أقل من مؤكد تلقائي ولا شي نقل اللي المستخدم يقدّر فيه أنه يمكن يكون خلافي) :

  • دخل ل صفحة "طلبات النّقل" و حلّ حلقة نقاش على الطلب و قدّم لأسباب.
  • خاصّ النقاش ينسّقو شي أمغار.
  • يلا تقرّر النّقل، لأمغار كايدير لخلاصة ف صفحة الطلبات، كايسدّ النقاش و كاينقل الصفحة.
دّمج جوج صفحات ولا كتر د لمحتوى أمغار بوحدو لّي يقدر يدمج أي مستخدم (مؤكد تلقائي) يمكن يقتارح الدّمج و خاصّو يتبع هاد لمسطرة:
  • زيد لقالب ديال "هاد صّفحة خاصّها تّدمج معا صفحة خرا".
  • يلا ما كانش لقالب كايدير الطلب أوتوماتيكيا، دخل ل صفحة "طلبات الدمج" و حلّ حلقة نقاش عليه و قدّم لأسباب.
  • خاصّ النقاش ينسّقو شي أمغار.
  • يلا تقرّر الدّمج، لأمغار كايدير لخلاصة ف صفحة الطلبات، كايسدّ نّيقاش و كايطبّق القرار (دمج + تحياد الصّفحة الزايدة).

لأمغار يمكن يدمج نيشان شي نوع ديال صّفحات، بلا نقاش، يلا كان باين أنهوم متشابهين. ف هاد لحالة خاصّو يعلم المساهمين لّي خدمو عليهوم و يوتّق لقرار ف صفحة الطلبات ب خلاصة صغيرة.

الحماية د شي صفحة ف لمشروع أمغار بوحدو لّي يقدر يحمي أي مستخدم (أمغار ولا قلّ من أمغار) يمكن يقتارح باش يحمي شي صفحة و خاصّو يتبع هاد لمسطرة:
  • دخل ل صفحة "طلبات لحيماية" و حلّ حلقة نيقاش عليه و قدّم لأسباب.
  • خاصّ نّيقاش ينسّقو شي أمغار.
  • لحيماية خاصّها تكون ل أقل وقت ممكن.
  • يلا تقرّرات لحيماية، لأمغار كايدير لخلاصة ف صفحة الطلبات، كايسدّ نّيقاش و كايطبّق القرار.

لأمغار يمكن يحمي من داتو شي صفحات يلا كانو من الصفحات الإدارية د لموسوعة (ديال لحكام، لْقواعد...) ولا شي صفحات كاتّعرض ل تخريب كبير. واخّا هاكاك خاصّو يوتّق لعملية ديالو ف صفحة الطلبات.

الترجاع د شي تعديل أي واحد عندو صلاحية فوق محرّر أي مستخدم عندو صلاحية فوق مؤكد تلقائي يمكن يسترجع بلا نيقاش و بلا ما يكون ملزوم ب شي قرار د جّماعة شي تبديل ف لموسوعة، غير هو خاصّو يحتارم هاد لْحكام:
  • يحتارم قاعيدة الترجاعات التلاتة و مايدخلش ف مناگرة د لكتابة (حرب تحريرية).
  • يحاول على قد جهدو و على حساب السياق يتناقش على التبديل (ف صفحة نيقاش لمقالة و لا ف صفحة نيقاش لمستخدم).
  • يحاول يستعمل آليات التحكيم لّي كاينة ف لموسوعة: لبرلمان - صفحة إمغارن - فرق التحكيم الموضوعاتية.
تّخبية د تّبديلات د شي تبديل ولا ملخّص تبديل ف أي صفحة من لمشروع أمغار بوحدو لّي يقدر يخفي أي مستخدم (أمغار ولا قلّ من أمغار) يمكن يقتارح باش يخبّي شي مضمون كاين ف شي تبديل ولا تعليق و خاصّو يتبع هاد لمسطرة:
  • دخل ل صفحة "طلبات التّخبية" و حلّ حلقة نيقاش عليه و قدّم لأسباب.
  • خاصّ النقاش ينسّقو شي أمغار.
  • يلا تقرّرات التّخبية، لأمغار كايدير لخلاصة ف صفحة الطلبات، كايسدّ نّيقاش و كايطبّق القرار.

لأمغار ما يمكنش يخبّي من داتو شي مضمون بلا ما يعلم جّماعة.

زوم على لقواعد د التنسيق[بدل لكود]

  • الحلقة د النقاش ديال طلب تبديل هيكلي خاصها تبقى على الأقل 3 أيام باش تّعطا الفرصة ل النقاش ديالو.
  • لحلقة د النقاش ديال طلب تبديل هيكلي ماخاصّهاش تبقا محلولة كتر من سيمانة، من تاريخ آخر تدخل جوهري (يعني اللي عندو تأثير كبير على النقاش)
  • ماشي ضروري إمغارن كاملين ينسّقو نفس الطلب: واحد كافي.
  • إمغارن مأهلين و منتاخباهوم جّماعة باش يقرّرو، ماخاصّهومش يتعطّلو بزّاف ف لقرار.
  • التنسيق كايعني تنضيم ديال لحلقة، سّدان ديالها ب طريقة باينة و تّطبيق د لقرار.
  • يلا كان شي نقاش على شي تبديل هيكلي فيه شي أمغار معني ولا طرف ف شي خلاف تحريري، ماخاصّوش هو نّيت ينسّق لحلقة، خاصذ يكون أمغار آخور.
  • المساهمين كاملين عندهوم لحقّ يعطيو رأي ديالهوم ف لحلاقي د طلبات تّبديل لهيكلية د لمحتوى.

صفحات مرتابطة[بدل لكود]