ويكيپيديا:لحكام د لمحتوى - عناوين لمقالات

من ويكيپيديا
هادي صفحة ديال لْحكام د لموسوعة. هاد صّفحة محمية و مايمكنش يبدل فيها غير مستخدم أمغار.

يلا بغيتي تقتارح شي تبديل ف لْحكام ديال العناوين، حلّ شي حلقة د نّيقاش ف لبرلمان ولا حلّ شي حلقة ف صّفحة د إمغارن.

روابط نقاشات لمصادقة: 1 -

لحكام د لعناوين

حكام عامة
  1. لعنوان د لمقالة خاصّو يكون باين و ساهل ف التّقلاب و مختاصر على قد لممكن.
  2. ما يمكنش يكونو جوج مقالات عندهوم نفس السمية.
  3. يلا كانو السميات كايتشابهو خاصّهوم يتميّزو ب شي كلمات زايدين باش يقدرو يتعرفو و بشكل كايسهّل تّقلاب عليهوم. متلا يلا كانو جوج بلايص جغرافيين عندهوم نفس السمية خاص يتزاد بين جوج قواس سمية الدولة و لا الجيهة ديالهوم. نفس شّي ل الشخصيات، متلا يمكن تتزاد لمهنة ديالو و لا باش معروف بين جوج قواس.
  4. يمكن ل الجماعة تقرّر تزيد قواعد مفصلة ف هاد لباب ب النسبة ل شي مجالات محدّدين: السميات د لمدون، د لكتوبا، د لأفلام،... (شوف لتحت الليستة د لقرارات)



حكام د لحروف ؤ لكاراكطيرات ف لعنوان
  1. يمكن يتخدّمو حروف لاتينيين ف سمية لمقالة يلا كانت لكتابة ديالهوم ب الدارجة يمكن تصعّب لفهامة ديالهوم ولا التقلاب عليهوم: متلا ف لحالة ديال السميات لمختاصرين ف لمجالات د الشّيمي و لا سميات النّيازك.
  2. شّكل ف لعنوان رّئيسي د لمقالة ماخاصّوش يتخدّم حيت كيدير مشاكيل ف تّقلاب، لي تقدر تودي ل مقالات مضوبلين ؤ تعقد لخدمة ديال لكتاتبيا. شّكل يقدر يتدار ف لعنوان ديال تّحويلات. يلا بان ليك عنوان فيه شكل ؤ حوّلتيه ل عنوان بلا شكل، ماتحدفش لپاج ديال تّحويل لي فيها لعنوان لأصلي. يلا بان ليك بلي سّمية د لارتيكل بلا شكل تقدر تودي ل تخلاط معا أرتيكل أخور، تقدر تزيد وصف ؤلا تحديد بين جوج قواس، متلا كورة (سپور)، موقابيل كورة ؤ لكورة (كورة). ف هاد لحالة، يلا كانو كتر من 3 د صّفحات متشابهين ؤلا مواضيع لي يقدرو يتخالطو، حسن تزيد صفحة د تّوضيح باش لي كيقلب علا مقال منهوم يقدر يلقاه ب سهولة. ميتال ديال صفحة د تّوضيح: كورة (توضيح). يلا كانو غير جوج د لإمكانيات، يكفي تخدّم لموضيل قالب:ميز بحال هاكا {{ميز|عنوان د لمقال لاخور}} ف لبدية د لمقال.
  3. هاد الرموز ما يمكنش تكون ف سمية شي مقالة حيت كاتخلق مشاكل تقنية: # + < > [ ]


حكام د لّوغة و لمعنى
  1. السمية د المقالة خاصّها تكون نكرة لّاهومّا يلا كانت سّمية معروفة كتر ب شّكل ديالها ب تّعريف بحال متلا لمغريب.
  2. يلا كان تّعريف خاصو يكون ف لعنوان، خاص يتدار ب ال ب نّسبة ل لحروف شمسية، ؤ ل ب نّسبة ل لحروف لقمرية.
  3. ما خاصّش يتزاد ف السمية د لمقالة شي كلمات ديال التفخيم ولا كايبغيو يكبّرو ولا يصغّرو ب لحاجة ولا الشخصية لّي مكتوبة عليها لمقالة. (متلا "صاحيب لجلالة ولا رضي الله عنه ولا شي حاجة بحال هاكدا).


حكام مخصصين خرجو من قرارات د الجماعة

لمجال لحكام حلقة لمداكرة لي تخاد فيها لقرار
لوغة يلا كان تّعريف خاصو يكون ف لعنوان، خاص يتدار ب ال ب نّسبة ل لحروف شمسية، ؤ ل ب نّسبة ل لحروف لقمرية. ال vs شّدة