ويكيپيديا:طلب صلاحية بوت

من ويكيپيديا
اذهب إلى التنقل اذهب إلى البحث
هادي صفحة طلب صلاحية بوت و لّي هي لعملية فين كيراجعو لمديرين (إمغارن) د ويكيپيديا طلبات و كيقررو يعطيو صلاحية د بوت لشي مستخدم، باش يكون عندو مزيات تقنية زايدة كاتعاونهم ف صيانة بطريقة ؤطوماتيك.


لحْكام د صّفحة:

  • أي موساهيم عندو لحقّ يناقش طّلبات و يطرح سوالات باش يفهم لمضمون د لبوت و مجال لعمل ديالو.
  • تّصويت و لقرار عند إمغارن بوحدهوم.
  • كل حلقة خاصّ ينسّق نيقاش ديالها شي أمغار، يدير لخلاصة ديالها، و يسدّها مزيان و يطبّق لقرار د جّماعة.
  • لمحتوى د جّملة ف لموسوعة كايتسير على حساب لحكام لخاصّة ديالو، لّي كاينة هنا.


ب نّسبة ل طلبات محتوى جّملة برا طلبات لبوتات، كايتناقشو ف هاد صّفحة. فيها نّيت خاصّ يتقدمو طلبات متعلّقة ب بوتات ديجا كاينة يلا بغات تزيد خدامي جداد.

ترشيحات لي كاينة دابا[بدل لكود]

DarijaBot[بدل لكود]

سّلام أ دراري. سمحو ليّا علا تّعطال ف هاد لبلان ديال لبوت. لموهيم هاد لْپاج غادي ندير فيها تّفاصيل ديال لأهداف ؤ لمهمّات لّي غادي يدير. يلا كانت ناقصة شي حاجة ؤلا عندكوم شي ملاحضات ؤلا زيادات، ماتسقرموش علينا.

مهمّات ب ستيعمال ل API ديال پاي ويكي
  • لمهمة رّئيسية: لمصاوبة ديال مقالات فيها فقرة وحدة ب لعتيماد علا ليستة من نفس تّصنيف (فلام، ممتلين، حيوانات، مدون، إلخ). هاد لّيستة غادي تجبد علا شكل فيشيي CSV من ويكيداطا، غادي يترجموها ؤلا يعمروها مساهيمين معانا، ؤ من بعد سكريپت ديال لبوت غادي يحولها لكود د ويكيپيديا ؤ يزيدها ف سّيت. كلا سطر ف لفيشيي غادي يعطي أرتيكل.
    • شحال د لفريكونص: فوقما كملات شي ليستة غادي يخدم عليها لبوت.
    • شكون غادي يخدم هاد لبوت: نقدر نلونصيه رّاسي من بعد لموافقة ديال شي أمغار، ؤلا نحطو أونلاين ؤ نزيد تعليمات باش أي أمغار يقدر يخدمو. لّي جاكم مزيان.
    • مهمّات خرين: كنضن حسن كتافيو ب هاد لمهيمة دابا حتا ل من بعد، ؤلا مهمات خرين يدّارو ليهم بوتات خرين.

@Anass Sedrati, Mehdi Immähder, Reda benkhadra, و SADIQUI:

--Ideophagous (نقاش) 20:54، 14 شتنبر 2020 (+02)

نقاش[بدل لكود]

شكرا بزّاف إيديوفاجوس على لمجهود لجميل ديالك و هاد لبوت غادي يكون ربح كبير ل لموسوعة. عندي بعض لقتيراحات و لأسئلة:

  • لبوت غادي يبدا ينشأ لمقالات بوحدو؟ ولا غادي يخلق نصوص واجدة ب لكود لمصدري نزيدوها يديويا؟
  • واش من لممكن نديرو شي أمتيلة على لمقالات لمولّدة باش نحلّقو على الشكل د لمقالات و نشوفو شنو نقدرو نوجدو (تصنيفات، قوالب، صنادق...).
  • يلا كان لبوت يقدر يدير زيادات د جّملة، يمكن يزيد فقرات (قابلة للتوليد الأوتوماتيكي) ف مقالات ديجا كاينة؟ بحال جداول لمؤشرات لإحصائية ف مقالات لبلدان. Tifratin (نقاش) 22:27، 14 شتنبر 2020 (+01)


السلام عليكم السي إيديوفاجوس وشكرا بزاف على لخدمة ديالك. ف لحقيقة عندي نفس لأسئلة بحال السي أمين، حيث هاد الساعة حنا باقي كانحاولو نخدمو على لجودة متر من لكمية د لمقالات. ولكن معلوم لا كان هاد لبوت أيعطي مقالات لجودة ديالها مزيانة إيوا علاش لا؟ -- Anass Sedrati (نقاش) 10:27، 15 شتنبر 2020 (+01)

مرحبا ب سّي أمين ؤ سّي أناس، ؤ شكرا علا لمسوالات ديالكم.
لبوت غادي يبدا ينشأ لمقالات بوحدو؟ ولا غادي يخلق نصوص واجدة ب لكود لمصدري نزيدوها يديويا؟
ليمكانيات بجوج كاينين. ف لحالة تانية مامحتاجينش نڤاليديو لبوت أصلا، حيت ماغاديش يبدل شي حاجة ف ويكيپيديا رّاسو. يلا بغيتو نبدا ب هاد لحالة هيّا لّولة باش تشوفو شنو نّتيجة لّي غادي تخرج قبل ما لبوت تكون عندو صّلاحية باش يدير تعديلات بوحدو، واقيلا غادي تكون حسن. نقدرو نديرو تيست ب شي ليستة ديال 5 د لحيوانات متلا نعمرو سمية، لفقرة ديال شّرح ؤ لمصدر، ؤ نلونصي لبوت ؤ نسيفط لشي أمغار لكود باش يزيدو كمقال ؤ يشوف واش داكشي مزيان ؤلا لا.
واش من لممكن نديرو شي أمتيلة على لمقالات لمولّدة باش نحلّقو على الشكل د لمقالات و نشوفو شنو نقدرو نوجدو (تصنيفات، قوالب، صنادق...).
وي، ممكن. كيفما ڭلت، نبداو واقيلا ب تيست ؤ نشوفو من تماك شنو لمرحلة جّاية.
يلا كان لبوت يقدر يدير زيادات د جّملة، يمكن يزيد فقرات (قابلة للتوليد الأوتوماتيكي) ف مقالات ديجا كاينة؟ بحال جداول لمؤشرات لإحصائية ف مقالات لبلدان.
وي، مبدئيا ممكن. مي هادي مهمة خرى من غير زيادة د لمقالات ب جّملة. كنضن نركزو علا مهمة وحدة حتا تقاد مزيان عاد نشوفو مهام خرين.
يولكن معلوم لا كان هاد لبوت أيعطي مقالات لجودة ديالها مزيانة إيوا علاش لا؟
كنضن لاهداف بجوج ماكيتعارضوش طالما مكنقلبوش غير علا لعدد ؤ صافي. نقدرو نركزو علا شي تصنيف (حيوانات ديال لمغريب متلا) نزيدوهوم كاملين ب لبوت باش يكونو مقالات واجدين ؤ موراها لمحررين يزيدو فقرات جداد فيهم باش طلع لجودة ديالهم. من ناحية خرى، نقدر نخلي لبوت ياخد من مقالات مكتوبة ف فيشيي وورد متلا ؤ تكون لجودة ديالهم مزيانة من لبدية. غادي يخص غير نتافقو علا لفورما ديال لكتبة باش يطلعو لفقرات مقادين ب لعنواين ديالهوم ؤ داكشي.
يلا ماعندكومش عتيراض نقدر نبدا ب تيست ؤ نوريكم نّتيجة كيفما شرحت لفوق. غادي نجبد فيشيي CSV فيه حيوانات متلا من ويكيداطا، نترجم لفقرة لّي فيه ل دّاريجة، نقاد لمهمة ديال لبوت ؤ نلونصيه، ناخد لكود لّي خرج ؤ نزيد بيه مقالات، ؤ نحط ليانات ديالهم هنا (ؤلا نعطي لشي أمغار يزيدهوم يلا بغيتو تزيدو تيقنو). -- Ideophagous (نقاش) 18:29، 15 شتنبر 2020 (+02)
Ideophagous نقدرو نجرّبو ب لمعاليم د لمغريب؟ حيت كاينة واحد لْحْركة عليهوم دابا. شوف قاعدة لبيانات لّي كاينة ف هاد لملف. كانفضّل شخصيا لمعاليم ولا لأفلام. لحيوانات خاصّها تسبقهوم خدمة كبيرة ديال التصنيف و إنشاء بزّاف د لمصطلحات التقنية (الأنواع و السّميات ديالهوم ف حد داتهوم) لّي مازال ما درناها. ب نّسبة ل لأفلام كايبانولي أسهل، را كنا درنا واحد لمولّد بدائي :) ب گوگل ش. يلا بغيتي تآنسبيرا منّو.Tifratin (نقاش) 17:57، 15 شتنبر 2020 (+01)
أوكي سّي أمين. ب نّسبة ل نّص واش كتجيبوه من مقال ف ويكيپيديا خرة؟ نقدر ف هاد لحالة ناخد لموقدمة ديال واحد من لأرتيكلات ب لعربية ؤلا لفرونسي ؤلا نڭليزية (بهاد تّرتيب علا حساب لّي متوفر). -- Ideophagous (نقاش) 17:49، 17 شتنبر 2020 (+02)
مرحبا مرة خرة. بغيت نطلعكم علا تطور لحالي ديال لبوت. أولا درت تيست ديال نسيفط تيكست لپاج ديال ويكي. تقدرو تشوفو نّتيجة ف هاد ليان (لجملة لّي تزادت لتحت) https://www.mediawiki.org/wiki/User:Ideophagous/Project:Sandbox. تانيا، جبدت من ويكيداطا ليستة ديال لعالم د لمغريب علا شكل فيشيي json، ؤ حولتهم ل فيشيي Excel فيه كولّا موضوع ؤ فقرة من ويكي ب نڭليزية ؤ لفرانساوية ؤ لعربية (فاش كتكون متوفرة). هاد لفيشيي زدتو عندي ف Google Sheet ؤ تقدرو تلقاوه هنا https://docs.google.com/spreadsheets/d/1-KkyZstvUAOCZRxqSdtwsFg3tOYi2Fln6SU_rFDgwiY/edit?usp=sharing. لفيكرة ديالي هيّا أن كولّا واحد بغا يساهم يقدر يزيد سمية ديالو ف ديك Sheet ؤ سمية د لارتيكل ؤ لفقرة ب دّاريجة. فاش يعمر لفيشيي، ديك ساعة لبوت، من بعد مايكون تقبل من طرف لإدارة ديال ويكي، غادي يزيد كولشي ب جّملة ف ويكيپيديا. يلا كان شي مقال ديجا موجود ف ويكيپيديا، حسن يتحدف سطر ديالو من لفيشيي، مي ف جميع لحالات راه غادي نتيستي واش لارتيكل كاين ؤلا لا، قبل مانبدل شي حاجة. يلا عندكوم شي ملاحضات ؤلا قتيراحات مرحبا. -- Ideophagous (نقاش) 14:08، 25 أكتوبر 2020 (+02)
إمغارن، عطيو عافاكم رأي ديالكم هنا، باش نقد ندوز ل لمرحلة جّاية
@Tifratin @Anass Sedrati @Reda benkhadra
--Ideophagous (نقاش) 15:05، 03 نوڤنبر 2020 (+01)
دّراري، شي جديد هنا؟ @Anass Sedrati @Reda benkhadra
--Ideophagous (نقاش) 08:46، 15 مارس 2021 (+01)
السلام عليكم السي منير، أنا متافق. من جيهتي سير عالله -- Anass Sedrati (نقاش) 16:36، 17 مارس 2021 (+01)


سلام أ دراري. سمحو ليّا علا تّعطيلة ف هاد لبوت. تّيست لّول ديال زّيادة ب جّملة درتو ب هاد لپاجات: صمعة د حسان، فندق نجارين، جامع لفنا، ؤ ضريح د محمد لخامس. هادا غير تيست، ضونك حاولت نخلي داكشي بسيط علا قدر لإمكان. يلا جاكم داكشي مزيان، ڤوطيو باش نقدر نزيد لبوت بشكل رسمي ؤ نبدا نطور فيه. --Ideophagous (نقاش) 00:39، 24 أبريل 2021 (+02)
سلام مره خرة @Anass Sedrati, Reda benkhadra, و سمير تامر:. تيست تاني ديال زّيادة ب جّملة درتو هاد لمرة ب طّريقة لّي كنت شرحت ف طيليڭرام، ديال نجبد لمعلومات من ويكيداطا، نطرجم لمعلومات لّي خاصها تطرجم، ندير طومپليت ديال تّيكست، ؤ نخلي لبوت يعمر ديك طّومپليت ؤ يقاد تّيكست.
هاد طّريقة غادي تختاصر علينا لخدمة بزاف. يقدرو يتزادو مياوات ؤلا آلاف د لمقالات من نفس نّوع (شخصيات، معالم، مدون، ...) بزّربة، طالما لمعلومات عليهم متوفرة ف ويكيداطا. حتا يلا ماكانتش متوفرة غادي تكون هادي فرصة باش نعمروها حنا ف ويكيداطا، ؤ منها نيت يكونو لپروجيات د ويكي كاملين عندهوم أكسي ليها.
لموهيم، درت تيست ب لكريپطوعملات، ؤ زدت 7 منهوم. غادي تلقاوهم كاملين ف تصنيف:كريپطوعملة (بيتكوين ؤ لايتكوين كانو ديجا، داكشي لاخور زادو لبوت). متال ديال طومپليت د تّيكست: "{} مبازية علا طّيكنولوجيا د {}". دوك لمعقوفات كيعمرو ب سّمية ديال لكريپطوعملة ؤ طّيكنولوجيات علاياش مبازية. يلا كانت هاد لمعلومة علا طّيكنولوجيا مامتوفراش، ماكاتزادش هاد لجملة ف تّيكست.
يلا بان ليكم داكشي مزيان، غادي نلونصي لبوت باش يزيد 23 خرين ديجا واجدين، ؤ غادي نطلب باش يتڤاليدا هاد لبوت. كاينين مهمات خرين يقدر يديرهم لبوت، حتال من بعد ؤ نزيد ليهم پاج ديالهم. --Ideophagous (نقاش) 16:19، 03 ماي 2021 (+02)
السلام السي منير. انا ماعنديش مشكل نخدمو بوت ولكن كاين مشكل ديال لجودة ولاّ ديال نوليو بحال ويكيبيديا لمصرية اللي كلشي تينتاقدها. كانضن مزيان نديرو بوت تينشأ لمقالات ولكن نعطيوه مهام محددة وقليلة شويا، ماشي آلاف لمقالات، باش يالله نقدرو نصلحو و نقادو لجودة. بحال دابا نديرو بوت ديال كاع لعواصم د لعالم، ولاّ لمدون اللي فوق 10 د لمليون د الناس، و نمشيو دقة دقة، مع حنا قلال و باش ينادم ماينتاقدش لجودة د لويكيبيديا الدارجة. شنو بانليك؟ -- Anass Sedrati (نقاش) 17:41، 3 ماي 2021 (+00)
ڤوالا، متافق @Anass Sedrati:. لّي قصدت هوّا أن لآلاف د لمقالات غادي يقدو يتزادو ب مجهود قليل بزاف ب لمقارنة معا يلا درناهم ب ليد. يقدر واحد يدير حركة بوحدو متلا فيها 20 تال 50 مقال، باش يزيد أهم لمدون ؤلا شّخصيات ف شي دولة كا متال، يعمر لفيشيي د إكسيل، يقاد طّومپليت د تّيكست ؤلا نقادها أنا، يزيدهم لبوت، ؤ موراها يتكلف هوّا ب لمراجعة باش تكون لجودة د لكتبة مزيانة، ؤلا يزيد يكتب ف لارتيكلات حسن عاد. ب طبيعة لحال فينما كاينة شي حركة، خاص يتّعلن عليها ؤ توافق عليها جّماعة ؤ تزاد ف لپاج ديال لحركات، سوا يخدم عليها واحد ؤلا بزاف. --Ideophagous (نقاش) 19:53، 03 ماي 2021 (+02)

تحياتي خاي @Ideophagous:، هو مزيان نبداو نديرو بيه لمقالات ولاكين غير لداكشي اللي كايتعاود وفيه لخدمة بزاف، بحال لحيوانات ولمدون لكبار كيما ݣال لأخ أناس. على أي خدمة نقية وبالتوفيق.--سمير تامر (نقاش) 17:57، 3 ماي 2021 (+00)
تبارك الله عليكم أ الدراري @Ideophagous:، @سمير تامر:. أنا مستاعد نعاون ف لمراجعة و التصحيح ملّي يخرجو ديك لمقالات باش تا هوما تكون عندهم جودة مزيانة. تحياتي -- Anass Sedrati (نقاش) 18:10، 3 ماي 2021 (+00)
سلام أ دّراري @OussamaOuh, Reda benkhadra, Anass Sedrati, سمير تامر, و عصام أزناك:. لبوت تڤاليدا ف ميطا. خاص دابا جوج حوايج: لّولة لبلانات ديال لحركات خاصنا نقادّوهوم. ؤ تّانية عطاشات (مهمات) جداد ل هاد لبوت، فاش مايكونوش عندنا حركات خدّامين. كنضن أهم حركة دابا هيّا ديالت لمعاليم د لمغريب. عندي ديجا ليستة ديال 400 معلمة تقريبا كاينة ف ويكيداطا، مي باقي مادخلناهومش عندنا. غادي يخصني نعاود نقادها ب لموضيل باش قادّيت لكريپطوعملات، ؤ غادي ندير پاج خاصة ب هاد لحركة ؤ نزيدها ف لبلاصة لمناسبة. لّي بغا يشارك ديك سّاعة ف تّعمار د لّيستة ؤ لمراجعة د لمقالات مرحبا. لّي عندو شي حركة خاصة بغا يخدم عليها بوحدو (متلا لمدون د جّاپون)، يعلمني ف لپاج د نّيقاش ؤ نقدرو نخدمو عليها. ف جميع لحالات ضروري لمراجعة باش نتيقنو من لجودة د سّتيل ؤ لمحتوى.
من غير زّيادة ب جّملة، لعطاشات لإضافية لّي كنقتارح: زّيادة ديال طاڭات بحال فاش كيكونو ناقصين عيون لكلام، ؤلا ماكاينش ليانات دخلانية (زنقة ماكاتخرجش)، ؤ غيرهم؛ زّيادة ديال "عيون لكلام" ؤلا تصحيح من "لمصادر" ل "عيون لكلام"؛ تحويل ديال تّصنيفات؛ شي أفكار خرين يسهلو علينا لخدمة؟ --Ideophagous (نقاش) 10:10، 12 ماي 2021 (+02)
أزول ا سي @Ideophagous: معا أنا ماكنتش معاكم فبديا د نقاش قدرت نفهم شي حاجة خفيفا المهم الا كانت شي حاجة فيها لخدمة و جوج يخدمو عليها بحال (مدونة ديال شي بلاد) أنا معاه ندير جهدي فيه لكن خاصني نفهم شنو ضور دلبوت هنا وفاش يقدر يعاونا ؟ واخا يكون تبسيط غير خفيف للبوت
و من ناحية يبدل من "المصدر" و يصححها "عيون لكلام" غايكون عاوننا بزااف حيت ديما كانحاول نقادهم ولكن هما كتار و حتا "لعيون" يحولها "عيون لكلام"
عصام أزناك (نقاش)
لبوت دّور ديالو هوّا يزيد عدد كبير د لمقالات ب جّملة، ب ليعتيماد علا ليستة ديال لمعلومات كاينة ف فيشيي إكسيل كنعمروها حنا. متلا ليستة د 100 أكبر مدينة ف لعالم مازدناهاش ف ويكيپيديا، نقدر نجبدها من ويكيداطا، ب مجموعة د لمعلومات (لبلاد، عدد سّكان، فوقاش تّبنات، ؤ زيد ؤ زيد)، ؤ نطرجمو حنا لمعلومات لّي مامطرجماش ب دّاريجة ف لفيشيي، ؤ لبوت غادي يدوز علا ديك لّيستة ؤ يقاد مقال ل كولا مدينة فيه فقرة وحدة، بلا مانزيدوهوم حنا بيدينا. شوف أمتلة ف هاد تّصنيف (تصنيف:كريپطوعملة). لارتيكلات تماك كولهوم زادهوم لبوت، من غير جوج كنت قادّيتهم أنا. دّور ديالنا حنا هوّا نطرجمو لمعلومات، ؤ نراجعو لمقالات من بعد باش نتيقنو بلي داكشي مكتوب مزيان من ناحية د سّتيل ؤ شّكل. ب طبيعة لحال خاص من بعد نزيدو نكتبو ف هاد لمقالات، شّي لّي لبوت مايقدش يديرو بوحدو. --Ideophagous (نقاش) 16:01، 12 ماي 2021 (+02)
@Ideophagous: أه شكرا بزاف على شرح وراه غايسهل لأمور بزاف يقدر إلا بغا شي حد يتعاون معايا نديرو مدونا ديال فرنسا بحكم لمغاربة كايقلبو تماك بزاف على لمدونا بحكم جالية لمغربية و ناس كايسافرو بزاف لتماك عاد نشوف تاني أكتر دولة كايقلبو عليها لمغاربة غالبا غاتكون صبانيا و نبقا غادي بحال هاكا.عصام أزناك (نقاش)

السلام خويا Ideophagous. سمحليا بزّاف على التعطيلة ف لإجابة. أنا معاك ف التفكير ف الهيكلة، يلا بغيتي نخدموه ف صفحة التجارب ديالك متلا، شي مقالة Type و تما على حساب الهيكلة ديالها تقدر نتا توجّهنا ف لكتابة ديالها ب طريقة كاتسهّل البرمجة عليك. ولا نجرّبو ب هادي؟ يكفي نديرو مقدمة + صندوق معلومات زوين فيه تصويرة + خريطة + معلومات. و ها حنا ضمنّا مئات المقالات غير ب الترجمة د المقدمات.Tifratin (نقاش) 16:46، 18 شتنبر 2020 (+01)

ترشيحات لقدام[بدل لكود]

شوف لأرشيڤ.