ويكيپيديا:طلب صلاحية بوت

هادي صفحة طلب صلاحية بوت و لّي هي لعملية فين كيراجعو لمديرين (إمغارن) د ويكيپيديا طلبات و كيقررو يعطيو صلاحية د بوت لشي خدايمي، باش يكون عندو مزيات تقنية زايدة كاتعاونهم ف صيانة بطريقة ؤطوماتيكية. لحْكام د صّفحة: أي مساهم عندو لحقّ يناقش طّلبات و يطرح مسوالات باش يفهم لمضمون د لبوت و مجال لعمل ديالو. تّصويت و لقرار عند إمغارن و لكتاتبيا لي عندهوم كتر من 100 تبديل ف لموسوعة. شوف تّفاصيل ف لحكام د لبوتات. كلّا مداكرة على طلب خاص يسيّرها شي أمغار، يدير لخلاصة ديالها، و يسدّها مزيان و يطبّق لقرار د جّماعة. لمحتوى د جّملة ف لموسوعة كايتسير على حساب لحكام لخاصّة ديالو، لّي كاينة هنا. ب نّسبة ل طلبات محتوى جّملة برا طلبات لبوتات، كايتناقشو ف هاد صّفحة. فيها نّيت خاصّ يتقدمو طلبات متعلّقة ب بوتات ديجا كاينة يلا بغات تزيد خدامي جداد.

بدّل

طلب ديال بوت جديد

كتب الطلب ديالك ف صفحة فرعية جديدة لي عندها عنوان بحال هاكا <ويكيپيديا:طلب صلاحية أمغار/سمية د لخدايمي د لبوت>. شوف أمتلة ديال كيفاش كيتكتبو الطلبات ف لأرشيڤ. فاش تسالي، زيد الطلب ديالك تحت من هاد السطر ب هاد لكوض (عوّض ب السمية د لخدايمي د لبوت ديالك): {{ويكيپيديا:طلب صلاحية بوت/سمية د لخدايمي د لبوت}}

WikiAtlasBot

لخدايمي: DERDAKI ILIAS
سمية لبوت: WikiAtlasBot
لوغة د لبرمجة: Python (Pywikibot)

هاد لبوت غادي يدير بعض تبديلات لأوطوماتيكية بستعمال API ديال ويكيپيديا، بحال:

• نصحح لقوالب فالمقالات.
• نظم ؤنصحح تصنيفات.
• نصايب شي صفحات ؤلا لمقالات بطريقة منظمة.
• بعض لمهام د صيانة لمتكررة فالموسوعة.
• نصحح بشكل أدق لمقالات ديال لعوام ( مهمة أساسية ).
• نرفع لمقالات دقة واحدة ديال دواور من بعد ما نراجعهم باليد ( من لواساخ ).

شكون غادي يخدم هاد لبوت: غادي نلونصيه رّاسي.
شحال د لفريكونص: لخدمة اتكون مفرقة على حسب لمشروع، ولكن تقريبا أيكون 1 تعديل كل 7–10 ثواني.

إلى كانو شي أسئلة ؤلا قتراحات مرحبا بها. Ideophagous ; Anass Sedrati ; Reda benkhadra ; Rachidourkia  ; Minorax ; Mr. Lechkar ; Mohammed Filali Fassi ; سعيد الشاعر الغريب ;

تعليق: سلام @DERDAKI ILIAS: مبدئيا ماعندي تا شي إشكال، ولايني حاول عافاك ماتعاودش نفس الخدمة لي كايديرو بوتات خرين، باش تكون قيمة مضافة. غادي يكون مزيان يلا درتي شي تيست ب الإصلاح ديال مقالات العوام. حڭا يلا بغيتي تطاڭي شي خدايمي، خاصك تخدّم الموضيل {{جاوب}}.--Ideophagous (مداكرة) 13:09، 22 مارس 2026 (+01)

التيست بعدا ماكايفوتش 50 تبديل، باش الإداريين العالميين مايبلوكيوش ليك البوت. Ideophagous (مداكرة) 13:11، 22 مارس 2026 (+01)

معا متافق حاجة وحدة حاول ضروري ميكونش سبام واي مقال تحط من طرف بوت يتربط مع نسخة ديالو بلوغة اخرى يلا كانت بالتوفيق Mohammed Filali Fassi ^{(مداكرة)} 17:16، 22 مارس 2026 (+01)

ترشيحات لقدام

شوف لأرشيڤ.