ويكيپيديا:طلب صلاحية بوت

هادي صفحة طلب صلاحية بوت و لّي هي لعملية فين كيراجعو لمديرين (إمغارن) د ويكيپيديا طلبات و كيقررو يعطيو صلاحية د بوت لشي خدايمي، باش يكون عندو مزيات تقنية زايدة كاتعاونهم ف صيانة بطريقة ؤطوماتيكية. لحْكام د صّفحة: أي مساهم عندو لحقّ يناقش طّلبات و يطرح سوالات باش يفهم لمضمون د لبوت و مجال لعمل ديالو. تّصويت و لقرار عند إمغارن و لكتاتبيا لي عندهوم كتر من 100 تبديل ف لموسوعة. شوف تّفاصيل ف لحكام د لبوتات. كلّا مداكرة على طلب خاص يسيّرها شي أمغار، يدير لخلاصة ديالها، و يسدّها مزيان و يطبّق لقرار د جّماعة. لمحتوى د جّملة ف لموسوعة كايتسير على حساب لحكام لخاصّة ديالو، لّي كاينة هنا. ب نّسبة ل طلبات محتوى جّملة برا طلبات لبوتات، كايتناقشو ف هاد صّفحة. فيها نّيت خاصّ يتقدمو طلبات متعلّقة ب بوتات ديجا كاينة يلا بغات تزيد خدامي جداد.

سمية د لبوت	لوضعية د طّلب	فوقاش تحلّ	مساهمين ف لمداكرة	لي ڤوطاو	تاريخ لمسالية
AmgharBot (مداكرة|مساهمات|منع|صلاحيات)	تّقبل	11:48، 14 غشت 2022	أناس، رضا	أناس، رضا	19:47، 14 أكتوبر 2022

طلب ديال بوت جديد

Sa7bot

• لخدايمي: Bisel91
• سمية لبوت: Sa7bot
• لوغة د لبرمجة: بايثون

هاد لبوت غادي يدير عطاشات ب ستيعمال ل API ديال پاي ويكي:

• التصحيح ديال الأخطاء فالكتابة على حساب القاموس اللي معتامدين عليه فويكيپيديا بالدارجة
• التصحيح ديال الحقائق بحال تواريخ الإزدياد و الوفاة ...

• • شحال د لفريكونص: كاتبدّل على حساب لعطاشة.
  • شكون غادي يخدم هاد لبوت: نقدر نلونصيه رّاسي، ؤلا نحطو أونلاين. لّي جاكم مزيان.

يلا عندكوم أسئلة ؤلا قتيراحات مرحبا!

@Anass Sedrati, Reda benkhadra, Ideophagous, Mounir Neddi, و Mico2022:

مداكرة

• سلام السي @Bisel91:. عافاك دير تيست ديال لبوت فيه تال ديك 50 تبديل، باش نشوفو لخدمة ديالو.--Ideophagous (مداكرة) 09:13، 6 غشت 2023 (+01)
• سلام السي @Bisel91:. راجعت دابا شي تبديلات دارهوم لبوت، و كاينين شي وحدين مزيانين و شي وحدين لا. هادو ملاحضات من داكشي لي راجعت:
  • يلا بغيتي تعوّض التاريخ عافاك عوّض غير داك التاريخ ف بلاصتو، ماشي نفس التاريخ يلا كان معاود ف بلاصة خرة ف التيكست، حيت يقدر يكون تاريخ ديال شي حاجة خرة، ؤلا ڭاع ماشي تاريخ (متلا بالنسبة ل النماري ديال لعام). شوف متلا هنا فين لبوت عوّض التاريخ "1925" ب "23 دجنبر 1925" تا ف التصنيف. متلا يقدر لبوت يعوّض "تولد ف 1925" ب "تولد ف 23 دجنبر 1925"، ماشي غير"1925" لي تقدر تكون ف أي موضع ف التيكست.
  • عافاك تيقّن ف ويكيداطا بلي ماكاينينس جوج تواريخ د الزيادة ؤلا لوفاة ؤلا كتر، حيت سيرتو بالنسبة ل الشخصيات لقدام كيكون شك ف التواريخ.
  • عافاك تيقن من الدقة ديال التاريخ. باش تجبد الدقة دابا نصيفط ليك متال. متلا هنا تم تعويض تاريخ 1700 ب 1750، حيت ف ويكيداطا دايرين تاريخ الزيادة "لقرن 18" (خدا النص ديال لقرن). ف هاد لحالة يلا جبدتي الدقة غادي تطلع ليك قل من 9 (دقة = 9 يعني التاريخ فيه غير لعام يلا بقيت عاقل، 10 فيه الشهر + لعام، 11 فيه النهار + الشهر + لعام))، يعني كان خاص لبوت يتجاهل هاد التاريخ ف مرة.

حيت كيكون الروطار ف ميطاويكي باش يعطيوك صلاحيات لبوت، كانضن حسن نوافقو دابا و تدير تيست أخور من بعد ( معا).--Ideophagous (مداكرة) 07:33، 8 شتنبر 2023 (+01)

واخا...غادي ناخذ هاد المعطيات بعين الإعتبار.. Bisel91 (مداكرة) 11:02، 8 شتنبر 2023 (+01)

• السلام السي @Bisel91: أنا معا متافق يتعطاو الصلاحيات لهاد لبوت. غي واحد لحاجة، عافاك شوفو هاديك لقضية ديال التواريخ حيت كان تيمسح الشهورا (لمهم را كتب عليها منير وغالبا ماغاتبقاش مشكل دابا). شكرا ليكم وتحياتي. -- Anass Sedrati (مداكرة) 13:35، 8 شتنبر 2023 (+01)

  كنقاد فيهوم دبا؛ شكرا على الملاحظات ديالكوم...@Anass Sedratiو @Ideophagous Bisel91 (مداكرة) 23:10، 8 شتنبر 2023 (+01)

• أنا متافق باش يتعطاو صلاحيات ل لبوت، خص غير تدار مراجعة ديال طيسط ديال توارخ ؤ يتلونصا واحد أخور علاود صليح د لأخطاء ف لكتبة. Reda benkhadra (مداكرة) 20:02، 8 شتنبر 2023 (+01)

BotFunast

• لخدايمي: AyourAchtouk
• سمية لبوت: BotFunast
• لوغة د لبرمجة: بايثون

هاد لبوت غادي يدير عطاشات ب ستيعمال ل API ديال پاي ويكي:

• تصياب ديال طومبلايت ديال الجماعات القوية
• لكتبة أوطوماتيك ديال مقالات ديال دواور دلمغريب فإطار مشروع دواور لمغريب د ويكيميديا لمغريب
• إدخال المقالات لي تكتبو للويكيداتا

• • شحال د لفريكونص: مازال نتافقو على هاد القضية فلمشروع دواور.
  • شكون غادي يخدم هاد لبوت: غادي نلونصيه رّاسي.

يلا عندكوم أسئلة ؤلا قتيراحات مرحبا!

@Anass Sedrati, Reda benkhadra, Ideophagous, Mounir Neddi, و Mico2022:

مداكرة

• سلام خاي @AyourAchtouk:. بالنسبة ل لفريكونص، دايرين ف لمجموع 12000 دوار هاد لعام، تقدر تديرها دقة وحدة يلا بغيتي بعدما يتقبل لبوت، و يتزادو لمعلومات لي ناقصين ف ويكيداطا. عافاك نتابه ل حاجة مهمّة هيّ لحجم د لمقالات خاص يكون فايت 3000 بايت باش مايضربش لينا لأهداف لمتعلقة ب الجودة ف الزيرو (30% د لمقالات فايتين 3000 بايت و مافيهومش مشاكيل). تقدر تدير تجربة ديال 10 تال 50 مقال، و يلا كان داكشي مزيان، تقدر تطلب لقابول ديالو ف ميطاويكي. شكرا و تهلا!--Ideophagous (مداكرة) 19:59، 10 غشت 2023 (+01)

  3000 بايط راه على الحساب المعلومات المتاحة، مايمكنش نديرو 3000 بايط للدواوير الصغار لي مافيهمش الداطا. --AyourAchtouk (مداكرة) 21:24، 10 غشت 2023 (+01)

  ماشي موشكيل، غير لأغلبية تكون فايتة 3000 بايت. حيت ماغاديش نديرو الدواور كاملين، تقدر تختار لأغلبية من هادوك لي فيهوم معلومات كافيين. Ideophagous (مداكرة) 21:34، 10 غشت 2023 (+01)

  صافي سير عالله، انا راه ماغانديرش ديك 12000 كاملا. بالحق غانحاول نعاونكم فيها وندير واحد لباريا --AyourAchtouk (مداكرة) 00:15، 11 غشت 2023 (+01)

ترشيحات لقدام

شوف لأرشيڤ.